ފައިސަލް އާއި އާޒިމް ވިދާޅުވީ ޕްރައިމަރީއަށް ނުކުންނެވީ ސޯލިހުގެ އެއްބާރުލުމާއެކު ކަމަށް

ކުރީގެ ނައިބުރައީސް ފައިސަލް (ކ) އާއި ކުރީގެ ރައީސް ސޯލިހު (މ) އަދި މާލޭގެ މޭޔަރު އާދަމް އާޒިމް (ވ) -- ފޮޓޯ: ރައީސް އޮފީސް

ކުރީގެ ނައިބުރައީސް ފައިސަލް (ކ) އާއި ކުރީގެ ރައީސް ސޯލިހު (މ) އަދި މާލޭގެ މޭޔަރު އާދަމް އާޒިމް (ވ) -- ފޮޓޯ: ރައީސް އޮފީސް

އެމްޑީޕީގެ ރިޔާސީ ޕްރައިމަރީގައި ވާދަކުރައްވަން ނިންމެވީ ކުރީގެ ރައީސް އިބްރާހިމް މުހައްމަދު ސޯލިހުގެ އެއްބާރުލުމާއެކު ކަމަށް ކުރީގެ ނައިބުރައީސް ފައިސަލް ނަސީމް އާއި މާލޭގެ މޭޔަރު އާދަމް އާޒިމް މިއަދު ވިދާޅުވެއްޖެ އެވެ. 

ރާއްޖެ ޓީވީގެ ފަށާއިރު ޕްރޮގްރާމުގައި ފައިސަލް ވިދާޅުވީ އެމްޑީޕީގެ ރިޔާސީ ޕްރައިމަރީގައި ވާދަކުރުމާ ގުޅޭގޮތުން އެމްޑީޕީގެ އެކި ބޭފުޅުންނާއި ގިނަ ރައްޔިތުންނާ މަޝްވަރާ ކުރި ކަމަށެވެ. އޭގެތެރެއިން ސޯލިހުއާ ކުރެވުނު މަޝްވަރާތަކަށްފަހު އެމަނިކުފާނުގެ އެއްބާރުލުން ލިބުމަކީ ކުރިއަށް ދިއުމަށް ވަރަށް މުހިންމު ކަމަކަށްވި ކަމަށް ފައިސަލް ވިދާޅުވި އެވެ. 

"އާދެ މިކަމުގައި އަޅުގަނޑުމެންނަށް ހަމަ ޕާޓީގެ ވަރަށް ގިނަ ބޭފުޅޫންނާ އެއްކޮށް މަޝްވަރާ ކުރެވުނު އެނގޭތޯ. ވާހަކަތަކެއް ދެކެވުނު ވަރަށް ހަމަ ގިނަ ބޭފުޅުން އަދި އާންމު ރައްޔިތުންނާ އެކުވެސް،" ފައިސަލް ވިދާޅުވި އެވެ. 

Advertisement

"ދެން ހަމަ އެއާއެކު މީގައި އެންމެ އިސްކަމެއް ގޮތުގައި އަޅުގަނޑު ހަމަ ފާހަގަކޮށްލަން ކުރީގެ ރައީސް އިބްރާހިމް މުހައްމަދު ސޯލިހާ އަޅުގަނޑުމެންނާ ވަރަށް ބޮޑަށް މަަޝްވަރާ ކުރެވި، ރައީސް ސޯލިހުގެ ވަރަށް ބޮޑު އެއްބާރުލުމެއް އެނގޭތޯ މިކަމުގައި އޮވެގެން އަޅުގަނޑުމެންނަށް ކުރިއަށް މިގެންދެވެނީ. އެއީ އަޅުގަނޑު ގަބޫލުކުރަނީ ވަރަށް މުހިންމު ކަމެއް ގޮތުގައި އެގޮތަށް އަޅުގަނޑުމެންނަށް ކުރިއަށްގެންދެވެންޏާ."

ފައިސަލް ވިދާޅުވީ ނިމިދިޔަ ސަރުކާރުގައި ސޯލިހަކީ ރައްޔިތުންނަށް ގިނަ ހިދުމަތްތަކެއް ކޮށްދެއްވި ބޭފުޅަކަށްވާއިރު، ރިޔާސީ ޕްރައިމަރީގެ ދަތުރު ފަށަނީ ޓީމެއްގެ ގޮތުގައި ކަމަށެވެ. ނަމަވެސް އޭނާ ވިދާޅުވީ ރިޔާސީ ޕްރައިމަރީގެ ދަތުރަކީ ފަސޭހަ ދަތުރަކަށް ނުވާނެ ކަމަށެވެ. 

"އެނގިވަޑައިގަންނަވާނެ ރައީސް ސޯލިހަކީ އެއީ ނިމިގެންދިޔަ އެމްޑީޕީ ސަރުކާރުގައި ރާއްޖޭގެ ރައްޔިތުންނަށް ވަރަށް ގިނަ ހިދުމަތްތަކެއް، ވަރަށް ގިނަ މަސައްކަތްތަކެއް ކުރެއްވި ބޭފުޅެއް ގޮތުގައި ގިނަ ބަޔަކު ހަމަ ގައިމުވެސް ރާއްޖޭގައި ގިނަ ބަޔަކު  އެބަ ގަބޫލުކުރައްވާ. އެހެންވީމަ މިގޮތަށް އަޅުގަނޑުމެންނަށް މި ދަތުރު ފެށޭއިރުވެސް ހާއްސަކޮށް ޓީމެއްގެ ގޮތުގައި. އަޅުގަނޑުމެން މި ނުކުންނަނީ ފަސޭހަ ކަމެއް ކުރާކަށް ނޫން،" ފައިސަލް ވިދާޅުވި އެވެ. 

މީގެއިތުރުން އާޒިމްވެސް ވިދާޅުވީ ރިޔާސީ ޕްރައިމަރީއަށް އޭނާ އާއި ފައިސަލް ނުކުންނަވަނީ ސޯލިހުގެ ފުރިހަމަ އެއްބާރުލުމާއެކު ކަމަށެވެ. އޭނާ ވިދާޅުވީ ސޯލިހަށް ގަބޫލުކުރެވޭ ގޮތުގައި އެމަނިކުފާނު ސަރުކާރުގައި ފެށި މަޝްރޫއުތައް ދެން އަންނަ ސަރުކާރެއްގައި ނިންމައި، މިދިޔަ ސަރުކާރުގައި ރާއްޖެ ކުރިއަށްގެންދިޔަ ބާރު މިނުގައި ކުރިއަށްގެންދެވޭނީ ފައިސަލްއަށް ކަމަށެވެ. 

"އޭރުގައި އަޅުގަނޑުމެން އެ ސަރުކާރުގައި ފަށާފައި ހުރި ޕްރޮޖެކްޓްސްތައް ރައީސް ސޯލިހު ފަށާފައި ހުރި ޕްރޮޖެކްޓްސްތައް ހުއްޓި ވިނަފަޅައި ހަލާކުވެދާން ދޫކޮށްލަން އަޅުގަނޑުމެން ބޭނުމެއް ނުވޭ. އެހެންވެ ޕްރޮޖެކްޓްސްތަކާ އެއްޗެހި ބަރާބަރަށް ކުރިއަށް ގެންދިއުމަށްޓަކައި ރައީސް ސޯލިހު ހަމަ އަޅުގަނޑުމެންނަށް ވަރަށް ބޮޑު ލަފައެއް ދެއްވި ކަންތައްތައް ބާރަށް ބަރާބަރަށް ކުރިއަށް ގެންދިއުން މުހިންމު ކަމަށާއި އެކަން އެންމެ ފަސޭހައިން ރަނގަޅަށް ކުރެވޭނެ ދެމީހުންނަކީ ދެން އަންނަ ސަރުކާރުގައި ތިމަންނާ ކައިރީގައި އެންމެ އަރިހުގައި އަމާނާތްތެރިކަމާއެކު ތެދުވެރިކަމާއެއްކޮށް ނައިބުރައީސްކަން ކޮށްދެއްވި ފައިސަލް އާއި އަދި އަޅުގަނޑު،" އާޒިމް ވިދާޅުވި އެވެ. 

"ރައީސްގެ ވައުދުތައް ފުއްދުމުގައި އެންމެ ބޮޑު ދައުރެއް އަދާކުރެއްވި ބޭފުޅެއްގެ ގޮތުގައި ދެމީހުން އެއްކޮށް ނުކުމެ މިކަން ކޮށްފި ކަމަށްވަންޏާމުން އޭރުގައި ރާއްޖެ ކުރިއަށްދިޔަ ބާރު މިނުގައި މިކަންކަން ފަސޭހަވާނެ ކަމަށާއި އަދި މާލޭގެ ރައްޔިތުންނަށް ބޯހިޔާވަހިކަމަށްޓަކައި ރައީސް ސޯލިހު ދެއްވާފައިވާ ގޯތިތަކަށް މީހުންނަށް ދެވޭނެ ގޮތް ހެދުމަށްޓަކައިވެސް އެންމެ މުހިންމު ދެމީހުންނަކީ ފައިސަލް އާއި އަޅުގަނޑު ކަމަށް ރައީސް ވިދާޅުވަމުން ވަޑައިގެންނެވީ."

ފައިސަލްއަކީ އެމްޑީޕީގެ ރިޔާސީ ޕްރައިމަރީގައި ވާދަ ކުރައްވާނެކަން އިއުލާނު ކުރެއްވި ހަތަރު ބޭފުޅާ އެވެ. ޕާޓީގެ ކުރީގެ ޗެއާޕާސަން ފައްޔާޒް އިސްމާއިލް، ޕާޓީގެ ކުރީގެ ރައީސް އަބްދުﷲ ޝާހިދު އަދި މަޖިލިސް މެންބަރު އަހުމަދު ޝަމްހީދު ވެސް ވަނީ ރިޔާސީ ޕްރައިމަރީގައި ވާދަ ކުރައްވާނެކަން އިއުލާނު ކުރައްވާފަ އެވެ. 

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox