މޯލްޑިވްސް އެއާޕޯޓްސް ކޮމްޕެނީ (އެމްއޭސީއެލް) ގެ ބޯޑުން އެ ކުންފުނީގެ ޗީފް ކޮމާޝަލް އޮފިސަރު މުހައްމަދު މިހާދު އަދި ބޯޑުގެ މެމްބަރު ސަހަރު ވަހީދު މިއަދު ވަކިކޮށްފި އެވެ.
އެމްއޭސީއެލްގެ ބޯޑުން މި ދެ މީހުން މިއަދުން ފެށިގެން ވަކިކުރިކަމަށް ޕްރައިވެޓައިޒޭޝަން އެންޑް ކޯޕަރަޓައިޒޭޝަން (ޕީސީބީ) އިން ބުނި ނަމަވެސް، މި ދެ މީހުން ވަކިކުރި ސަބަބެއް ވެސް ނުބުނެ އެވެ.
އެއާޕޯޓުތައް ހިންގާ ކުންފުނީގެ ބޯޑުން ވަކިކުރި މިހާދަކީ ބޯޑުގެ އެގްޒެކެޓިވް މެމްބަރެކެވެ. އޭނާއަކީ 2024 ވަނަ އަހަރުން ފެށިގެން އެމްއޭސީއެލްގެ ޗީފް ކޮމާޝަލް އޮފިސަރެވެ.
Advertisement
ސަހަރުއަކީ ބޭންކް އޮފް މޯލްޑިވްސް (ބީއެމްއެލް) ގެ ޑެޕިއުޓީ ސީއީއޯ އަދި ޗީފް އޮޕަރޭޓިން އޮފިސަރު (ސީއޯއޯ) އެވެ. އޭނާއަކީ މި ފަހުން ސަރުކާރުން އުފެއްދި އައްޑޫ ހަންކެޑެ ޑިވެލޮޕްމަންޓް ކޯޕަރޭޝަން ގެ ބޯޑު މެންބަރެއް ވެސް މެ އެވެ.
