ރިޔާދު، ސައުދީ އަރަބިއްޔާ (އޮކްޓޫބަރު 15) - ޔަމަނުގެ ހޫތީން ސައުދީ އަރަބިއްޔާ އަށް ދެމުން އަންނަ ހަމަލާތަކާ ގުޅޭ ހަނގުރާމައާ ހެދި، މި މަހު ސައުދީ އަރަބިއްޔާގައި ކުރިއަށްގެންދަން ނިންމާފައި އޮތް ޓެނިސް މުބާރާތް، ސިކްސް ކިންގްސް ސްލޭމް ފަސްކޮށްފި އެވެ.
މި މަހު 21 އިން ފެށިގެން ތިން ދުވަހަށް ކުރިއަށްގެންދަން ނިންމާފައި އޮތް، ސިކްސް ކިންގްސް ސްލޭމް މުބާރާތުގައި ގްރޭންޑް ސްލޭމް ޓެނިސް މުބާރާތްތައް ކާމިޔާބުކޮށްފައިވާ، ހަ ކުޅުންތެރިން ވާދަކުރަން އޮތެވެ. އެ ކުޅުންތެރިންގެ ތެރޭގައި، ސްޕެއިނުގެ ކާލޯސް އަލްކަރާޒް، އިޓަލީގެ ޖަނިކް ސިނާ، ޖަރުމަނު އަލެކްސަންޑަ ޒްވެރެވް، އޮސްޓްރޭލިއާގެ އަލެކްސް ޑި މިނޯ، އެމެރިކާގެ ޓޭލާ ފްރިޓްޒް އަދި ލާނާ ޓިއެން އެވެ.
ސިކްސް ކިންގްސް ސްލޭމް ކުރިއަށްގެންދަނީ، ރިޔާދުގެ ކިންގް ހާލިދު އިންޓަނޭޝަނަލް އެއާޕޯޓާ 31 ކިލޯމީޓަރު ދުރުގައި ހުންނަ އޭއެންބީ އެރީނާގަ އެެވެ. މިއީ މި މުބާރާތް ބާއްވަން ނިންމި ތިން ވަނަ އަހަރެެވެ. އިޓަލީގެ ސިނާ މިދިޔަ އަހަރުގެ މުބާރާތް ކާމިޔާބުކުރިއިރު، މި އަހަރުގެ މުބާރާތް ފަސްކޮށްފައިވަނީ، ޑިސެމްބަރު މަހު ފަހުކޮޅަށެވެ. މި ވަގުތަށް ކަނޑައަޅާފައިވާ ތާރީހަކީ، 27-30 ޑިސެމްބަރުގަ އެވެ.
ޔަމަނުގެ ހޫތީ މޫވްމަންޓާ ދެކޮޅަށް ސައުދީން ކުރަމުން އަންނަ ހަނގުރާމައިގެ ސަބަބުން، ސައުދީގައި ކުރިއަށްދާ ގިނަ އިވެންޓްތަކެއްގެ ޝެޑިއުލަށް އަންނަނީ ބުރު އަރަމުންނެވެ. ސިކްސް ކިންގްސް ސްލޭމް ފަސްކޮށްފައިވާއިރު، ސައުދީގެ މައި ފުޓްބޯޅަ ލީގު، ޕްރޮފެޝަނަލް ލީގު (ޕްރޯ ލީގު)ގެ ތިން މެޗެއް ވެސް މިދިޔަ އަންގާރަ ދުވަހު ފަސް ކުރަން ޖެހުނެވެ.
މީގެ އިތުރުން، ސައުދީގައި ބާއްވަން ނިންމާފައި އޮތް ފޯމިއުލާ 1 ގްރޯން ޕްރީގެ އިވެންޓެއް ވެސް ވަނީ ފަސްކުރަން މަޝްވަރާތަކެއް ކޮށްފަ އެވެ. އަދި، ސައުދީގައި ބާއްވަން ތާވަލުކޮށްފައިވާ ގޮލްފް އިންޓަނޭޝަނަލް އިވެންޓެއްގެ ޝެޑިއުލަށް ވެސް ބަދަލު އަންނާނެ ކަމަށް ބެލެވެ އެވެ.
