ރަސްމާލޭގައި ޣައިރު މުސްލިމުން ވަޒަންވެރިކުރުވުމަކީ ރައީސަށް ލިބިގެންވާ ދުސްތޫރީ ބާރެއް ނޫން: ދީދީ

ޑރ. އަހްމަދު އަބްދުﷲ ދީދީ

ޑރ. އަހްމަދު އަބްދުﷲ ދީދީ

ރަސްމާލޭގައި ޣައިރު މުސްލިމުން ހިމެނޭހެން ބިދޭސީން ގަރުނަކަށް ފަހު ގަރުނަކަށް ދެމިގެންދާ ގޮތަށް ވަޒަންވެރިކުރުވުމަކީ ރައީސުލްޖުމްހޫރިއްޔާއަށާއި ސަރުކާރަށް ލިބިގެންވާ ދުސްތޫރީ ބާރެއް ނޫން ކަމަށާއި އެއީ ހަމައެކަނި ރައްޔިތުންނަށް ލިބިގެންވާ ބާރެއް ކަމަށް ކުރީގެ އުއްތަމަ ފަނޑިޔާރު ޑރ. އަހްމަދު އަބްދުﷲ ދީދީ ވިދާޅުވެއްޖެ އެވެ.

ދައުލަތުން ހަރަދުކޮށްގެން ހިއްކަމުންދާ ރަސްމާލޭގެ 500 ހެކްޓަރު ޔޫއޭއީގެ ކުންފުންޏަކަށް ދޫކޮށްލުމަށް ސަރުކާރުން އަންނަނީ ތައްޔާރުވަމުންނެވެ. އެކަމާ ދެކޮޅަށް އެތައް ބަޔަކު އަޑުއުފުލަމުން އަންނައިރު ގިނަ ބައެއްގެ ކަންބޮޑުވުން އޮތީ އެ ތަނުގައި އެހެން ދީންތަކުގެ މީހުން ވަޒަންވެރި އުޅެވޭ ގޮތަށް އެއްބަސްވުން އެކުލަވާލާތީ އެވެ.

އެ މައްސަލާގައި ވަކި ޝަރުތުތަކެއް ކަނޑައެޅުމަށްފަހު ދިވެހިރާއްޖޭގައި އެހެން ދީންތަކުގެ މީހުން ވަޒަންވެރިކުރުވަން އިސްލާމް ދީނުގެ ހައްގުގައި މަސައްކަތް ކުރާ ޖަމިއްޔަތުއް ސަލަފުން އޮތީ ތާއިދުކޮށްފަ އެވެ. ކުރީގެ އުއްތަމަ ފަނޑިޔާރު ވަނީ އެކަމާ ގުޅިގެން ސަލަފު ޖަމްއިއްޔާގެ މެންޑޭޓާއި މެދު ސުވާލު އުފަދައްވާފަ އެވެ. 

Advertisement

"ރަސްމާލޭ ގައި ބިދޭސީން ޤަރުނަކަށް ފަހު ގަރުނަކަށް ދެމިގެންދާ ގޮތަށް ޣައިރު މުސްލިމުން ހިމެނޭހެން، ބިދޭސީން ވަޒަންވެރި ކުރުވުމަކީ 5 އަހަރުގެ މުއްދަތަށް ވެރިކަންހިންގުމުގެ ބާރު ރައްޔިތުން ހަވާލުކޮށްފައިވާ ރައީސުލްޖުމްހޫރިއްޔާއަށާ، އޭނާގެ ސަރުކާރަށް ލިބިގެންވާ ދުސްތޫރީ ބާރެއް ނޫން."

ދީދީ ވިދާޅުވީ އެ ބާރަކީ ހަމައެކަނި ސިޔާދަތުގެ ވެރިންކަމުގައިވާ ރައްޔިތުންގެ ބާރެކެވެ. އޭގެ އިތުރުން ސަލަފު ޖަމިއްޔާގެ ޝަރުތުތަކުގެ ތެރޭގައި ސަރުކާރުން ކަށަވަރުކޮށްދޭން އެދިފައިވާ ކަންކަމަކީ ސަރުކާރަށް ކަށަވަރުކޮށްދޭން ޖެހޭ ކަންކަން ކަމަށް ދީދީ ވިދާޅުވި އެވެ. 

"ސަލަފުގެ އިލްމުވެރިންގެ އިހްލާސްތެރިކަމެއް އޮތްނަމަ، ދިވެހިރާއްޖޭގެ ޖުމްހޫރިއްޔާގެ ގާނޫނުއަސާސީއަށާއި އިސްލާމްދީނަށް ހުރުމަތްތެރިކޮށް ހިތައި، ދިވެހި ދައުލަތުގެ ސިޔާދަތާއި އިސްލާމީ ވަހުދަތު ގެއްލިގެން ހިނގައިދާނެ ފަދަ ކަންކަމުން ދުރުވެ، ދައުލަތާއި ރައްޔިތުންނަށް ހިޔާނާތްތެރި ނުވުމަށް ރައީސް މުއިއްޒަށާއި ސަރުކާރަށް ގޮވާލީސްކަން ކަށަވަރު." ދީދީ ވިދާޅުވި އެވެ.

ސަލަފުން ނެރެފައިވާ ބަޔާނުގައި އިސްލާމީ ޝަހުސިއްޔަތާއި ގައުމީ ސިޔާދަތު ހިމާޔަތް ކުރުމާއި، ދައުލަތުގެ ސިޔާދަތާއި އިސްތިރާޖީ މިނިވަންކަން ހިމާޔަތް ކުރުން ހިމެނެއެވެ.

އެހެން ދީންތަކުގެ މީހުން ރާއްޖޭގައި ވަޒަންވެރިވުމަށް ތާއީދުކޮށް ސަލަފުން ބަޔާނެއް އާންމު ކުރީ އިޒްރޭލާއި ޒަޔަނިސްޓުންނަށް ވާގިވެރިވާ ޔޫއޭއީގެ އީގަލް ހިލްސްއަށް ރަސްމާލެ ވިއްކާލަން ސަރުކާރުން ނިންމި ނިންމުން ދިރާސާ ކުރުމަށްފަހު އެވެ. 

ސަލަފުން ނެރުނު ބަޔާނުގައި ބުނެފައި ވަނީ އެހެން ދީންތަކުގެ މީހުން ރާއްޖޭގައި ވަޒަންވެރި ކުރުވުމުގެ ކުރިން ރާއްޖޭގައި އިސްލާމީ ދައުލަތެއް ހިނގާނެކަން ހިމެނޭ ގޮތަށް ބައެއް މުހިންމު ކަންކަން ކަށަވަރު ކުރަންޖެހޭ ކަމަށެވެ. 

ރަސްމާލޭގެ އެއްވެސް ތަނެއް އަދި ދިވެހިރާއްޖޭގެ އެއްވެސް ސަރަހައްދެއްގައި އިޒްރޭލުގެ ރައްޔިތަކަށް ވަޒަންވެރި ނުވެވޭނެ ގޮތެއް ކަށަވަރު ކުރަންޖެހޭ ކަމަށް ވެސް ސަލަފުގެ ބަޔާނުގައި ބުނެފައިވެ އެވެ. އަދި ރަސްމާލެ މަޝްރޫއިން ދިވެހި ރައްޔިތުންނަށް ބޮޑު މަންފާއެއް ލިބޭނެކަން ކަށަވަރު ކުރަންޖެހޭނެ ކަމަށް ވެސް އެ ޖަމިއްޔާއިން ބުނެފި އެވެ. 

އޭގެ އިތުރުން، އެފަދަ މަޝްރޫއުއެއް ކުރިއަށްގެންދިޔުމުގެ ކުރިން ސިޔާސީ ޕާޓީތަކާއި އާންމު ރައްޔިތުންގެ މަޝްވަރާ ވަރަށް ފުޅާ ދާއިރާއެއްގައި ހޯދުމަށް ސަލަފުގެ ބަޔާނުގައި އޮތީ ސަރުކާރަށް ގޮވާލައިފަ އެވެ. 

ދައުލަތުގެ ފައިސާއިން ފުށިދިއްގަރުފަޅު ހިއްކައިގެން ހަދަމުން އަންނަ ރަސްމާލޭގެ 500 ހެކްޓަރު އީގަލް ހިލްސްއަށް ވިއްކާލުމުގެ ކޮމާޝަލް ޓާމްސްގައި ސޮއި ކުރީ ސެޕްޓެމްބަރު 21، ގަ އެވެ. އެ ޕްރޮޖެކްޓުގެ ދާއިމީ އެގްރިމެންޓުގައި ސޮއި ކުރަން މަސައްކަތް ކުރަނީ ނޮވެމްބަރު 11، ގަ އެވެ. އެއީ ރާއްޖޭގެ ޖުމްހޫރީ ދުވަހެވެ. 

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox