އިހުތިރާމް އަދާކުރުމުގެ ކެމްޕެއިންގެ ލޯންޗިންއަށް ހިނގި ހަރަދު ހާމަނުކުރި

އިހްތިރާމް އަދާކުރުމުގެ ކެމްޕެއިން: ކެމްޕެއިން ލޯންޗިންއަށް ހިނގި ހަރަދުގެ ތަފްސީލް ހެރިޓޭޖް މިނިސްޓްރީން ހާމަކޮށްފައެއް ނުވޭ -- ފޮޓޯ: ރައީސް އޮފީސް

އިހްތިރާމް އަދާކުރުމުގެ ކެމްޕެއިން: ކެމްޕެއިން ލޯންޗިންއަށް ހިނގި ހަރަދުގެ ތަފްސީލް ހެރިޓޭޖް މިނިސްޓްރީން ހާމަކޮށްފައެއް ނުވޭ -- ފޮޓޯ: ރައީސް އޮފީސް

މުޖުތަމައުގައި އިހުތިރާމް ކުރުމުގެ ސިފަ އާލާކުރުމަށް ސަރުކާރުން ފެށި އިހުތިރާމް އަދާކުރުމުގެ ގައުމީ ކެމްޕެއިންގެ ލޯންޗިންއަށް ސަރުކާރުން ކުރި ހަރަދުގެ ތަފްސީލް ހާމަނުކުރި އެވެ. 

 މިދިޔަ ހޮނިހިރު ދުވަހު މާފަންނު ދުވާ ޓްރެކްގައި ބޭއްވި އިހުތިރާމް ކެމްޕެއިން ލޯންޗިންއަށް ކުރި ހަރަދުގެ ތަފްސީލް ހޯދުމަށް ހެރިޓޭޖް މިނިސްޓަރު ހިނާ ވަލީދާ އަދަދު އިން ސުވާލުކުރުމުން ވިދާޅުވީ ހަރަދުގެ ތަފްސީލް ހިއްސާކުރައްވާނެ ކަމަށެވެ. ނަމަވެސް އޭގެ ފަހުން އެކަމާ ގުޅިގެން މިނިސްޓަރު އެއްވެސް ޖަވާބެއް ދެއްވާފައެއް ނުވެ އެވެ. 

"ޗެކް ކޮށްލަން ޖެހޭނީ. އެބަ ބަލާލަން،" އަދަދު އިން ކުރި ސުވާލަށް ޖަވާބު ދެއްވަމުން ހީނާ ވިދާޅުވި އެވެ. 

ހެރިޓޭޖް މިނިސްޓްރީން އިންތިޒާމުކޮށްގެން ބޭއްވި އިހުތިރާމް އަދާކުރުމުގެ ކެމްޕެއިން ލޯންޗިންގައި ސަރުކާރުގެ އޮފީސްތަކާއި އެކި މުައްސަސާތަކުގެ މުވައްޒަފުންނަށް މަޖުބޫރުކޮށްގެން ބައިވެރިކުރުވި އެވެ. އެގޮތުން ޖަލްސާގައި ސިވިލް ސާވަންޓުން ބައިވެރިވާކަން ކަށަވަރުކުރަން ސިވިލް ސާވިސް ކޮމިޝަނުން ސަރުކާރު އޮފީސްތަކަށް އަންގާފައިވެ އެވެ. 

ކެމްޕެއިން ލޯންޗިންގެ ތެރެއިން ކުރިއަށްގެންދިޔަ އެކި ހަރަކާތްތަކާއި، މާފަންނު ދުވާ ޓްރެކް ސަރަހައްދު ތައްޔާރުކުރުމަށް ބޮޑު ހަރަދެއް ހިނގާނެ ކަމަށް ލަފާ ކުރެވެ އެވެ. އެ ޖަލްސާއަށް ގިނަ އަދަދެއްގެ ގޮނޑި ޖެހިކަންވެސް ފާހަގަކުރެވެ އެވެ. 

މި ގައުމީ މަޝްރޫއުގެ މައިގަނޑު މަގުސަދަކީ ދިވެހި މުޖުތަމައުގައި ގެއްލެމުންދާ އިޖުތިމާއީ އަގުތަކާއި، އަދަބުވެރިކަމުގެ އިތުރުން އެކަކު އަނެކަކަށް ގަދަރުކުރުމުގެ ރީތި ސިފަތައް އަލުން ދިރުވައި އާލާކުރުމެވެ.

ރަސްމިއްޔާތަށް ތައްޔާރުވުމަށްޓަކައި ހަފުތާއެއްހާ ދުވަސް ކުރިން އެކުވެނި ދުވާ ޓްރެކް ބަންދުކުރުމުން، ކަސްރަތުކުރުމަށް އެ ތަން ބޭނުންކުރާ އާންމުންނާއި ދޮށީ އުމުރުގެ މީހުންނަށް ދަތިތަކާ ކުރިމަތިވި ކަމަށް ބުނެ ވެސް ބައެއް އާންމުން ވަނީ ނުރުހުން ފާޅުކޮށްފަ އެވެ.  

ކޮމެންޓް

ފަހުގެ ޚަބަރު

ލޯ ޑިގްރީ އިމްތިހާނަށް މާލެ އަންނާކަށް ނުޖެހޭނެ: ބާ ކައުންސިލް

ލޯ ޑިގްރީގެ އިމްތިހާނުތައް ހެދުމަށް މާލެއަށް ނުވަތަ ވަކި ހާއްސަ ރަށަކަށް ހާޒިރުވުން ލާޒިމު ނޫން ކަމަށާއި، ދަރިވަރުން ދިރިއުޅޭ ރަށެއްގެ ސްކޫލް ނުވަތަ ކައުންސިލް މެދުވެރިކޮށް އިމްތިހާނު ހެދޭނެ މަގު ބާ ކައުންސިލުން ފަހިކޮށްދީފިއެވެ. އަންނަ އަހަރުން ފެށިގެން އަމަލުކުރާ މި އުސޫލުގެ ދަށުން އިމްތިހާނު ހަދާ ގޮތަށް ބަދަލު އައި ނަމަވެސް، ކޯހުގެ މަންހަޖާއި ކިޔަވައިދޭ މުއްދަތަށް އެއްވެސް ބަދަލެއް ނާންނާނެއެވެ.

ތަރައްގީގެ އެއްވެސް ކަމެއް ކުރުމަށް ލާރިއެއް ނެތް: ޝާކިރު

އަންނަ އަހަރުގެ ބަޖެޓުގައި ރިކަރަންޓް ހަރަދަށް ކެނޑުމަށްފަހު ތަރައްގީގެ މަޝްރޫއުތަކަށް ފައިސާ ނެތް ކަމަށް ވިދާޅުވެ މެންބަރު އަހުމަދު ޝާކިރު ކަންބޮޑުވުން ފާޅުކުރައްވައިފިއެވެ. އޭނާ ވިދާޅުވީ ދައުލަތުގެ އާމްދަނީގެ ބޮޑުބައެއް ހަރަދުވަނީ ރިކަރަންޓް ކަންކަމަށް ކަމަށާއި، މަޝްރޫއުތައް ހިންގަން ޖެހެނީ އިތުރަށް ދަރަނި ނަގައިގެން ކަމަށެވެ. މީގެ އިތުރުން ސަރުކާރު ކުންފުނިތަކުން ބޮޑެތި ގެއްލުންވަމުންދާ ދިއުމަށްވެސް އޭނާ ވަނީ ފާޑުވިދާޅުވެފައެވެ.

"ސިޓިޒަންސް ކޮމްޕްލެއިންޓްސް" ލައުންޖުތަކެއް ގާއިމުކޮށްފި

ރައްޔިތުންގެ ޝަކުވާތަކާއި ކަންބޮޑުވުންތައް ސަރުކާރަށް ހުށަހެޅުމަށްޓަކައި މާލެ އާއި ހުޅުމާލޭގައި "ސިޓިޒަންސް ކޮމްޕްލެއިންޓްސް" ބިއުރޯގެ ދެ ލައުންޖެއް މިއަދު ވަނީ ހުޅުވައިފައެވެ. ސަރުކާރު ބަންދު ނޫން ކޮންމެ ދުވަހަކު ޚިދުމަތް ދޭ މި އޮފީސްތަކަކީ ރައީސުލްޖުމްހޫރިއްޔާގެ އޮފީހުގެ ދަށުން ހިންގާ، ރައްޔިތުންގެ މައްސަލަތަކަށް ހައްލު ހޯދައިދިނުމަށް ގާއިމުކުރި ތަންތަނެވެ.

ރިއަލް އެސްޓޭޓު ބިލު މަޖިލީހަށް ބަލައިގަނެފި

މި ބިލު ބަލައިގަންނަން ވޯޓު ދިނީ 42 މެންބަރުން. ބިލާ ދެކޮޅަށް ވޯޓު ދެއްވީ އެމްޑީޕީގެ 13 މެންބަރުން. މި ބިލު ދިރާސާކުރާނީ ގައުމީ ތަރައްގީ އާއި ތަރިކައިގެ ކޮމިޓީން. މިއީ ގާނޫނުއަސާސީގެ ހިމާޔަތްތައް ނައްތާލައި، ތާއަބަދަށް ނުވަތަ ހުސްނުވާ ގޮތަށް ބޭރު މީހުންނަށް ބިން މިލްކުކުރެވޭނެ ގޮތް ހެދުމަށް އިންތިޒާމުތަކެއް ހިމަނާފައިވާ ބިލެއް

ބޮޑެތި ޖޫރިމަނާތަކެއް ހިމަނާފައިވާ އަބުރުގެ ބިލު ކޮމިޓީއަށް

ސޯޝަލް މީޑިއާގައި މީހެއްގެ އަބުރާ ބެހޭ ފަދަ ޕޯސްޓެއް ހިއްސާކޮށްފިނަމަ 5 ލައްކަ ރުފިޔާއާ ހަމައަށް ޖޫރިމަނާ ކުރެވޭ ގޮތަށް ހުށަހެޅި އަބުރުގެ ބިލު މަޖިލީހަށް ބަލައިގަނެ ކޮމިޓީއަށް ފޮނުވައިފިއެވެ. މި ބިލުގައި ބަހާއި، ފޮޓޯއާއި، އިޝާރާތް އަދި ފިލްމު ފަދަ ވަސީލަތްތައް މެދުވެރިކޮށް އަބުރާ ބެހުމުގެ ދައުވާ ކުރެވޭނެ ގޮތްތައް ބަޔާންކޮށްފައިވެއެވެ.

މަރުގެ އަދަބު ތަންފީޒު ކުރާ ބިލު ބަލައިގެންފި

ދަންޖައްސައިގެން މަރުގެ އަދަބު ތަންފީޒުކުރާ ގޮތަށް ސަރުކާރުން ހުށަހެޅި ބިލު ރައްޔިތުންގެ މަޖިލީހަށް މިއަދު ބަލައިގެންފިއެވެ. މި ބިލުގައި މަރުގެ އަދަބު ތަންފީޒުކުރާނެ ގޮތާއި، އެކަން ހިންގާނެ ޕެނަލެއް އެކުލަވާލުމުގެ އިތުރުން، ބަލިވެއިނުމާއި ދަރިފުޅަށް ދެ އަހަރު ފުރުން ފަދަ އަދަބު ތަންފީޒުނުކުރެވޭނެ ހާލަތްތައް ބަޔާންކޮށްފައިވެއެވެ.

ތިން ކުންފުންޏެއްގެ މަނީ އެކްސްޗޭންޖު ލައިސަންސް ބާތިލްކޮށްފި

މަނީ ޗޭންޖިން ގަވާއިދާ ތަކުރާރުކޮށް ހިލާފުވި ތިން ކުންފުންޏެއްގެ ލައިސަންސް އެމްއެމްއޭ އިން ބާތިލުކޮށް، އެ ކުންފުނިތައް ބޮޑެތި އަދަދުތަކުން ޖޫރިމަނާކޮށްފިއެވެ. މި ފިޔަވަޅަކީ ބޭރު ފައިސާގެ ބާޒާރު ކޮންޓްރޯލްކޮށް، ގަވާއިދާ ހިލާފު މުއާމަލާތްތައް ހުއްޓުވުމަށް އެމްއެމްއޭ އިން ކުރަމުންދާ މަސައްކަތުގެ ތެރެއިން އެޅި ފިޔަވަޅެކެވެ.

Newsletter

Get the latest news delivered straight to your inbox