މެޑްޓެކުން 14 މިލިއަން ރުފިޔާއަށް ހުޅުމާލެއިން ބިމެއް ގަނެފި

މާލޭގައި ހުންނަ މެޑްޓެކްގެ ހޯމްކެއާ ފިހާރަ: މެޑްޓެކަކީ ފުޅާ ދާއިރާއެއްގެއި މެޑިކަލް ސާމާނާއި ކޮންސިއުމަބަލްސް ވިއްކާ ވިޔަފާރިއެއް --- ފޮޓޯ: ކޯޕަރޭޓް މޯލްޑިވްސް

މާލޭގައި ހުންނަ މެޑްޓެކްގެ ހޯމްކެއާ ފިހާރަ: މެޑްޓެކަކީ ފުޅާ ދާއިރާއެއްގެއި މެޑިކަލް ސާމާނާއި ކޮންސިއުމަބަލްސް ވިއްކާ ވިޔަފާރިއެއް --- ފޮޓޯ: ކޯޕަރޭޓް މޯލްޑިވްސް

ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އިން ހުޅުމާލޭގެ ދެ ވަނަ ފިޔަވަހިން ވިއްކި ބިމެއް މެޑްޓެކް ޑައިގްނޯސްޓިކްސްއިން 14 މިލިއަން ރުފިޔާއަށް ގަނެފި އެވެ.

މި ބިމުގެ މިލްކުވެރިކަން އެ ކުންފުންޏަށް ބަދަލުވެފައިވާ ކަމަށް ސިވިލް ކޯޓުގެ ހުޅުމާލެ ޑިވިޒަނުން ހުކުމްކުރީ އިއްޔެ އެވެ. އެ ކޯޓުން ނިންމީ ހުޅުމާލެ ފޭސް ދޭކުން ވިއްކި 2،266 އަކަފޫޓުގެ ބިމުގެ އަގު ކަމަށްވާ 14.4 މިލިއަން ރުފިޔާ މެޑްޓެކުން ދައްކައި ހަލާސްކޮށްފައިވާތީ، އެ މުއާމަލާތް ނިމިިފައިވާ ކަމަށެވެ.

މި ބިމުގެ މިލްކުވެރިކަން ބަދަލުކުރުމުގެ ކުރިން ކޯޓުން ވަނީ މެޑްޓެކަކީ ގަތް މެޑްޓެކަކީ ސަތޭކަ ޕަސެންޓް ދިވެހިންގެ ހިއްސާ އޮންނަ ކުންފުންޏެއްތޯ ސާބިތުކޮށްފަ އެވެ. ކޯޓުން މިކަން ކުރީ ހުޅުމާލޭ ދެ ވަނަ ފިޔަވަހިން މި ބިންތައް ވިއްކިއިރު، އަމިއްލަ މީހުންނާއި ސަތޭކަ ޕަސެންޓް ދިވެހިން ހިއްސާވާ ވިޔަފާރިތަކަށް ވެސް ބައިވެރިވެވޭ ގޮތަށް ބީލަން ހިންގުމުންނެވެ. 

އެޗްޑީސީން އޭގެ ކުރިން ބިން ވިއްކަން ހުޅުވާލި ހުރިހާ ފަހަރެއްގައި ވެސް ބިން ވިއްކަން ކުރިމަތިލެގޭ ގޮތަށް އޮތީ ފަރުދުުންނަށެވެ. މިއީ، އެ އުސޫލުން ބޭރުން ބިން ވިއްކި ފުރަތަމަ ފަހަރެވެ. 

މެޑްޓެކް ޑައިގްނޯސްޓިކްސްއަކީ ރާއްޖޭގެ ސިއްހީ ދާއިރާއަށް ބޭނުންވާ މެޑިކަލް ސާމާނާއި ލެބޯޓްރީ އިކުއިޕްމަންޓް ފުޅާ ދާއިރާއެއްގައި އެތެރެކުރާ ކުންފުންޏެކެވެ. މި ކުންފުނިން ވަނީ  20 މިލިއަން ރުފިޔާގެ އިސްލާމިކް ސުކޫކެއް ވެސް ވިއްކާފަ އެވެ. 

މެޑިކަލް ވިިޔަފާރީގެ އިތުރުން މިހާރު މި ކުންފުނިން އަންނަނީ ކޮންސްޓްރަކްޝަނާއި އެހެން ދާއިރާތަކަށް ވެސް ވިޔަފާރި ފުޅާ ކުރަމުުންނެވެ. މިގޮތުން މި ކުންފުނިން ވަނީ އަމިއްލަ ހަރަދުގައި (ކޮންޓްރެކްޓާ ފައިނޭންސިން މޮޑެލް) ހައްޖު ކޯޕަރޭޝަންގެ އޮފީސް އިމާރާތް ތަރައްގީކުރަން 79 މިލިއަން ރުފިޔާގެ އަގަކަށް ހަވާލުވެފަ އެވެ. 

ކޮމެންޓް

ފަހުގެ ޚަބަރު

ލޯ ޑިގްރީ އިމްތިހާނަށް މާލެ އަންނާކަށް ނުޖެހޭނެ: ބާ ކައުންސިލް

ލޯ ޑިގްރީގެ އިމްތިހާނުތައް ހެދުމަށް މާލެއަށް ނުވަތަ ވަކި ހާއްސަ ރަށަކަށް ހާޒިރުވުން ލާޒިމު ނޫން ކަމަށާއި، ދަރިވަރުން ދިރިއުޅޭ ރަށެއްގެ ސްކޫލް ނުވަތަ ކައުންސިލް މެދުވެރިކޮށް އިމްތިހާނު ހެދޭނެ މަގު ބާ ކައުންސިލުން ފަހިކޮށްދީފިއެވެ. އަންނަ އަހަރުން ފެށިގެން އަމަލުކުރާ މި އުސޫލުގެ ދަށުން އިމްތިހާނު ހަދާ ގޮތަށް ބަދަލު އައި ނަމަވެސް، ކޯހުގެ މަންހަޖާއި ކިޔަވައިދޭ މުއްދަތަށް އެއްވެސް ބަދަލެއް ނާންނާނެއެވެ.

ތަރައްގީގެ އެއްވެސް ކަމެއް ކުރުމަށް ލާރިއެއް ނެތް: ޝާކިރު

އަންނަ އަހަރުގެ ބަޖެޓުގައި ރިކަރަންޓް ހަރަދަށް ކެނޑުމަށްފަހު ތަރައްގީގެ މަޝްރޫއުތަކަށް ފައިސާ ނެތް ކަމަށް ވިދާޅުވެ މެންބަރު އަހުމަދު ޝާކިރު ކަންބޮޑުވުން ފާޅުކުރައްވައިފިއެވެ. އޭނާ ވިދާޅުވީ ދައުލަތުގެ އާމްދަނީގެ ބޮޑުބައެއް ހަރަދުވަނީ ރިކަރަންޓް ކަންކަމަށް ކަމަށާއި، މަޝްރޫއުތައް ހިންގަން ޖެހެނީ އިތުރަށް ދަރަނި ނަގައިގެން ކަމަށެވެ. މީގެ އިތުރުން ސަރުކާރު ކުންފުނިތަކުން ބޮޑެތި ގެއްލުންވަމުންދާ ދިއުމަށްވެސް އޭނާ ވަނީ ފާޑުވިދާޅުވެފައެވެ.

"ސިޓިޒަންސް ކޮމްޕްލެއިންޓްސް" ލައުންޖުތަކެއް ގާއިމުކޮށްފި

ރައްޔިތުންގެ ޝަކުވާތަކާއި ކަންބޮޑުވުންތައް ސަރުކާރަށް ހުށަހެޅުމަށްޓަކައި މާލެ އާއި ހުޅުމާލޭގައި "ސިޓިޒަންސް ކޮމްޕްލެއިންޓްސް" ބިއުރޯގެ ދެ ލައުންޖެއް މިއަދު ވަނީ ހުޅުވައިފައެވެ. ސަރުކާރު ބަންދު ނޫން ކޮންމެ ދުވަހަކު ޚިދުމަތް ދޭ މި އޮފީސްތަކަކީ ރައީސުލްޖުމްހޫރިއްޔާގެ އޮފީހުގެ ދަށުން ހިންގާ، ރައްޔިތުންގެ މައްސަލަތަކަށް ހައްލު ހޯދައިދިނުމަށް ގާއިމުކުރި ތަންތަނެވެ.

ރިއަލް އެސްޓޭޓު ބިލު މަޖިލީހަށް ބަލައިގަނެފި

މި ބިލު ބަލައިގަންނަން ވޯޓު ދިނީ 42 މެންބަރުން. ބިލާ ދެކޮޅަށް ވޯޓު ދެއްވީ އެމްޑީޕީގެ 13 މެންބަރުން. މި ބިލު ދިރާސާކުރާނީ ގައުމީ ތަރައްގީ އާއި ތަރިކައިގެ ކޮމިޓީން. މިއީ ގާނޫނުއަސާސީގެ ހިމާޔަތްތައް ނައްތާލައި، ތާއަބަދަށް ނުވަތަ ހުސްނުވާ ގޮތަށް ބޭރު މީހުންނަށް ބިން މިލްކުކުރެވޭނެ ގޮތް ހެދުމަށް އިންތިޒާމުތަކެއް ހިމަނާފައިވާ ބިލެއް

ބޮޑެތި ޖޫރިމަނާތަކެއް ހިމަނާފައިވާ އަބުރުގެ ބިލު ކޮމިޓީއަށް

ސޯޝަލް މީޑިއާގައި މީހެއްގެ އަބުރާ ބެހޭ ފަދަ ޕޯސްޓެއް ހިއްސާކޮށްފިނަމަ 5 ލައްކަ ރުފިޔާއާ ހަމައަށް ޖޫރިމަނާ ކުރެވޭ ގޮތަށް ހުށަހެޅި އަބުރުގެ ބިލު މަޖިލީހަށް ބަލައިގަނެ ކޮމިޓީއަށް ފޮނުވައިފިއެވެ. މި ބިލުގައި ބަހާއި، ފޮޓޯއާއި، އިޝާރާތް އަދި ފިލްމު ފަދަ ވަސީލަތްތައް މެދުވެރިކޮށް އަބުރާ ބެހުމުގެ ދައުވާ ކުރެވޭނެ ގޮތްތައް ބަޔާންކޮށްފައިވެއެވެ.

މަރުގެ އަދަބު ތަންފީޒު ކުރާ ބިލު ބަލައިގެންފި

ދަންޖައްސައިގެން މަރުގެ އަދަބު ތަންފީޒުކުރާ ގޮތަށް ސަރުކާރުން ހުށަހެޅި ބިލު ރައްޔިތުންގެ މަޖިލީހަށް މިއަދު ބަލައިގެންފިއެވެ. މި ބިލުގައި މަރުގެ އަދަބު ތަންފީޒުކުރާނެ ގޮތާއި، އެކަން ހިންގާނެ ޕެނަލެއް އެކުލަވާލުމުގެ އިތުރުން، ބަލިވެއިނުމާއި ދަރިފުޅަށް ދެ އަހަރު ފުރުން ފަދަ އަދަބު ތަންފީޒުނުކުރެވޭނެ ހާލަތްތައް ބަޔާންކޮށްފައިވެއެވެ.

ތިން ކުންފުންޏެއްގެ މަނީ އެކްސްޗޭންޖު ލައިސަންސް ބާތިލްކޮށްފި

މަނީ ޗޭންޖިން ގަވާއިދާ ތަކުރާރުކޮށް ހިލާފުވި ތިން ކުންފުންޏެއްގެ ލައިސަންސް އެމްއެމްއޭ އިން ބާތިލުކޮށް، އެ ކުންފުނިތައް ބޮޑެތި އަދަދުތަކުން ޖޫރިމަނާކޮށްފިއެވެ. މި ފިޔަވަޅަކީ ބޭރު ފައިސާގެ ބާޒާރު ކޮންޓްރޯލްކޮށް، ގަވާއިދާ ހިލާފު މުއާމަލާތްތައް ހުއްޓުވުމަށް އެމްއެމްއޭ އިން ކުރަމުންދާ މަސައްކަތުގެ ތެރެއިން އެޅި ފިޔަވަޅެކެވެ.

Newsletter

Get the latest news delivered straight to your inbox