މެލްބާން، އޮސްޓްރޭލިއާ (ސެޕްޓެމްބަރު 4) - އޮސްޓްރޭލިއާގެ ޓެނިސް ތަރި، ނިކް ކިރްގިއޯސް، ކޮކޭން ބޭނުންކުރި ކަމަށް އެއްބަސްވުމުން އޭނާ އަށް އެއް މަަހުގެ ސަސްޕެންޝަނެއް ދިނުމަށް ޓެނިސް އިންޓަގްރިޓީ އެޖެންސީ (އައިޓީއައިއޭ) އިން ނިންމައިފި އެވެ.
ސްޕެއިނުގެ މަޔޯކާ އޯޕަންގައި ވާދަކުރަމުން ދިޔައިރު، ޖޫން 22 ވަނަ ދުވަހު، އުމުރުން 31 އަަހަރުގެ ކިރްގިއޯސް ވަނީ މެޗަކަށް ފަހު، ޑޯޕިން ޓެސްޓެއްގައި ބައިވެރިވެފަ އެވެ. އެ ޓެސްޓްގެ ނަތީޖާ އައިއިރު، ކުރިން ދުނިޔޭގެ 13 ވަނައިގައި އޮތް ކިރްގިއޯސް ވަނީ ކޮކޭން އަށް ޕޮޒިޓިވްވެފަ އެވެ. އެ ޓެސްޓްތަކުގެ ނަތީޖާ ލިބުމާ އެކު މިދިޔަ މަހުގެ ހަތަރު ވަނަ ދުވަހު މައްސަލަ އިތުރަށް ބެލުމަށް ޓަކައި ކިރްގިއޯސް ސަސްޕެންޑްކުރި އެވެ.
ޓެނިސް ތަރި ކިރްގިއޯސް ކޮކޭން ބޭނުންކުރި މަައްސަލައެއްގައި ސަސްޕެންޑްކޮށްފި
އޮސްޓްރޭލިއާގެ ޓެނިސް ތަރި ނިކް ކިރްގިއޯސް ކޮކޭންއަށް ޕޮޒިޓިވްވުމާ ގުޅިގެން، އިންޓަނޭޝަނަލް ޓެނިސް އިންޓެގްރިޓީ އެޖެންސީން އޭނާ ވަގުތީ ގޮތުން ސަސްޕެންޑްކޮށްފި. މި މައްސަލައިގައި ކިރްގިއޯސް ކުށަށް އިއުތިރާފުވެފައިވާއިރު، މައްސަލަ އެއްކޮށް ބަލައި ނިމުމުން އޭނާއަށް ހަތަރު އަހަރުގެ ސަސްޕެންޝަނެއް އައުމުގެ ފުރުސަތު އެބައޮތް
ދި އިންޓަނޭޝަނަލް ޓެނިސް އިންޓެގްރިޓީ އެޖެންސީން ކިރްގިއޯސް ސަސްޕެންޑްކުރީ ވަގުތީ ގޮތުން މިއަދުގެ ނިޔަލަށެވެ. އެއީ، ފުލް ރިޕޯޓަށް ބަލައި، އޭނާ އަށް ދޭން ޖެހޭ ސަސްޕެންޝަނެއް ޑިސިޕްލިނަރީ ކޮމީޓީން ވެސް ނިންމަން ޖެހޭނެތީއާ އެކު އެވެ. މި މުއްދަތުގެ ތެރޭގައި ކިރްގިއޯސް ބޭނުންނަމަ އެޕީލް ކުރުމުގެ ފުރުސަތު ލިބިފައި އޮތް ގޮތަށެވެ.
ރިޕޯޓްތައް ބުނާގޮތުން، ކިރްގިއޯސްގެ މައްސަލަ އެއްކޮށް ބަލައިނިމި، އަންނަ ސަސްޕެންޝަންގެ މުއްދަތު ހަތަރު އަހަރަށް ވުުމުގެ ފުރުސަތު ބޮޑެވެ. އެކަމަކު، އެ އަދަބުގެ މުއްދަތު ކުރުވުމުގެ ފުރުސަތު ވެސް އެބައޮތެވެ. އެއީ، އޭނާ ކޮކޭން ބޭނުންކޮށްފައިވަނީ، މުބާރާތެއްގެ މެދުތެރެއިން ނޫން ކަމަށް ސާބިތުކޮށްދީގެންނެވެ. އޭރުން ސަސްޕެންޝަން އަންނާނީ ތިން މަހަށެވެ. އެކަމަކު، އައިޓީއައިއޭގައި ކިރްގިއޯސް ދެއްކި ވާހަކަތަކަށް ފަހު، އޭނާ އަށް ދިނީ އެންމެ މަހެއްގެ ސަސްޕެންޝަނެކެވެ.
އެއީ، ކިރްގިއޯސް ވަނީ، އޭނާ ކޮކޭން ބޭނުންކުރީ، 19 ޖޫންގެ ދަންވަރުގައި ނައިޓް ކްލަބެއްގައި ކަމަށްވާއިރު، އޭނާގެ ފުރަތަމަ މެޗު އޮތީ ދެ ދުވަސް ފަހުންނެވެ. އެހެންވުމުން، އޭނާ ކޮކޭން ބޭނުންކުރީ މުބާރާތެއްގެ ތެރޭގައިކަން ސާބިތެއްނުވެ އެވެ.
ކިރްގިއޯސްގެ އެއް މަސް ދުވަހުގެ ސަސްޕެންޝަން ވެސް މިހާރު ވަނީ ހަމަވެފަ އެވެ. ޓެނިސްގެ ރޭންކިން އަށް ބަލާއިރު، ކިރްގިއޯސް މި ވަގުތު އޮތީ 918 ވަނައިގަ އެވެ. އަދި، ކުރިއަށް ހުރި މެޗުތަކުން، އޭނާ އަށް އިނާމް ފައިސާގެ ގޮތުގައި ލިބޭ އާމްދަނީން 7000 އެއްހާ ޑޮލަރު އުނިކުރާނެ އެވެ.
މީގެ ކުރިން ދުނިޔޭގެ ރޭންކިންގެ 13 ވަނައިގައި ވެސް އޮތް، ކިރްގިއޯސް މި އަހަރުގެ މިހާތަނަށް ކުޅެފައިވަނީ، ސިންގަލްސް ހަތަރު މެޗެވެ. ކަކުލާއި އަތުގެ ކުޑަހުޅުގެ ގިނަ އަނިޔާތަކެއް މިދިޔަ އަހަރުތަކުގައި ދިމާވި ކިރްގިއޯސް އަށް މި އަހަރު ކުޅުނު މެޗުތަކުގެ ތެރެއިން، މޮޅުވެވުނީ އެންމެ މެޗަކުންނެވެ. އަނެއް ތިން މެޗުން ވަނީ ބަލިވެފަ އެވެ.
