40 އަހަރުގެ ސިލްވާ ރިޓަޔަަމަންޓް އުވާލައި ހޮންގް ކޮންގް ޓީމަކަށް

Oct 8, 2026, 4:01 PM
ސްޕެއިނުގެ މިޑްފީލްޑަރު ޑޭވިޑް ސިލްވާ

ސްޕެއިނުގެ މިޑްފީލްޑަރު ޑޭވިޑް ސިލްވާ

ހޮންގް ކޮންގް، ޗައިނާ (އޮކްޓޫބަރު 8) - މީގެ ތިން އަހަރު ކުރިން ފުޓްބޯޅަ ކުޅުން ހުއްޓާލި ސްޕެއިނުގެ ލެޖެންޑް، ޑޭވިޑް ސިލްވާ، ރިޓަޔަމަންޓް އުވާލައި، ހޮންގް ކޮންގްގެ ކްލަބް ޝާ ޓިން އާ ގުޅިއްޖެ އެވެ. 

އުމުރުން 40 އަހަރުގެ ސިލްވާ ޕްރޮފެޝަނަލް ފުޓްބޯޅައިން ރިޓަޔާކުރީ 2023 ވަނަ އަހަރުގެ ޖުލައި މަހު އެވެ. އެއީ، އެ ފަހަރުގެ ޕްރީ ސީޒަނުގައި، ރެއާލް ސޮސިއެޑާޑްގެ ޓްރެއިނިންގެ ތެރެއިން ކަކުލަށް ލިބުނު ސީރިއަސް އަނިޔާއަކާ ހެދި އެވެ. އެކަމަކު، އެންޓޭރިއާ ކްރޫޝިއޭޓް ލިގަމެންޓް (އޭސީއެލް) އަށް ލިބުނު އަނިޔާގެ ސަބަބުން ސިލްވާ އަށް ގަބޫލުކުރެވުނީ ފުޓްބޯޅަ ކެރިއަރު ނިންމާލުމަށެވެ. 

އެކަމަކު، އެ ނިންމުން ނިންމިތާ ތިން އަހަރު ފަހުން، ސިލްވާގެ ވިސްނުން މި ވަނީ ބަދަލުވެފަ އެވެ. 

Advertisement

ފުޓްބޯޅަ ކެރިއަރުގައި އެންމެ ފުރަތަމަ ވެލެންސިއާ އިން ފެށި ސިލްވާ، އިންސްޓަގްރާމް އަށް ދޫކޮށްލި ވީޑިއޯއެއްގައި ބުނެފައިވަނީ، ހޮންގް ކޮންގްގެ މާހައުލުގައި އެ ގައުމުގެ ސަގާފަތާއި ކަންކަން ދަސްކޮށް ފުޓްބޯޅަ ކުޅުމަށްޓަކައި ތައްޔާރަށް ހުރި ކަމަށެވެ. 

ސިލްވާ، ބަދަލުވާ ޝާ ޓިން މި ވަގުތު އޮތީ ހޮންގް ކޮންގްގެ ލީގުގެ އަށް ވަނައިގަ އެވެ. އެއީ، ކުޅުނު ފުރަތަމަ ހަތަރު މެޗަށް ފަހު އެވެ. ޝާ ޓިން  އިން ދެން އެންމެެ އަވަހަށް ކުޅޭ މެޗު މީގެ 10 ދުވަސް ފަހުން އޮތްއިރު، އެ މެޗުގައި ސިލްވާ ފެނުމާމެދު ސީދާ ގޮތެއް އެނގޭނީ އޭނާ ޓްރެއިނިންގައި ބައިވެރިވެ، ފިޓްނަސް ކަންކަމަށް ބަލައިފަ އެވެ. 

ސިލްވާގެ ކެރިއަރުގެ އެންމެ ގިނަ ކަންކަން ހާސިލްކުރީ މެންޗެސްޓާ ސިޓީގަ އެވެ. ވެލެންސިއާ ދޫކޮށް 2010 ވަނަ އަހަރު ސިޓީ އަށް ބަދަލުވުމަށް ފަހު، އެ ކްލަބްގައި 10 އަަހަރު ހޭދަކުރިއިރު، ސިލްވާ ވަނީ އެ ޓީމާ އެކު، އިނގިރޭސި ޕްރިމިއާ ލީގުގެ ތަށި ހަތަރު ފަހަރެއްގެ މަތިން ހޯދައިފަ އެވެ. އެ ޓީމާ އެކު ސިލްވާ 11 ތަށި ހޯދި އެވެ. 

އެކާވީސް ވަނަ ގަރުނުގައި އުފެދުނު ޓެކްނިކަލީ އެންމެ މޮޅު އެއް މިޑްފީލްޑަރު ކަމަށްވާ ސިލްވާ އަކީ ސްޕެއިނުގެ ރަން ޖީލުން ހޯދި ކާމިޔާބީތަކުގައި ވެސް އިސް ދައުރެއް އަދާކުރި ކުޅުންތެރިއެކެވެ. އެ ގޮތުން، ސްޕެއިން އިން 2008 އާއި 2012 ގެ ޔޫރޯ އާއި 2010 ވަނަ އަހަރުގެ ފީފާ ވޯލްޑް ކަޕް ކާމިޔާބުކުރި ޓީމުގައި ވެސް ސިލްވާ ހިމެނުނެވެ. ސިލްވާ ވަނީ ސްޕެއިން ގައުމީ ޓީމަށް 125 މެޗު ކުޅެދީފަ އެވެ.

ކޮމެންޓް

ފަހުގެ ޚަބަރު

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

އެފްއޭއެމްގެ އޮފިޝަލެއް ނެތް، ޓްރޮފީއާ ހަވާލުވީ ނޫސްވެރިއެއް!

ބަންގްލަދޭޝްގައި ބޭއްވި ސާފް ޗެމްޕިއަންޝިޕްގެ ފެއާ ޕްލޭ ޓްރޮފީ ރާއްޖެއަށް ލިބުނުއިރު، އެފްއޭއެމްގެ އޮފިޝަލަކު ނެތުމުން އެއާ ހަވާލުވީ ދިވެހި ނޫސްވެރިއެއް. އެފްއޭއެމް އިން ބުނި ގޮތުގައި ޓްރޮފީ ލިބޭކަން ސާފް އިން އެންގީ ވަރަށް ކުޑަ ވަގުތުކޮޅެއް އޮއްވާ ކަމަށާއި، ނޫސްވެރިއަކު ސްޓޭޖަށް އެރީ ސާފްގެ އޮފިޝަލުން އެދިގެން

އިންފަންޓީނޯގެ ޝަރުތު ހަމަވޭތޯ ގާނޫނީ ގޮތުން ބެލި

ފީފާގެ ރައީސްކަމަށް ހަތަރުވަނަ ދައުރަކަށް ކުރިމަތިލައްވާފައިވާ ޖިއާނީ އިންފަންޓީނޯގެ ޝަރުތު ހަމަވޭތޯ އިނގިރޭސި އެފްއޭއިން ގާނޫނީ ގޮތުން ބަލައިފި. ފީފާ ކައުންސިލުން ނިންމާފައިވަނީ އިންފަންޓީނޯގެ ފުރަތަމަ ދައުރަކީ ބާކީ އޮތް މުއްދަތެއް ފުރިހަމަކުރުން ކަމަށްވާތީ، އޭނާއަށް އިތުރު ދައުރަކަށް ކުރިމަތިލެވޭނެ ކަމަށް

އުމުރުން 38 އަހަރުގައި މަޓާ ފުޓްބޯޅަ ކުޅުން ހުއްޓާލައިފި

ސްޕެއިނާއެކު ވޯލްޑް ކަޕާއި ޔޫރޯ ކާމިޔާބުކޮށް، ޗެލްސީ އާއި މެންޗެސްޓާ ޔުނައިޓެޑް ފަދަ ބޮޑެތި ކްލަބްތަކަށް ކުޅުނު ހުއާން މަޓާ އުމުރުން 38 އަހަރުގައި ފުޓްބޯޅަ ކުޅުން ހުއްޓާލައިފިއެވެ. ކުޅުމުން ރިޓަޔާކުރި ނަމަވެސް، ކުރިއަށް އޮތް ތަނުގައިވެސް ފުޓްބޯޅައިގެ ދާއިރާއިން ފެންނާނެ ކަމަށް އޭނާ ވަނީ ބުނެފައެވެ.

ޕާކިސްތާން ފުޓްބޯޅަ ކުރިއަރާނީ ޕްރޮފެޝަނަލް ލީގެއް އޮވެގެން

ޕާކިސްތާން ފުޓްބޯޅަ ކުރިއެރުވުމަށްޓަކައި އެ ގައުމުގައި ވަރުގަދަ ޕްރޮފެޝަނަލް ލީގެއް އޮތުން މުހިންމު ކަމަށް ގައުމީ ކޯޗު ނޮލްބާޓޯ ސޮލާނޯ ބުނެފި. އޭނާ ފާހަގަކުރި ގޮތުގައި ހަމައެކަނި ބޭރުގައި ކުޅޭ ކުޅުންތެރިންނަށް ބަރޯސާވުމުގެ ބަދަލުގައި، ލޯކަލް ކުޅުންތެރިން ކުރިއެރުވޭނީ ގަވާއިދުން ކުޅޭނެ ލީގެއް އޮވެގެން

Newsletter

Get the latest news delivered straight to your inbox