ޒްވެރެވް، 35 އަހަރަށް ފަހު ޖަރުމަނު ޓެނިސް ތާރީހު ބަދަލުކޮށްލައިފި

Oct 30, 2026, 8:20 PM
ޖަރުމަނުގެ ޓެނިސް ތަރި އަލެކްސަންޑަ ޒްވެރެވް.

ޖަރުމަނުގެ ޓެނިސް ތަރި އަލެކްސަންޑަ ޒްވެރެވް.

ވިއޭނާ، އޮސްޓްރިއާ (އޮކްޓޫބަރު 30) - ޖަރުމަނުގެ ޓެނިސް ތަރި، އަލެކްސަންޑަ ޒްވެރެވް، ދުނިޔޭގެ ރޭންކިންގެ އެއް ވަނަ ކަށަވަރުކޮށް ޖަރުމަނުގެ ޓެނިސް ތާރީހު ބަދަލުކޮށްލައިފި އެވެ. 

މި މަހު ކުރީކޮޅުގައި، ޗައިނާގައި ކުރިއަށްދިޔަ، ޝަންހާއީ މާސްޓާސްގެ ދެ ވަނަ ބުރުން ސްޕެއިނުގެ ކާލޯސް އަލްކަރާޒް ބަލިވުމާ އެކު، ޒްވެރެވް އަށް މި އަހަރުގެ ޓެނިސް ސީޒަން ނިމޭއިރު ދުނިޔޭގެ ރޭންކިން އެއް ވަނަ ހޯދުމުގެ ފުރުސަތު ވަނީ ފަހިވެފަ އެެވެ.

ވިއޭނާގައި މިހާރު ކުރިއަށްދާ، އޭސްޓް ބޭންކް އޯޕަން ޓެނިސް މުބާރާތުގެ ކުއާޓާ ފައިނަލުން ޒްވެރެވް ޖާގަ ހޯދުމާ އެކު، ޓެނިސް ރޭންކިން އެއް ވަނަ އަށް އަރަން ލިބުނު އެންމެ އަވަސް ފުރުސަތުގެ ބޭނުން ވަނީ ހިފައިފަ އެވެ. ކުއާޓާ ފައިނަލުން، ޒްވެރެވް ޖާގަ ހޯދީ، ޓަލޯން ގްރިއެޖްސްޕޫރް އަތުން 6-4، 7-5 އިން މޮޅުވެގެންނެވެ. 

އުމުރުން، 29 އަހަރުގެ ޒްވެރެވް އަކީ ޓެނިސް ރޭންކިން އެއް ވަނަ އަށް މިދިޔަ 35 އަހަރު ތެރޭގައި ޖެހިލި ޖަރުމަނުގެ ފުރަތަމަ ކުޅުންތެރިޔާ އެވެ. މީގެ ކުރިން، ޓެނިސް ރޭންކިންގެ އެއް ވަނަ އަށް ޖެހިލި ޖަރުމަނުގެ ހަމައެކަނި ކުޅުންތެރިއަކީ، 1991 ވަނަ އަހަރު އެ މަގާމަށް ޖެހިލި، ބޮރިސް ބެކާ އެވެ. 

ޖަރުމަނުގެ ޓެނިސް ތަރި އަލެކްސަންޑަ ޒްވެރެވް.
ޖަރުމަނުގެ ޓެނިސް ތަރި އަލެކްސަންޑަ ޒްވެރެވް.

ދުނިޔޭގެ ރޭންކިން އެއް ވަނަ އަށް ދިއުމަށްޓަކައި، ޒްވެރެވް ވަނީ މި ފަހަރުގެ ޓެނިސް ސީޒަނުގައި ކުޅުނު 80 މެޗުން 64 މެޗުން މޮޅުވެފަ އެވެ. އަދި، ގްރޭންޑް ސްލޭމް ޓެނިސް ދެ މުބާރާތް ކާމިޔާބުކުރި އެވެ. އެއީ، ފްރެންޗް އޯޕަން އާއި ޔޫއެސް އޯޕަން އެވެ. 

"ހަޔާތުގެ އެންމެ ބޮޑު އުފާވެރިކަން ހާސިލްކުރުމުގެ ދަތުރުގައި ވަރަށް ދުވަސް ހޭދަވެއްޖެ. ވަރަށް އުފަލުން މި ހުރީ. އެއްވެސް ވަރަކަށް މި އިހުސާސެއް ލަފްޒުތަކަކުން ބަޔާނެއް ނުކުރެވޭނެ،" ޓެނިސް ރޭންކިން އެއް ވަނަ އަށް އަލަށް އެރި ދެ ވަނަ އަށް އެންމެ ދުވަސްވީ ކުޅުންތެރިޔާ، ޒްވެރެވް ބުންޏެވެ. 

މި ވަގުތަށް ބަލާއިރު، ޓެނިސް ރޭންކިންގެ އެއް ވަނައިގައި އޮތް ޒްވެރެވް އާއި އިޓަލީގެ ޖަނިކް ސިނާ އަށް ވަނީ 9450 ޕޮއިންޓް ލިބިފަ އެވެ. ޒްވެރެވް ދެން ކުޅޭ މެޗުން ލިބޭ ޕޮއިންޓްތަކާ އެކު، އެއް ވަނައިގައި ލީޑެއް ލިބޭނެ އެވެ. 

މީގެ ހަަތަރު އަހަރު ކުރިން، 2022 ވަނަ އަހަރުގެ ފްރެންްޗް އޯޕަންގައި ކަކުލަށް ސީރިއަސް އަނިޔާއެއްވީ ނަމަވެސް އަލުން އެނބުރި އައިސް ޒްވެރެވް ފެންނަނީ ވަރުގަދަކޮށެވެ. އަދި، މީގެ ދެ އަހަރު ކުރިން، 2024 ވަނަ އަހަރުގެ މާޗް މަހުގެ ފަހުން، ޒްވެރެވް އައީ ފޯމު ރަނގަޅު ކުރަމުންނެވެ. 

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox