އަބުރުގެ ބިލަކީ ރަސްމާލެ ވިއްކާލާ ވާހަކަ ހުއްޓުވަން ހުށަހެޅި ބިލެއް: މައުރޫފް

ކެންދޫ މެންބަރު މައުރޫފް ޒާކިރު މަޖިލީހުގެ ޖަލްސާއެއްގައި ވާހަކަދައްކަވަނީ -- ފޮޓޯ: ރައްޔިތުންގެ މަޖިލިސް

ކެންދޫ މެންބަރު މައުރޫފް ޒާކިރު މަޖިލީހުގެ ޖަލްސާއެއްގައި ވާހަކަދައްކަވަނީ -- ފޮޓޯ: ރައްޔިތުންގެ މަޖިލިސް

ސަރުކާރުން ރައްޔިތުންގެ މަޖިލީހަށް ހުށަހަޅާފައިވާ އަބުރުގެ ބިލަކީ ރަސްމާލެ ވިއްކާލާ ވާހަކަ ދެއްކުން ހުއްޓުވުމަށާއި، ދޮގުވެރިންނާ ދިމާލަށް ދޮގު ހަދަނީއޭ ބުނުން ކުށަކަށް ހަދައި ރައްޔިތުންނަށް ބިރުދެއްކުމަށް ހުށަހެޅި ބިލެއް ކަމަށް ކެންދޫ ދާއިރާގެ މެންބަރު މައުރޫފް ޒާކިރު ވިދާޅުވެއްޖެ އެވެ.

އަބުރުގެ ބިލުގެ ބަހުސްގައި ވާހަކަ ދައްކަވަމުން މައުރޫފް ވިދާޅުވީ، ކުއްލިއަކަށް މި ދަނޑިވަޅުގައި މި ބިލު މަޖިލީހަށް ފޮނުވުމުގެ ފަހަތުގައި ރަސްމާލެ މަޝްރޫއުގެ ވާހަކަ އާއި ދޮގުވެރިންގެ ވާހަކަ ދެއްކުން ހުއްޓުވުމުގެ އިތުރުން އެއްވެސް މަގުސަދެއް ނެތް ކަމަށެވެ.

އެގޮތުން ގައުމު ބަނގުރޫޓުކޮށްލުމަށްފަހު، ސަރުކާރުން މިހާރު ރަސްމާލެއާއި ރާއްޖޭގެ ފަޅުތަކާއި ފަރުތައް ވިއްކާލަމުންދާ ވާހަކަ ދެއްކުމުން އެއީ އަބުރާ ބެހުން ކަމަށް ކަނޑައަޅަން އުޅުމަކީ ބަލައިގަނެވޭނެ ކަމެއް ނޫން ކަމަށެވެ.

އަބުރާ ބެހުމަކީ ބޮޑު ކުށަކަށް ހަދައި، ޖޫރިމަނާކޮށް ޖަލަށް ލެވޭ ގޮތަށް މި ބިލު ފަރުމާކޮށްފައިވާއިރު، މަޖިލީހުގެ މެންބަރުންނަށްވެސް އަދަބު ލިބޭ ގޮތަށް މާއްދާތައް ހިމަނާފައި އޮތުމުން ސަރުކާރުގެ ނިޔަތް ވަރަށް ސާފު ކަމަށް އޭނާ ވިދާޅުވި އެވެ.

"ގައުމު ބަނގުރޫޓު ކޮށްލާފަ ނޮޅައި ކައި ވީދާ ހުސްކޮށްލާފަ ދެން މި ވިއްކާލަނީ ފަޅުތަކާ ފަރުތައް. އެ ތަންތަން ވިއްކާލާފަ ދެން އެ ވިއްކާލާ ވާހަކަ ދެއްކީމަ ތި ހަދަނީ ގޯހެކޭ ބުނީމަ އެ ވަނީ އަބުރަށް އަރައިގަތީ ކަމަށް. މިކަހަލަ އިހުތިރާމެއް އަޅުގަނޑުމެން ބޭނުމެއް ނޫން،" މައުރޫފް ވިދާޅުވިއެވެ.

މައުރޫފް ވިދާޅުވީ, އަބުރާ ބެހިގެން ރައްޔިތުން ޖަލަށް ލެވޭނެ ކަމަށް ހީކޮށް މިފަދަ ގާނޫނުތައް ފާސްކުރުމަކީ އެއްވެސް ނަތީޖާއެއް ނެރެވޭނެ ކަމެއް ނޫން ކަމަށެވެ.

މިސާލެއްގެ ގޮތުން "ހަސަން ކުރުސީ" ޖަލަށް ނުލެވިގެން އުޅޭ މައްސަލައަށް އަލިއަޅުވާލަމުން އޭނާ ވިދާޅުވީ، އެކަން ހުއްޓުވަން އުޅެ ނުވެގެން ހޯމްލޭންޑް ސެކިއުރިޓީ މިނިސްޓަރުވެސް މިހާރު އަނގައިން ނުބުނެ ހުއްޓާލާފައިވާ ކަމަށެވެ.

"ރައްޔިތުން ނުކުމެ ދޮގުވެރިޔަކާ ދިމާލަށް ދޮގު ހަދަނީ އޭ ބުނީމައި މިއަދު އެ ކުށަކަށް ހަދަނީ. ކާކަށް އޮޅުވާލަންތޯ މި އުޅެނީ؟ ހެއްދެވި ފަރާތް ދެކެ ބިރު ނުގަންނަނީތޯ؟ މިކަހަލަ ކަންކަން ކޮށްގެން ސަލާމަތްވާނެ ކަމަށް ހީނުކުރައްވާތި،" މަޖިލީހުގެ ތަޅުމުގައި މިއަދު މައުރޫފް ވިދާޅުވިއެވެ.

މަޖިލީހަށް މިހާރު ހުށަހަޅައިފައިވާ އަބުރުގެ ބިލުގައި ވަނީ ބުނާ ބަސްތަކަކެއްގެ ސަބަބުން، ދައްކާ ފޮޓޯއެއް ނުވަތަ ކުރެހުމެއްގެ ސަބަބުން ވެސް އަބުރުގެ ދައުވާ ކުރެވިދާނެ ކަމަށެވެ. އަދި، ވަކި މީހަކު ސިފަވާގޮތަށް ހަދާފައި ހުންނަ ތަކެތި މެދުވެރިކޮށް ނުވަތަ ހަދާ ފިލްމަކުން ނުވަތަ ތަމްސީލެއްގެ ސަބަބުން ވެސް އަބުރުގެ ދައުވާ ކުރެވިދާނެ ކަމަށް އެ ބިލުގައި ހިމަނައިފައިވެ އެވެ.

އޭގެ އިތުރުން، މީހަކު ކުރާ އިޝާރާތެއްގެ ސަބަބުން ނުވަތަ ކުރާ ހަރަކާތެއްގެ ސަބަބުން ވަކި ފަރާތެއްގެ އަބުރާބެހެވޭ ފަދަ އެއްޗެއް ސިފަކުރެވިފެން ނުވަތަ ވިސްނި، ދޭހަވިޔަސް އެ ބިލުގައި ވާގޮތުން އަބުރުގެ ދައުވާ ކުރެވެ އެވެ.

އެ ބިލުގައި ވާގޮތުން އަބުރުގެ ދައުވާއެއް އުފުލޭނީ އަބުރާ ބެހުމުގެ އަމަލުތަކުގެ ގޮތުގައި ބަޔާންކޮށްފައިވާ ކަންކަމުގެ ތެރެއިން އެއްވެސް ކަމަކީ، އޭގައި ހަގީގަތެއް އެކުލެވިގެން ނުވާ ދޮގަކަށް ވެއްޖެ ނަމަ އެވެ.

އަބުރުގެ ދައުވާއެއް ސާބިތުވެއްޖެ ނަމަ، ބަދަލުގެ ގޮތުގައި 50،000ރ. އާއި 500،000ރ. އާ ދެމެދުގެ އަދަދެއްގެ ބަދަލެއް ނަގައިދެވިދާނެކަމަށް އެ ބިލުގައި ބަޔާންކޮށްފައިވެ އެވެ. 

ކޮމެންޓް

ފަހުގެ ޚަބަރު

އިހަވަންދިއްޕޮޅުގައި ވިޔަފާރި ބަނދަރު ހަދަން ސޮއިކޮށްފި

އިހަވަންދިއްޕޮޅުގައި ބައިނަލްއަގުވާމީ ވިޔަފާރި ބަނދަރަކާއި މެރިޓައިމް އަދި ސިނާއީ މަސައްކަތްތަކަށް ބޭނުންވާ ވަސީލަތްތައް ގާއިމުކުރުމަށް ޔޫއޭއީގެ ސަހު ގްރޫޕާއެކު ސަރުކާރުން މިއަދު ސޮއިކޮށްފިއެވެ. މި މަޝްރޫއުގެ ދަށުން އެ ސަރަހައްދުގައި ޓޫރިޒަމް ތަރައްގީކުރުން ވެސް ހިމެނޭއިރު، މިއީ ރާއްޖޭގެ އެންމެ އުތުރުގައި އިގްތިސާދީ ހަރަކާތްތައް ފުޅާކުރުމަށް ކުރިއަށްގެންދާ މުހިންމު މަސައްކަތެކެވެ.

މާދަމާރޭގެ ޖަލްސާއަށް ދާން ސަރުކާރު މުވައްޒަފުންނަށް އަންގައިފި

މާދަމާރޭ ބާއްވާ ޖަލްސާއަށް، ސަރުކާރުގެ ހުރިހާ މުވައްޒަފުން އެމީހުންގެ އަނބިން ނުވަތަ ފިރިންނާއެކު ބައިވެރިވުމަށް ރައީސުލްޖުމްހޫރިއްޔާ ވަނީ ދައުވަތު އަރުވާފައެވެ. މި ޖަލްސާއަށް ދާ މުވައްޒަފުންނާއި އެމީހުންގެ އަނބިފިރިންގެ މައުލޫމާތު މިއަދު މެންދުރުގެ ކުރިން ރައީސް އޮފީހަށް އެންގުމަށް ވުޒާރާތަކަށް ވަނީ އަންގާފައެވެ.

އަދާލަތުން ސަރުކާރަށް ތާއީދުކުރުމުން އަލީ ޒާހިރު ފާޑުވިދާޅުވެއްޖެ

އޭނާ ވިދާޅުވީ މިއީ ގިނަ ބައެއްގެ އުއްމީދުތަކާއި ބުރަ މަސައްކަތް ފޮހެވިގެންދާނެ ހިތާމަވެރި ނިންމުމެއް ކަމަށެވެ. އަދާލަތުން މި ނިންމުން ނިންމާފައިވަނީ 2028 ވަނަ އަހަރުގެ ރިޔާސީ އިންތިޚާބުގައި ރައީސް މުޢިއްޒަށް ތާއީދުކުރުމުގެ ގޮތުންނެވެ.

ބަޖެޓު ރާވާފައި ވަނީ މުވައްޒަފުން ނުނަގާ ހިންގޭ ގޮތަށް: ފިނޭންސް

މަޖިލީހަށް މައުލޫމާތު ދެމުން ފިނޭންސުން ބުނީ އަންނަ އަހަރުގެ ބަޖެޓު ރާވާފައި ވަނީ އާ މުވައްޒަފުން ނުނަގާ ދައުލަތް ހިންގޭ ގޮތަށް ކަމަށް. އަދި މުސާރަ ކަނޑައެޅުމުގައި ބަލަނީ ދައުލަތުގެ ފޯރުންތެރިކަން ހުރި މިންވަރަށް ކަމަށް.

ޕެންޝަން އޮފީހުގެ ސީއޯއޯގެ މަގާމުން ޝިއުނާ ވަކިކޮށްފި

ޕެންޝަން އޮފީހުގެ ސީއޯއޯގެ މަގާމުން މަރިޔަމް ޝިއުނާ ވަކިކޮށްފައިވަނީ، އެ އޮފީހުގެ ޗެއާޕާސަނާ ގުޅޭ މައްސަލަތަކެއް ކަމާބެހޭ އިދާރާތަކަށް ހުށަހެޅުމާއި ސަރުކާރުން ފައިސާ ޗާޕުކުރި މުއާމަލާތާ ދެކޮޅު ހެދުމުންނެވެ. މިދިޔަ ސެޕްޓެމްބަރު މަހުން ފެށިގެން ސަސްޕެންޝަނުގައި ހުރި ޝިއުނާ އެ މަގާމުން ވަކިކުރިއިރު، އޭނާއަކީ މީގެ ކުރިން އޭސީސީގެ ރައީސްކަންވެސް ކުރައްވާފައިވާ ބޭފުޅެކެވެ.

ރަސްމާލެ ވިއްކާލުމާ ދެކޮޅަށް އިހުތިޖާޖަށް ނުކުންނަން ގޮވާލައިފި

ބޭރުގެ ބަޔަކަށް 99 އަހަރަށް ރަސްމާލެ ވިއްކާލުމާ ދެކޮޅަށް އެމްޑީޕީން އެކަތިގަނޑެއްގެ ގޮތުގައި އިހުތިޖާޖަށް ނުކުތުމަށް މެންބަރު މީކާއިލް ގޮވާލައްވައިފިއެވެ. މި މަޝްރޫއާ މެދު ރައްޔިތުންގެ ފެންނަނުފެންނަ ވޯޓެއް ނެގުމަށް އެމްޑީޕީން ގަރާރެއް ހުށަހަޅާފައިވާއިރު، އެކަމުގައި ޕާޓީގެ ޒިންމާ ބޮޑުކަމަށް މީކާއިލް ފާހަގަކުރެއްވިއެވެ.

ޕީއެންސީއާއެކު އަދާލަތުން ކޯލިޝަން ހަދައިފި

މި އެއްބަސްވުމުގެ ދަށުން ސަރުކާރުގެ އިސް މަގާމުތައް އަދާލަތު ޕާޓީގެ މެންބަރުންނަށް ދިނުމަށް ވަނީ ހަމަޖެހިފައެވެ. އަދާލަތު ޕާޓީއަކީ މީގެ ކުރިން އެމްޑީޕީ އަދި ޕީޕީއެމްގެ ސަރުކާރުތަކުގައިވެސް ކޯލިޝަން ބައިވެރިއެކެވެ.

Newsletter

Get the latest news delivered straight to your inbox