އަރައިސް މަޝްރޫއުގެ ދަށުން 13 ރަށެއްގައި ސޯލާ ހަކަތަ ގާއިމުކޮށް ކަރަންޓު ގަންނަން އެއްބަސްވެއްޖެ

13 ރަށެއްގައި ސޯލާ ހަކަތަ ގާއިމުކުރަން އެއްބަސްވުމުގައި ސޮއިކުރުމުގެ ރަސްމިއްޔާތުގެ ތެރެއިން.

13 ރަށެއްގައި ސޯލާ ހަކަތަ ގާއިމުކުރަން އެއްބަސްވުމުގައި ސޮއިކުރުމުގެ ރަސްމިއްޔާތުގެ ތެރެއިން.

ޗައިނާގެ ސީނޯ ސޮއާ ހައިބްރިޑް ޓެކްނޮލޮޖީން ރާއްޖޭގެ 13 ރަށެއްގައި 15 މެގަވޮޓްގެ ސޯލާ ނިޒާމެއް ގާއިމުކޮށް، އެ ނިޒާމުން އުފައްދާ ކަރަންޓު 20 އަހަރު ވަންދެން ސްޓެލްކޯއިން ގަންނަން އެންވަޔަރަންމަންޓް މިނިސްޓްރީން އެއްބަސްވުމެއްގައި ސޮއިކޮށްފި އެވެ.

މި މަޝްރޫއު ކުރިއަށްގެންދަނީ ޑީބީ-އެފްއޯއޯޓީ ނުވަތަ ޑިޒައިންކޮށް، ބިނާކޮށް، ފައިނޭންސްކޮށް، އަމިއްލަ މިލްކުވެރިކަމުގައި ހިންގުމަށް ފަހު ހަވާލުކުރާ މޮޑެލްގެ ދަށުންނެވެ. މި ގޮތުން ސީނޯ ސޮއާއިން އަމިއްލައަށް ހަރަދުކޮށްގެން ނިޒާމު ގާއިމުކޮށް، 20 އަހަރު ވަންދެން ހިންގުމަށް ފަހު ދައުލަތާ ހަވާލުކުރާނެ އެވެ.

ސޯލާ ޕެނަލްތައް ހަރުކުރަން ނިންމާފައި ވަނީ ލ. އަތޮޅުގެ ހަ ރަށަކާއި، އެކި ސަރަހައްދުތަކުގެ މައި ހަތް ރަށެއްގަ އެވެ. މީގެ ތެރޭގައި ޅ. ނައިފަރާއި، ގއ. ވިލިނގިއްޔާއި، ށ. ފުނަދޫގެ އިތުރުން ލ. ގަމާއި ފޮނަދޫ ހިމެނެ އެވެ.

Advertisement

މި މަޝްރޫއު އެއްކޮށް ނިމުމުން، ރާއްޖޭގެ ޖުމްލަ ސޯލާ ކެޕޭސިޓީ 34 މެގަވޮޓަށް އިތުރުވެގެންދާނެ އެވެ. އަދި އިޔާދަކުރަނިވި ހަކަތައިން އުފައްދާ ކަރަންޓުގެ ނިސްބަތް 24 އިންސައްތައަށް މަތިވެގެންދާނެ އެވެ. 

މި ނިޒާމުގެ ސަބަބުން ކޮންމެ އަހަރަކު އެތެރެކުރާ ޑީސަލުން 15 މިލިއަން ލީޓަރު މަދުކުރެވޭނެ އެވެ. އަދި ތެލަށް ކުރާ ހަރަދުން އަހަރަކު 180 މިލިއަން ރުފިޔާ ސަލާމަތް ކުރެވޭނެ ކަމަށް ސަރުކާރުން ބުންޏެވެ. 

މިއީ ރާއްޖޭގައި ބޭނުންކުރާ ކަރަންޓުގެ 33 އިންސައްތަ އިޔާދަކުރަނިވި ހަކަތައަށް ބަދަލުކުރުމަށް ރައީސް މުހައްމަދު މުއިއްޒު ގެންގުޅުއްވާ އަމާޒަށް ވާސިލުވުމަށް އެޅުނު މުހިންމު ފިޔަވަޅެއް ކަމަށް ވެސް ސަރުކާރުން ބުންޏެވެ.

މި ސޯލާ ޕެނަލްތައް ގާއިމުކުރަނީ ވޯލްޑް ބޭންކުގެ އެހީގައި ކުރިއަށްގެންދާ "އަރައިޒް" (ARISE) މަޝްރޫއުގެ ދަށުންނެވެ. މި މަޝްރޫއަކީ ތިމާވެއްޓާ ރައްޓެހި ހަކަތަ އިތުރުކުރުމަށް ވޯލްޑް ބޭންކުގެ އެހީގައި 2021 ވަނަ އަހަރު ފެށި 107.4 މިލިއަން ޑޮލަރުގެ (ގާތްގަނޑަކަށް 1.65 ބިލިއަން ރުފިޔާ) ބޮޑު މަޝްރޫއެކެވެ.

މީގެ ތެރޭގައި ވޯލްޑް ބޭންކާއި ކްލީން ޓެކްނޮލޮޖީ ފަންޑު (ސީޓީއެފް) އަދި އޭޝިއަން އިންފްރާސްޓްރަކްޗާ އިންވެސްޓްމަންޓް ބޭންކް (އޭއައިއައިބީ) ގެ އިތުރުން އަމިއްލަ ކުންފުނިތަކުގެ އިންވެސްޓްމަންޓް ހިމެނެ އެވެ.

މި މަޝްރޫއުގެ ދަށުން އެކި ރަށްރަށުގައި 36 މެގަވޮޓްގެ ސޯލާ ނިޒާމުތަކާއި 40 މެގަވޮޓް އަވަރުގެ ބެޓެރީ ސްޓޯރޭޖް ގާއިމުކުރުމަށް ވަނީ ހަމަޖެހިފައެވެ. މީގެ ކުރިން އައްޑޫ ސިޓީގައި 10 މެގަވޮޓްގެ ފްލޯޓިން ސޯލާ މަޝްރޫއެއް ހިންގަން އިއުލާނުކޮށްފައިވާއިރު، މައިގަނޑު ބޭނުމަކީ ތެލަށް ބަރޯސާވާ މިންވަރު ކުޑަކޮށް، ކަރަންޓު ވިއުގަތައް ޒަމާނީ ކުރުމެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox