މާފުށީގެ ހިއްކި ސަރަހައްދުގައި ފެނާއި ނަރުދަމާ ގާއިމުކުރަން އެމްޑަބްލިއުއެސްސީއާ ހަވާލުކޮށްފި

Oct 7, 2026, 11:17 AM
މާފުއްޓާއި އެ ރަށުގެ ފަޅުން ހިއްކާފައިވާ އާ މާފުށީ: މިއީ ދިރިއުޅޭނެ ގޯތި ދޫކުރަން ހިއްކާފައިވާ ބިމެއް -- އަދަދު ފައިލް ފޮޓޯ

މާފުއްޓާއި އެ ރަށުގެ ފަޅުން ހިއްކާފައިވާ އާ މާފުށީ: މިއީ ދިރިއުޅޭނެ ގޯތި ދޫކުރަން ހިއްކާފައިވާ ބިމެއް -- އަދަދު ފައިލް ފޮޓޯ

ކ. މާފުށީގެ އަލަށް ހިއްކި ސަރަހައްދު (އާ މާފުށި) ގެ ފެނާއި ނަރުދަމާ ނިޒާމު ތަރައްގީކުރުމުގެ މަސައްކަތް އިންފްރާސްޓްރަކްޗާ މިނިސްޓްރީން މޯލްޑިވްސް ވޯޓާ އެންޑް ސްވަރޭޖު ކޮމްޕެނީ (އެމްޑަބްލިއުއެސްސީ) އާ ހަވާލުކޮށްފި އެވެ.

އެމްޑަބްލިޔުއެސްސީއާ ސޮއިކުރި އެއްބަސްވުމުގެ ދަށުން މާފުށީގެ އަލަށް ހިއްކާފައިވާ ސަރަހައްދުގައި ފެނާއި ނަރުދަމާގެ ވިއުގަ ގާއިމުކުރުމުގެ އިތުރުން، މައި ރަށުގައި މިހާރު ހުރި ނަރުދަމާ ނިޒާމު އިތުރަށް ތަރައްގީކުރުން ހިމެނެ އެވެ. 

މާފުށީގެ ފެނާއި ނަރުދަމާގެ ހިދުމަތް މިހާރު ވެސް ފޯރުކޮށްދެމުންދަނީ އެމްޑަބްލިޔުއެސްސީންނެވެ.

މާފުއްޓަކީ ރާއްޖޭގައި އެންމެ ފުޅާ ދާއިރާއެއްގައި ގެސްޓްހައުސް ވިޔަފާރި ކުރަމުން އަންނަ، އަދި ލޯކަލް ޓޫރިޒަމްގެ ދާއިރާގައި އެންމެ ކާމިޔާބު އެއް ރަށެވެ. އެ ރަށުގެ މައި ރަށުގައި 41.2 ހެކްޓަރުގެ ބިން އޮތްއިރު، އަލަށް ހިއްކާފައިވާ ރަށުގައި 30.7 ހެކްޓަރުގެ ބިން އޮވެ އެވެ.

މާފުށީގައި ރަޖިސްޓްރީކޮށްފައިވާ އާބާދީއަކީ 2،274 ކަމަށް ވިޔަސް، އެ ރަށުގެ ކައުންސިލުން އަންދާޒާކުރާ ގޮތުގައި އެ ރަށުގައި ދިރިއުޅޭ މީހުންގެ އަދަދު 5،000 އަށް ވުރެ ގިނަ އެވެ.

އާ މާފުއްޓަކީ މައިގަނޑު ގޮތެއްގައި މާފުށީގެ ރައްޔިތުން ދިރިއުޅޭނެ ގޯތި ދޫކުރަން ހިއްކާފައިވާ ބިމެކެވެ. އެ ތަނުގައި 2000 އަކަފޫޓުގެ 308 ގޯތި އޮންނާނެ އެވެ. 

އާ މާފުށީގައި މި ޕްރޮޖެކްޓު ފަށާއިރު، ރާއްޖޭގެ ގިނަ ރަށްރަށުގައި ބިން ހިއްކާފައި ހުރި ނަމަވެސް އަސާސީ ހިދުމަތްތައް ގާއިމުނުކުރެވޭތީ އެ ބިންތައް ބޭނުންނުކުރެވޭ މައްސަލައަކީ ބޮޑުވެފައިވާ މައްސަލައެކެވެ.

މޯލްޑިވްސް އިންޑިޕެންޑެންޓް ނޫހުން ރިޕޯޓުކޮށްފައިވާ ގޮތުގައި 2007 ވަނަ އަހަރުން ފެށިގެން ރާއްޖޭގެ 50 އަށް ވުރެ ގިނަ ރަށުގެ ބިން ވަނީ ހިއްކާފަ އެވެ. ނަމަވެސް މީގެ ތެރެއިން މީހުން އާބާދުކުރެވޭ ވަރަށް ވަސީލަތްތައް ގާއިމުކުރެވިފައި ވަނީ ވަރަށް މަދު ތަނެއްގަ އެވެ.

މާލޭ ސަރަހައްދަށް ބަލާއިރު ވެސް، ގުޅީފަޅާއި ހުޅުމާލެ ފޭސް 3 ގެ އިތުރުން ގިރާވަރުފަޅާއި ރަސްމާލެ ހިމެނޭހެން ގިނަ ބިންތަކެއް ހިއްކާ، އަދި މިހާރު ވެސް އަންނަނީ ހިއްކަމުންނެވެ. ނަމަވެސް، މިއިން އެއްވެސް ތަނެއްގައި ފެނާއި، ކަރަންޓާއި، ނަރުދަމާގެ އިތުރުން މަގުތައް ތަރައްގީކުރެވިފައި ނުވާތީ، އެ ތަންތަނުގައި މީހުންނަށް ދިރިއުޅެވޭނެ ގޮތެއް އަދި ނެތެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox