ރިކަރަންޓު ހަރަދަށް ކެނޑުމަށްފަހު ތަރައްގީގެ އެއްވެސް ކަމެއް ކުރުމަށް ލާރިއެއް ނެތް: ޝާކިރު

ނޮވެމްބަރު 18، 2026الله: ބަޖެޓު ބަހުސްގައި ޝާކިރު ވާހަކަ ދައްކަވަނީ

ނޮވެމްބަރު 18، 2026الله: ބަޖެޓު ބަހުސްގައި ޝާކިރު ވާހަކަ ދައްކަވަނީ

އަންނަ އަހަރަށް ލަފާކޮށް ސަރުކާރުން ހުށަހަޅާފައިވާ ބަޖެޓުގައި ރިކަރަންޓު ހަރަދަށް ކެނޑުމަށްފަހު ތަރައްގީގެ މަޝްރޫއުތަކަށް ހޭދަކުރާނެ ފައިސާއެއް ހިމަނާފައި ނެތް ކަމަށް ވިދާޅުވެ ރައްޔިތުންގެ މަޖިލީހުގެ މާވަށު ދާއިރާގެ މެންބަރު އަހުމަދު ޝާކިރު ކަންބޮޑުވުން ފާޅުކުރައްވައިފި އެވެ. 

މިއަދު ކުރިއަށްދިޔަ ބަޖެޓު ބަހުސްގައި ވާހަކަ ދައްކަވަމުން ޝާކިރު ބަޖެޓު ސިފަކުރެއްވީ ބިލާހެއްގެ ގޮތުގަ އެވެ. މިހާރު ހުށަހަޅާފައި އޮތް ބަޖެޓުގައި ވެސް އޮތީ ލޯނު މައްޗަށް ލޯނު ނަގައިގެން ދަރަނި އިތުރުވާ ގޮތަށް ކަމަށް އޭނާ ވިދާޅުވި އެވެ. 

ދައުލަތަށް ލިބޭ އާމްދަނީގެ 99 އިންސައްތަ، 99 އިންސައްތަ ރިކަރެންޓް ހަރަދަށް މި ހަރަދުކުރަނީ. އެއް ޕަސެންޓު ވެސް ނެތް، ނެތް އެހެން އެއްވެސް އެއްވެސް ތަރައްޤީއެއް، އެއްވެސްކަމެއް ކުރާކަށް ލާރިއެއް. ދެން އަނެއްކާވެސް މިހާރު ހަމަ ކޮންމެ ޕްރޮޖެކްޓެއް ހިންގަން ވެސް މި ޖެހެނީ އަނެއްކާވެސް ދަރަނި ނަގަން،" އޭނާ ވިދާޅުވި އެވެ. 

ސަރުކާރުތަކުން ޒިންމާ ނަގަން ޖެހޭ ކަމަށް މި ސަރުކާރުން ބުނަމުންދިޔަ ނަމަވެސް މިދިޔަ ތިން އަހަރުގެ ބަޖެޓުން ވެސް އެއްވެސް ހައްލެއް ހޯދުމަށް ޕީއެންސީގެ ސަރުކާރުން މަސައްކަތްކޮށްފައި ނުވާ ކަމަށް އޭނާ ވިދާޅުވި އެވެ. ސަރުކާރު ކުންފުނިތަކުން ކުރަމުންދާ ހަރަދުތަކާ މެދު ވެސް އޭނާ ކަންބޮޑުވުން ފާޅުކުރެއްވި އެވެ.

"މި ކުންފުނިތަކަކީ ކޮންކަމެއް ކުރާ ކުންފުނިތަކެއްތޯ؟ ގިނަ ކުންފުނިތަކަކީ ހަމަ ބްލީޑްވަމުން ގޮސްފައި ހަމަ ލޮސް މޭކުކުރަމުންދާ ކުންފުނިތައް. މި ކުންފުނިތަކުން ކޮންކަމެއްތޯ ކުރަނީ؟ އެހެންވީމާ އެއީ ވަރަށް އަޅުގަނޑަށް ހަމަ ގިސްލާފައި ރޮވޭ ކަހަލަ ކަމެއް އިނގޭތޯ. ޓްރާންސްފާގެ ގޮތުގައި، ސަބްސިޑީސްގެ ގޮތުގައި ފަސް ބިލިއަން ކުންފުނިތަކަށް ފަސް ބިލިއަން އެބަހުރި،" ޝާކިރު ވިދާޅުވި އެވެ. 

އަންނަ އަހަރަށް ލަފާކޮށް ފިނޭންސް މިނިސްޓަރު ހަސަން ޒަރީރު މަޖިލީހަށް ހުށަހެޅުއްވީ 59.7 ބިލިއަން ރުފިޔާގެ ބަޖެޓެކެވެ. މިއީ މި އަހަރަށް ފާސްކުރި 64.2 ބިލިއަން ރުފިޔާގެ ބަޖެޓާ އަޅައިބަލާއިރު ގާތްގަނޑަކަށް 4.5 ބިލިއަން ރުފިޔާ ކުޑަ އަދަދެކެވެ.

ޖުމްލަ ބަޖެޓު ކުޑަވި ނަމަވެސް، އަންނަ އަހަރު ދައުލަތުގެ ހަރަދުތައް 52.6 ބިލިއަން ރުފިޔާއަށް އަރައި، މި އަހަރަށް ވުރެ 3.3 ބިލިއަން ރުފިޔާ އިތުރުވާނެ އެވެ. މީގެ ތެރެއިން ސަރުކާރު ހިންގުމުގެ ރިކަރަންޓު ހަރަދު 42.7 ބިލިއަން ރުފިޔާގައި ހިފެހެއްޓުމަށް ބަޖެޓުކޮށްފައިވާއިރު، ތަރައްގީގެ މަޝްރޫއުތަކުގެ ހަރަދު ވަނީ 9.9 ބިލިއަން ރުފިޔާއަށް އިތުރުވެފަ އެވެ.

ހަރަދުތައް ބޮޑުވުމުގެ ސަބަބުން އަންނަ އަހަރުގެ ބަޖެޓު ޑެފިސިޓު 9.4 ބިލިއަން ރުފިޔާއަށް އަރާނެ ކަމަށް ވަނީ އަންދާޒާކޮށްފަ އެވެ. މިއީ މި އަހަރު ނިމޭއިރު ޑެފިސިޓު ހުންނާނެ ކަމަށް ލަފާކުރާ އަދަދަށް ވުރެ 25 އިންސައްތައިގެ އިތުރުވުމެކެވެ.

ކޮމެންޓް

ފަހުގެ ޚަބަރު

ލޯ ޑިގްރީ އިމްތިހާނަށް މާލެ އަންނާކަށް ނުޖެހޭނެ: ބާ ކައުންސިލް

ލޯ ޑިގްރީގެ އިމްތިހާނުތައް ހެދުމަށް މާލެއަށް ނުވަތަ ވަކި ހާއްސަ ރަށަކަށް ހާޒިރުވުން ލާޒިމު ނޫން ކަމަށާއި، ދަރިވަރުން ދިރިއުޅޭ ރަށެއްގެ ސްކޫލް ނުވަތަ ކައުންސިލް މެދުވެރިކޮށް އިމްތިހާނު ހެދޭނެ މަގު ބާ ކައުންސިލުން ފަހިކޮށްދީފިއެވެ. އަންނަ އަހަރުން ފެށިގެން އަމަލުކުރާ މި އުސޫލުގެ ދަށުން އިމްތިހާނު ހަދާ ގޮތަށް ބަދަލު އައި ނަމަވެސް، ކޯހުގެ މަންހަޖާއި ކިޔަވައިދޭ މުއްދަތަށް އެއްވެސް ބަދަލެއް ނާންނާނެއެވެ.

"ސިޓިޒަންސް ކޮމްޕްލެއިންޓްސް" ލައުންޖުތަކެއް ގާއިމުކޮށްފި

ރައްޔިތުންގެ ޝަކުވާތަކާއި ކަންބޮޑުވުންތައް ސަރުކާރަށް ހުށަހެޅުމަށްޓަކައި މާލެ އާއި ހުޅުމާލޭގައި "ސިޓިޒަންސް ކޮމްޕްލެއިންޓްސް" ބިއުރޯގެ ދެ ލައުންޖެއް މިއަދު ވަނީ ހުޅުވައިފައެވެ. ސަރުކާރު ބަންދު ނޫން ކޮންމެ ދުވަހަކު ޚިދުމަތް ދޭ މި އޮފީސްތަކަކީ ރައީސުލްޖުމްހޫރިއްޔާގެ އޮފީހުގެ ދަށުން ހިންގާ، ރައްޔިތުންގެ މައްސަލަތަކަށް ހައްލު ހޯދައިދިނުމަށް ގާއިމުކުރި ތަންތަނެވެ.

ރިއަލް އެސްޓޭޓު ބިލު މަޖިލީހަށް ބަލައިގަނެފި

މި ބިލު ބަލައިގަންނަން ވޯޓު ދިނީ 42 މެންބަރުން. ބިލާ ދެކޮޅަށް ވޯޓު ދެއްވީ އެމްޑީޕީގެ 13 މެންބަރުން. މި ބިލު ދިރާސާކުރާނީ ގައުމީ ތަރައްގީ އާއި ތަރިކައިގެ ކޮމިޓީން. މިއީ ގާނޫނުއަސާސީގެ ހިމާޔަތްތައް ނައްތާލައި، ތާއަބަދަށް ނުވަތަ ހުސްނުވާ ގޮތަށް ބޭރު މީހުންނަށް ބިން މިލްކުކުރެވޭނެ ގޮތް ހެދުމަށް އިންތިޒާމުތަކެއް ހިމަނާފައިވާ ބިލެއް

ބޮޑެތި ޖޫރިމަނާތަކެއް ހިމަނާފައިވާ އަބުރުގެ ބިލު ކޮމިޓީއަށް

ސޯޝަލް މީޑިއާގައި މީހެއްގެ އަބުރާ ބެހޭ ފަދަ ޕޯސްޓެއް ހިއްސާކޮށްފިނަމަ 5 ލައްކަ ރުފިޔާއާ ހަމައަށް ޖޫރިމަނާ ކުރެވޭ ގޮތަށް ހުށަހެޅި އަބުރުގެ ބިލު މަޖިލީހަށް ބަލައިގަނެ ކޮމިޓީއަށް ފޮނުވައިފިއެވެ. މި ބިލުގައި ބަހާއި، ފޮޓޯއާއި، އިޝާރާތް އަދި ފިލްމު ފަދަ ވަސީލަތްތައް މެދުވެރިކޮށް އަބުރާ ބެހުމުގެ ދައުވާ ކުރެވޭނެ ގޮތްތައް ބަޔާންކޮށްފައިވެއެވެ.

މަރުގެ އަދަބު ތަންފީޒު ކުރާ ބިލު ބަލައިގެންފި

ދަންޖައްސައިގެން މަރުގެ އަދަބު ތަންފީޒުކުރާ ގޮތަށް ސަރުކާރުން ހުށަހެޅި ބިލު ރައްޔިތުންގެ މަޖިލީހަށް މިއަދު ބަލައިގެންފިއެވެ. މި ބިލުގައި މަރުގެ އަދަބު ތަންފީޒުކުރާނެ ގޮތާއި، އެކަން ހިންގާނެ ޕެނަލެއް އެކުލަވާލުމުގެ އިތުރުން، ބަލިވެއިނުމާއި ދަރިފުޅަށް ދެ އަހަރު ފުރުން ފަދަ އަދަބު ތަންފީޒުނުކުރެވޭނެ ހާލަތްތައް ބަޔާންކޮށްފައިވެއެވެ.

ތިން ކުންފުންޏެއްގެ މަނީ އެކްސްޗޭންޖު ލައިސަންސް ބާތިލްކޮށްފި

މަނީ ޗޭންޖިން ގަވާއިދާ ތަކުރާރުކޮށް ހިލާފުވި ތިން ކުންފުންޏެއްގެ ލައިސަންސް އެމްއެމްއޭ އިން ބާތިލުކޮށް، އެ ކުންފުނިތައް ބޮޑެތި އަދަދުތަކުން ޖޫރިމަނާކޮށްފިއެވެ. މި ފިޔަވަޅަކީ ބޭރު ފައިސާގެ ބާޒާރު ކޮންޓްރޯލްކޮށް، ގަވާއިދާ ހިލާފު މުއާމަލާތްތައް ހުއްޓުވުމަށް އެމްއެމްއޭ އިން ކުރަމުންދާ މަސައްކަތުގެ ތެރެއިން އެޅި ފިޔަވަޅެކެވެ.

އިހުތިރާމް ކެމްޕެއިންގެ ލޯންޗިންއަށް ހިނގި ހަރަދު ހާމަނުކުރި

ސަރުކާރުން ފެށި "އިހުތިރާމް އަދާކުރުމުގެ ގައުމީ ކެމްޕެއިން" އިފްތިތާހު ކުރުމަށް ބޭއްވި ރަސްމިއްޔާތަށް ހިނގި ހަރަދުގެ ތަފްސީލް ހާމަކުރައްވާނެ ކަމަށް މިނިސްޓަރު ވިދާޅުވި ނަމަވެސް، އެ މައުލޫމާތު މިހާތަނަށް ހާމަކޮށްފައެއް ނުވޭ. ސިވިލް ސާވަންޓުން ބައިވެރިވުން މަޖުބޫރުކޮށްގެން ބޭއްވި މި ހަރަކާތަށް ބޮޑު ޚަރަދެއް ހިނގާނެ ކަމަށް ބެލެވޭ.

Newsletter

Get the latest news delivered straight to your inbox