ރަސްމާލޭ ޕްރޮޖެކްޓާމެދު ދެކޭ ގޮތް ބަލަން ވޯޓެއް ނުނަގައިފި ނަމަ މަގުތައް ފުރާލައި އިހުތިޖާޖުކުރަންޖެހޭ: ފައްޔާޒް

އެމްޑީޕީގެ ކުރީގެ ޗެއާޕާސަން ފައްޔާޒް އިސްމާއިލް: ރަސްމާލެ ޑީލާ ގުޅިގެން ރިފަރެންޑަމަކަށް ނުދާނަމަ ރަށްރަށުން މީހުން މާލެ އައިސް މަގުތައް ފުރާލަން ޖެހޭ ކަމަށް އޭނާ ވިދާޅުވި

އެމްޑީޕީގެ ކުރީގެ ޗެއާޕާސަން ފައްޔާޒް އިސްމާއިލް: ރަސްމާލެ ޑީލާ ގުޅިގެން ރިފަރެންޑަމަކަށް ނުދާނަމަ ރަށްރަށުން މީހުން މާލެ އައިސް މަގުތައް ފުރާލަން ޖެހޭ ކަމަށް އޭނާ ވިދާޅުވި

ރައްޔިތުންނަށް ބޯހިޔާވަހިކަން ހޯދައިދިނުމަށް ކަމަށް ބުނެ ފުށިދިއްގަރުފަޅުން  އެއްބައި ޔޫއޭއީގެ އީގަލް ހިލްސްއަށް ދޫކޮށްލުމުގެ ކުރިން ރައްޔިތުންގެ ފެންނަ ނުފެންނަ ވޯޓަކަށް (ރެފެރެންޑަމަކަށް) ސަރުކާރުން ނުގޮސްފިނަމަ، މަގުތައް ފުރާލައި އިހުތިޖާޖު ކުރަން ޖެހޭނެ ކަމަށް އެމްޑީޕީގެ ކުރީގެ ޗެއާޕާސަން ފައްޔާޒް އިސްމާއިލް މިރޭ ވިދާޅުވެއްޖެ އެވެ. 

ރަސްމާލެ ޑީލާ ގުޅޭ ގޮތުން އެމްޑީޕީން ބޭއްވި ގައުމީ މަޖިލިސް ޖަލްސާގައި ފައްޔާޒް ވިދާޅުވީ މި މަހުގެ 15، އާ ހިސާބަށްދާއިރު ރަސްމާލެ ޑީލާ ގުޅޭގޮތުން ރިފަރެންޑަމަކަށް ނުގޮސްފިނަމަ ރަށްރަށުން މީހުން މާލެ ޖަމާވެ، މި މަހުގެ 17، ގެ ނިޔަލަށް ކޮންމެ ރެޔަކު މަގުތައް ފުރާލައި އިހުތިޖާޖުކުރަން ޖެހޭނެ ކަމަށެވެ. 

"އަޅުގަނޑު ދަންނަވާލާނީ މީގައި ގަރާރަށް އަޅުގަނޑު ތާއީދުކުރަން. އަދި ރިފަރެންޑަމް ނުބާއްވާ ކަމަށްވާކަމަށްވަންޏާމުން މި މަހުގެ 15 އާ ހިސާބަށްދާއިރު ރިފަރެންޑަމް ނުބާއްވާ ކަމަށްވަންޏާމުން އަޅުގަނޑު ހަމަ މިކަމައިގެން އެމްޑީޕީން އުޅޭ ބޭފުޅުންނަށް ދަންނަވާލަން 17 ނޮވެމްބަރާ ހިސާބަށް ކޮންމެ ރެޔަކު އެމީހަކު ހުރިތާކުން މަގުތައް ފުރާލަން. ފައިބާ އަޅުގަނޑުމެން މިކަމާ އިހުތިޖާޖު ކުރަންޖެހޭނެ. ރާއްޖޭގެ އެކި ކަންކޮޅުތަކުން މާލެއަށް އަރައި މިކަމުގައި ރިފަރެންޑަމަކަށް އަޅުގަނޑުމެން ގޮވަންޖެހޭނީ،" ފައްޔާޒް ވިދާޅުވި އެވެ. 

Advertisement

ފައްޔާޒް ވިދާޅުވީ ރަސްމާލެ ޑީލުގެ ސަބަބުން ކުރިއަށް އެތްތަނުގައި ރާއްޖޭގެ އިސްތިގުލާލަށް މައްސަލަތަކެއް ކުރިމަތިވެދާނެ ކަމަށާއި އިޖުތިމާއީ ފޭރާމަށް ވެސް އޭގެ ސަބަބުން ގެއްލުންތަކެއް ކުރިމަތިވާނެ ކަމަށެވެ. އެހެންކަމުން ރައީސް މުހައްމަދު މުއިއްޒުގެ ކިބައިން އެދެނީ މިކަމާ ގުޅިގެން ރައްޔިތުން ދެކޭ ގޮތް އެހުމަށް ކަމަށް ވެސް އޭނާ ވިދާޅުވި އެވެ. 

"ދިވެހިރާއްޖޭގެ އަޅުގަނޑުމެންގެ އިސްތިގުލާލަށް އޭގެ މައްސަލަތަކެއް ކުރިއަށް އޮތްތާގައި ދިމާވެދާނެ ކަމާއި އަދި އަޅުގަނޑުމެންގެ އިޖުތިމާއީ ފޭރާމަށް މީގެއިން އެތައް މައްސަލަތަކެއް ދިމާވެދާނެ ކަމާއި މި ކަންބޮޑުވުންތައް އަޅުގަނޑުމެންގެ ހުރީ. އެހެންވީމ އަޅުގަނޑުމެން ރައީސް މުއިއްޒު ކައިރިން މި އެދެނީ ރައްޔިތުން ކައިރީ އަހާލާށޭ،" އޭނާ ވިދާޅުވި އެވެ. 

އެތައް ސަތޭކަ މިލިއަން ރުފިޔާއެއް ހަރަދުކޮށްގެން ރައްޔިތުންނަށް ބޯހިޔާވަހިކަން ކަށަވަރުކޮށްދޭން ހިއްކި ތަނެއް ދެތިން ހަފްތާ ތެރޭގައި ބަޔަކަށް ދޭން ނިންމުމަކީ ކަންބޮޑުވާ ކަމެއްކަން ފާހަގަކުރައްވާ ފައްޔާޒް ވިދާޅުވީ އެތަން ހިލޭ ނުވަތަ ހިއްސާއެއް ނުލިބޭ ގޮތަށް ދޫކޮށްލަން އުޅޭ ކަމަށް އަޑުތައް ފެތުރުމަކީ މައްސަލައެއް ކަމަށެވެ.

ދައުލަތުން ބޮޑު ހަރަދުކޮށްގެން ހިއްކި ރަސްމާލޭގެ ބިމުން 500 ހެކްޓަރު ޔޫއޭއީގެ އީގަލް ހިލްސް ކުންފުންޏަށް ދޫކޮށްލުމަށް ސަރުކާރުން ނިންމާފައިވާ ނިންމުމާ މެދު އެ ޕާޓީގެ ތެރޭގައި ދެބަސްވުންތަކެއް އެބައޮތެވެ. އެކާމާ ގުޅޭގޮތުން އެ ޕާޓީގެ ސްޓޭންޑު ކަނޑައެޅުމަށް މިރޭ ގައުމީ މަޖިލީހުގެ ބައްދަލުވުމެއް ބޭއްވުމަށް ވަނީ ނިންމާފަ އެވެ.  

ރަސްމާލެ ދޫކޮށްލަން ސަރުކާރުން އެއްބަސްވީ އެކުއިޒިޝަން ފީއެއް އަދި ބިމު ކުއްޔެއް ވެސް ނުނަގާ ގޮތަށެވެ. ސަރުކާރަށް ލިބޭ ހަމައެކަނި އެއްޗަކީ ރަސްމާލޭގައި އަޅާ ކޮމާޝަލް ޕްރޮޕަޓީސް ވިއްކައިގެން ލިބޭ ރެވެނިއުގެ 10 ޕަސެންޓާއި އެޕާޓްމަންޓުތައް ވިއްކައިގެން ލިބޭ ރެވެނިއުގެ ހަތަރު ޕަސެންޓެވެ. 

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox