އަސާސީ ބާވަތްތަކުގެ ލިސްޓު 26 އިން 80 އަށް ފުޅާކޮށްފި

ދަތުރުވެރިންގެ މާރުކޭޓުގައި މީހަކު ވިޔަފާރިކުރަނީ: އަސާސީ ބާވަތްތަކުގެ ލިސްޓުގައި ގިނައީ މޭވާ އާއި ތަރުކާރީ --- ފޮޓޯ؛ އަދަދު

ދަތުރުވެރިންގެ މާރުކޭޓުގައި މީހަކު ވިޔަފާރިކުރަނީ: އަސާސީ ބާވަތްތަކުގެ ލިސްޓުގައި ގިނައީ މޭވާ އާއި ތަރުކާރީ --- ފޮޓޯ؛ އަދަދު

އަސާސީ ބާވަތްތަކުގެ ލިސްޓަށް އިތުރު ބަދަލުތަކެއް ގެނެސް، ބާޒާރުގައި ލިބެން ހުންނަ އެންމެ ހެޔޮ އަގުގައި ރައްޔިތުންނަށް ފޯރުކޮށްދޭ ތަކެތީގެ އަދަދު 80 އައިޓަމަށް އިތުރުކޮށްފައިވާ ކަމަށް އިކޮނޮމިކް މިނިސްޓަރު މުހައްމަދު ސައީދު ވިދާޅުވެއްޖެ އެވެ.

ޕީއެސްއެމްއިން ބޭއްވި "އަހާ" ފޯރުމްގައި ސައީދު ވިދާޅުވީ އަލަށް އިތުރުކުރި ބާވަތްތައް ވެސް ރައްޔިތުންނަށް ފޯރުކޮށްދޭނީ ސްޓޭޓް ޓްރޭޑިން އޯގަނައިޒޭޝަން (އެސްޓީއޯ) މެދުވެރިކޮށް، އެ ވަގުތަކު ބާޒާރުގައި ލިބެން ހުންނަ އެންމެ ހެޔޮ އަގުގަ އެވެ.

ކުރިން މި ލިސްޓުގައި ހިމެނީ ޖުމްލަ 26 ބާވަތެކެވެ. އޭގެ ތެރޭގައި ހިމެނެނީ ހަނޑޫ، ހަކުރު، ފުށުގެ އިތުރުން މޭވާގެ 10 ބާވަތާއި ތަރުކާރީގެ 10 ބާވަތާއި އަދި، މުގާއި ބިހާއި އަލުވި އެވެ. 

ސައީދު ވިދާޅުވި ގޮތުގައި ތަރުކާރީގެ ކެޓަގަރީ ވަނީ 20 ބާވަތަށް އިތުރުކޮށްފަ އެވެ. އަދި މޭވާގެ ބާވަތްތައް ވެސް ވަނީ 20 އަށް އިތުރުކޮށްފަ އެވެ. މީގެ އިތުރުން ތުއްތު ކުދިންނާއި އުމުރުން ދުވަސްވީ މީހުންނަށް ބޭނުންވާ ތަކެތި ހިމެނޭހެން 37 ބާވަތަކާއި، ކާބޯތަކެތީގެ ބާވަތްތަކުގެ ބޭރުން (ނަން ފުޑް އައިޓަމްސް) އިތުރު ތިން ބާވަތެއް މި ލިސްޓުގައި ހިމެނޭ ކަމަށް އޭނާ ވިދާޅުވި އެވެ.

"މީގެ ބޭނުމަކީ މި ހުރިހާ އަތޮޅުތަކަކަށް ރައްޔިތުން ދިރިއުޅޭ ހަމަ ކޮންމެ ތަނެއްގައި ވެސް އޭރެއްގެ މި 80 އައިޓަމް ލިބެން ހުންނަ އެންމެ ހެޔޮ އަގުގައި ރައްޔިތުންނަށް ފޯރުކޮށްދިނުން. މީގެ ތެރޭގައި މި ހިމެނެނީ ހަމަ ތަރުކާރީ އާއި، މޭވާ އާއި އާންމު ސިއްހަތަށް ފައިދާކުރާނެ ބައެއް ކަހަލަ އައިޓަމްސްތައް،" ސައީދު ވިދާޅުވި އެވެ.

މި އަދަދުތައް ހިމަނައިގެން ލިސްޓު ހަދާއިރު، އައިޓަމްތަަކުގެ އަދަދު 86 އަށް އަރަ އެވެ. ނަމަވެސް އަސާސީ ބާވަތްތަކުގެ ލިސްޓަށް ގެނައި ބަދަލުތަކުގެ ދަށުން އިތުރުކުރި ބާވަތްތަކެއް ސައީދޫ ހަމަކުރައްވާފައެއް ނުވެ އެވެ. މިހެންކަމުން  މި ލިސްޓުގައި އަލަށް ހިމެނުނު ތަކެތީގެ ތަފްސީލެއް އަދި އަސްލު އަދަދަކީ ކޮބައިކަމެއް އަދި ނޭނގެ އެވެ.

މި ތަކެތި ފޯރުކޮށްދިނުމަށް ރޭވިފައިވާ ނިޒާމާ ބެހޭގޮތުން ސައީދު ވިދާޅުވީ، އެސްޓީއޯ އިން މި ތަކެތި ހޯލްސޭލްކޮށް ފޯރުކޮށްދެނީ މާލެ އާއި ރާއްޖޭގެ ހަތަރު ސިޓީއަކަށް ކަމަށެވެ.

މި މަސައްކަތް ކުރިއަށް ގެންދަނީ އާބާދީގެ ނިސްބަތަށް ބަލައި ހަތަރު ކެޓަގަރީއަކަށް ބަހާލައިގެންނެވެ. އެއީ މާލެ އާއި ސިޓީތަކުގެ އިތުރުން، ތިން ހާހުން މަތީގެ އާބާދީތަކާއި ތިން ހާހުން ދަށުގެ އާބާދީތަކެވެ. މާލޭގައި އެސްޓީއޯގެ ފިހާރަތަކުގެ އިތުރުން ރީޓެއިލްކޮށް ވިޔަފާރިކުރާ ފަރާތްތަކަށް ވެސް ހޯލްސޭލްކޮށް މި ތަކެތި ދޫކުރާނެ އެވެ.

އަތޮޅުތެރޭގެ ރަށްތަކަށް މި ތަކެތި ފޯރުކޮށްދިނުމުގައި އައްޑޫ ސިޓީ، ފުވައްމުލައް ސިޓީ، ތިނަދޫ ސިޓީ އަދި ކުޅުދުއްފުށީ ސިޓީގައި އެސްޓީއޯގެ ފިހާރަތަކާއި ހާއްސަ އޭޖެންޓުން މެދުވެރިކޮށް މި ހިދުމަތް ލިބޭނެ އެވެ.

ސައީދު ވިދާޅުވީ އެންމެ ބޮޑު ގޮންޖެހުމަކީ 3،000 އަށް ވުރެ ކުޑަ އާބާދީތަކަށް މި ތަކެތި ފޯރުކޮށްދިނުމެވެ. ނަމަވެސް މިހާރު އޭގެ ތެރެއިން ގިނަ ރަށްތަކަކަށް ސީދާކޮށް ތަކެތި ލިބޭނެ އިންތިޒާމު ހަމަޖެހެމުންދާ ކަމަށް އޭނާ ވިދާޅުވި އެވެ.

ކޮމެންޓް

ފަހުގެ ޚަބަރު

ލޯ ޑިގްރީ އިމްތިހާނަށް މާލެ އަންނާކަށް ނުޖެހޭނެ: ބާ ކައުންސިލް

ލޯ ޑިގްރީގެ އިމްތިހާނުތައް ހެދުމަށް މާލެއަށް ނުވަތަ ވަކި ހާއްސަ ރަށަކަށް ހާޒިރުވުން ލާޒިމު ނޫން ކަމަށާއި، ދަރިވަރުން ދިރިއުޅޭ ރަށެއްގެ ސްކޫލް ނުވަތަ ކައުންސިލް މެދުވެރިކޮށް އިމްތިހާނު ހެދޭނެ މަގު ބާ ކައުންސިލުން ފަހިކޮށްދީފިއެވެ. އަންނަ އަހަރުން ފެށިގެން އަމަލުކުރާ މި އުސޫލުގެ ދަށުން އިމްތިހާނު ހަދާ ގޮތަށް ބަދަލު އައި ނަމަވެސް، ކޯހުގެ މަންހަޖާއި ކިޔަވައިދޭ މުއްދަތަށް އެއްވެސް ބަދަލެއް ނާންނާނެއެވެ.

ތަރައްގީގެ އެއްވެސް ކަމެއް ކުރުމަށް ލާރިއެއް ނެތް: ޝާކިރު

އަންނަ އަހަރުގެ ބަޖެޓުގައި ރިކަރަންޓް ހަރަދަށް ކެނޑުމަށްފަހު ތަރައްގީގެ މަޝްރޫއުތަކަށް ފައިސާ ނެތް ކަމަށް ވިދާޅުވެ މެންބަރު އަހުމަދު ޝާކިރު ކަންބޮޑުވުން ފާޅުކުރައްވައިފިއެވެ. އޭނާ ވިދާޅުވީ ދައުލަތުގެ އާމްދަނީގެ ބޮޑުބައެއް ހަރަދުވަނީ ރިކަރަންޓް ކަންކަމަށް ކަމަށާއި، މަޝްރޫއުތައް ހިންގަން ޖެހެނީ އިތުރަށް ދަރަނި ނަގައިގެން ކަމަށެވެ. މީގެ އިތުރުން ސަރުކާރު ކުންފުނިތަކުން ބޮޑެތި ގެއްލުންވަމުންދާ ދިއުމަށްވެސް އޭނާ ވަނީ ފާޑުވިދާޅުވެފައެވެ.

"ސިޓިޒަންސް ކޮމްޕްލެއިންޓްސް" ލައުންޖުތަކެއް ގާއިމުކޮށްފި

ރައްޔިތުންގެ ޝަކުވާތަކާއި ކަންބޮޑުވުންތައް ސަރުކާރަށް ހުށަހެޅުމަށްޓަކައި މާލެ އާއި ހުޅުމާލޭގައި "ސިޓިޒަންސް ކޮމްޕްލެއިންޓްސް" ބިއުރޯގެ ދެ ލައުންޖެއް މިއަދު ވަނީ ހުޅުވައިފައެވެ. ސަރުކާރު ބަންދު ނޫން ކޮންމެ ދުވަހަކު ޚިދުމަތް ދޭ މި އޮފީސްތަކަކީ ރައީސުލްޖުމްހޫރިއްޔާގެ އޮފީހުގެ ދަށުން ހިންގާ، ރައްޔިތުންގެ މައްސަލަތަކަށް ހައްލު ހޯދައިދިނުމަށް ގާއިމުކުރި ތަންތަނެވެ.

ރިއަލް އެސްޓޭޓު ބިލު މަޖިލީހަށް ބަލައިގަނެފި

މި ބިލު ބަލައިގަންނަން ވޯޓު ދިނީ 42 މެންބަރުން. ބިލާ ދެކޮޅަށް ވޯޓު ދެއްވީ އެމްޑީޕީގެ 13 މެންބަރުން. މި ބިލު ދިރާސާކުރާނީ ގައުމީ ތަރައްގީ އާއި ތަރިކައިގެ ކޮމިޓީން. މިއީ ގާނޫނުއަސާސީގެ ހިމާޔަތްތައް ނައްތާލައި، ތާއަބަދަށް ނުވަތަ ހުސްނުވާ ގޮތަށް ބޭރު މީހުންނަށް ބިން މިލްކުކުރެވޭނެ ގޮތް ހެދުމަށް އިންތިޒާމުތަކެއް ހިމަނާފައިވާ ބިލެއް

ބޮޑެތި ޖޫރިމަނާތަކެއް ހިމަނާފައިވާ އަބުރުގެ ބިލު ކޮމިޓީއަށް

ސޯޝަލް މީޑިއާގައި މީހެއްގެ އަބުރާ ބެހޭ ފަދަ ޕޯސްޓެއް ހިއްސާކޮށްފިނަމަ 5 ލައްކަ ރުފިޔާއާ ހަމައަށް ޖޫރިމަނާ ކުރެވޭ ގޮތަށް ހުށަހެޅި އަބުރުގެ ބިލު މަޖިލީހަށް ބަލައިގަނެ ކޮމިޓީއަށް ފޮނުވައިފިއެވެ. މި ބިލުގައި ބަހާއި، ފޮޓޯއާއި، އިޝާރާތް އަދި ފިލްމު ފަދަ ވަސީލަތްތައް މެދުވެރިކޮށް އަބުރާ ބެހުމުގެ ދައުވާ ކުރެވޭނެ ގޮތްތައް ބަޔާންކޮށްފައިވެއެވެ.

މަރުގެ އަދަބު ތަންފީޒު ކުރާ ބިލު ބަލައިގެންފި

ދަންޖައްސައިގެން މަރުގެ އަދަބު ތަންފީޒުކުރާ ގޮތަށް ސަރުކާރުން ހުށަހެޅި ބިލު ރައްޔިތުންގެ މަޖިލީހަށް މިއަދު ބަލައިގެންފިއެވެ. މި ބިލުގައި މަރުގެ އަދަބު ތަންފީޒުކުރާނެ ގޮތާއި، އެކަން ހިންގާނެ ޕެނަލެއް އެކުލަވާލުމުގެ އިތުރުން، ބަލިވެއިނުމާއި ދަރިފުޅަށް ދެ އަހަރު ފުރުން ފަދަ އަދަބު ތަންފީޒުނުކުރެވޭނެ ހާލަތްތައް ބަޔާންކޮށްފައިވެއެވެ.

ތިން ކުންފުންޏެއްގެ މަނީ އެކްސްޗޭންޖު ލައިސަންސް ބާތިލްކޮށްފި

މަނީ ޗޭންޖިން ގަވާއިދާ ތަކުރާރުކޮށް ހިލާފުވި ތިން ކުންފުންޏެއްގެ ލައިސަންސް އެމްއެމްއޭ އިން ބާތިލުކޮށް، އެ ކުންފުނިތައް ބޮޑެތި އަދަދުތަކުން ޖޫރިމަނާކޮށްފިއެވެ. މި ފިޔަވަޅަކީ ބޭރު ފައިސާގެ ބާޒާރު ކޮންޓްރޯލްކޮށް، ގަވާއިދާ ހިލާފު މުއާމަލާތްތައް ހުއްޓުވުމަށް އެމްއެމްއޭ އިން ކުރަމުންދާ މަސައްކަތުގެ ތެރެއިން އެޅި ފިޔަވަޅެކެވެ.

Newsletter

Get the latest news delivered straight to your inbox