ނަމްޒާ ޕީއެންސީގެ ސެނެޓަށް، ޕީއެސްއެމްގެ ބޯޑުގައި އިނުމުގެ ޝަރުތެއް އުނިވެއްޖެ

ޕީއެންސީގެ ކޮންގްރެސް 2026 ގައި ޕީއެސްއެމްގެ ޗެއާޕާސަން، ނަމްޒާ (މ) ބައިވެރިވެވަޑައިގަންނަވަނީ: އޭނާ ވަނީ މި ސަރުކާރުގައި ދެ މިނިސްޓްރީއެއްގެ ޑެޕިއުޓީ މިނިސްޓަރުކަން ކުރައްވާފައި --- ފޮޓޯ: ޕީއެންސީ

ޕީއެންސީގެ ކޮންގްރެސް 2026 ގައި ޕީއެސްއެމްގެ ޗެއާޕާސަން، ނަމްޒާ (މ) ބައިވެރިވެވަޑައިގަންނަވަނީ: އޭނާ ވަނީ މި ސަރުކާރުގައި ދެ މިނިސްޓްރީއެއްގެ ޑެޕިއުޓީ މިނިސްޓަރުކަން ކުރައްވާފައި --- ފޮޓޯ: ޕީއެންސީ

ދައުލަތުގެ މީޑިއާތައް ހިންގާ ޕަބްލިކް ސާވިސް މީޑިއާ (ޕީއެސްއެމް) ގެ ޗެއާޕާސަން އައިމިނަތު ނަމްޒާ، ވެރިކަން ކުރާ ޕީޕަލްސް ނޭޝަނަލް ކޮންގްރެސް (ޕީއެންސީ) ގެ ސެނެޓަށް އިންތިހާބުވެވަޑައިގެންނެވުމާއެކީ، ޕީއެސްއެމްގެ ޑިރެކްޓަރުންގެ ބޯޑުގެ މެންބަރު ކަމުގެ ޝަރުތެއް އުނިވެއްޖެ އެވެ. 

މިހާރު ކުރިއަށްދާ ޕީއެންސީގެ ކޮންގްރެސްގައި ނަމްޒާ ވަނީ އެ ޕާޓީގެ ސެނެޓުން އަންހެނުންނަށް ހާއްސަކޮށްފައިވާ 10 ގޮނޑީގެ ތެރެއިން ގޮނޑިއެއް ކާމިޔާބުކުރައްވާފަ އެވެ. 

ޕީއެސްއެމް ގާނޫނުގައި ބުނަނީ އެ ކުންފުނީގެ ޑިރެކްޓަރުންގެ ބޯޑުގެ މެންބަރުން ގައިގައި ތިން ޝަރުތެއް ހަމަ ވާން ޖެހޭނެ ކަމަށެވެ. އޭގެ ތެރޭގައި ސިޔާސީ ޕާޓީއެއްގެ މަގާމުގައި ހުރި މީހަކަށް ނުވުން ހިމެނެ އެވެ. 

ޕީއެންސީގެ ސެނެޓު މެންބަރުކަން ސިޔާސީ ޕާޓީއެއްގެ މަގާމަކަށެވެ. މިހެންކަމުން ސިޔާސީ ޕާޓީއެއްގެ މަގާމެއްގައި ހުރި މީހަކަށް ނުވުމުގެ ޝަރުތު ނަމްޒާގެ ކިބައިން ވަނީ އުނިވެފަ އެވެ. 

މި ކަމާ ގުޅިގެން އަދަދު ނޫހުން ވާނީ ސަރުކާރު ކުންފުނިތަކުގެ ބެލެނިވެރި، ޕްރައިވަޓައިޒޭޝަން އެންޑް ކޯޕޮރަޓައިޒޭޝަން ބޯޑު (ޕީސީބީ) ގެ ބަހެއް ހޯދަން މަސައްކަތްކޮށްފަ އެވެ. ނަމަވެސް އެ ބޯޑުގެ ރައީސް، މުހައްމަދު ނިޒާރު ފޯނަށް ޖަވާބު ނުދެއްވާތީ އެ ބޯޑުގެ ބަހެއް ނުލިބުނެވެ.

ޕީއެސްއެމްގެ ޑިރެކްޓަރުންގެ ބޯޑުގެ މެންބަރުންގެ ޝަރުތުތައް

  •  އުމުރުން 18 އަހަރު ފުރިފައިވުން
  • ސިޔާސީ ޕާޓީއެއްގެ މަގާމެއްގައި ނުވަތަ މުވައްޒަފެއްގެ ގޮތުގައި ހުރި މީހަކަށް ނުވުން
  • މަކަރާއި ހީލަތުގެ ކުށެއް، ނުވަތަ ކޮރަޕްޝަނުގެ ކުށެއް، ނުވަތަ މާރާމާރީގެ ކުށެއް، ނުވަތަ ވައްކަމުގެ ކުށެއް ޝަރީއަތަށް ސާބިތުވެ، އެ ކުށުގެ އަދަބު ތަންފީޒުކޮށް ނިމުނުތާ ނުވަތަ އަދަބަށް މައާފު ލިބުނުތާ ފަސް އަހަރު ހަމަނުވާ މީހަކު ކަމުގައި ނުވުން.

މި މައްސަލައިގައި ނަމްޒާގެ ބަހެއް ލިބޭތޯ ވެސް މަސައްކަތް ކުރީމެވެ. ނަމަވެސް ފޯނަށް ޖަވާބު ނުދެއްވާތީ އޭނާގެ ބަހެއް ވެސް ނުލިބުނެވެ. މި ނޫހުން ވާނީ މެސެޖުގެ ޒަރިއްޔާއިން ވިޔަސް އޭނާގެ ބަހެއް ހިއްސާކޮށްދޭން އެދި ސުވާލުތައް ފޮނުވާފަ އެވެ. 

ނަމްޒާއަކީ އަހަރުތަކެއް ވަންދެން ޓެލެވިޒަން މޯލްޑިވްސް (ޓީވީއެމް) ގައި ޕްރެސެންޓަރެއްގެ ގޮތުގައި ހަރަކާތްތެރިވި އެވެ. އޭނާ ވަނީ ކުރީގެ ރައީސް މައުމޫނާއި ޔާމީންގެ ސަރުކާރުގައި ސަރުކާރު ވަޒީފާތައް އަދާކުރައްވާފަ އެވެ.

މި ސަރުކާރުގައި ނަމްޒާ އެންމެ ފުރަތަމަ ހުރީ ޖެންޑާ މިނިސްޓްރީގެ ޑެޕިއުޓީ މިނިސްޓަރަކަށެވެ. ފަހުން އޭނާ ވަނީ ލޯކަލް ގަވަމަންޓް މިނިސްޓްރީއަށް ބަދަލުކޮށްފަ އެވެ. ލޯކަލް ކައުންސިލް އިންތިހާބުގެ ބައްޔާ ގުޅިގެން އެ މިނިސްޓްރީ އުވާލި ފަހުން ނަމްޒާ މިހާރު ކުރި މަގާމެއް ނޭނގެ އެވެ.

ކޮމެންޓް

ފަހުގެ ޚަބަރު

ލޯ ޑިގްރީ އިމްތިހާނަށް މާލެ އަންނާކަށް ނުޖެހޭނެ: ބާ ކައުންސިލް

ލޯ ޑިގްރީގެ އިމްތިހާނުތައް ހެދުމަށް މާލެއަށް ނުވަތަ ވަކި ހާއްސަ ރަށަކަށް ހާޒިރުވުން ލާޒިމު ނޫން ކަމަށާއި، ދަރިވަރުން ދިރިއުޅޭ ރަށެއްގެ ސްކޫލް ނުވަތަ ކައުންސިލް މެދުވެރިކޮށް އިމްތިހާނު ހެދޭނެ މަގު ބާ ކައުންސިލުން ފަހިކޮށްދީފިއެވެ. އަންނަ އަހަރުން ފެށިގެން އަމަލުކުރާ މި އުސޫލުގެ ދަށުން އިމްތިހާނު ހަދާ ގޮތަށް ބަދަލު އައި ނަމަވެސް، ކޯހުގެ މަންހަޖާއި ކިޔަވައިދޭ މުއްދަތަށް އެއްވެސް ބަދަލެއް ނާންނާނެއެވެ.

ތަރައްގީގެ އެއްވެސް ކަމެއް ކުރުމަށް ލާރިއެއް ނެތް: ޝާކިރު

އަންނަ އަހަރުގެ ބަޖެޓުގައި ރިކަރަންޓް ހަރަދަށް ކެނޑުމަށްފަހު ތަރައްގީގެ މަޝްރޫއުތަކަށް ފައިސާ ނެތް ކަމަށް ވިދާޅުވެ މެންބަރު އަހުމަދު ޝާކިރު ކަންބޮޑުވުން ފާޅުކުރައްވައިފިއެވެ. އޭނާ ވިދާޅުވީ ދައުލަތުގެ އާމްދަނީގެ ބޮޑުބައެއް ހަރަދުވަނީ ރިކަރަންޓް ކަންކަމަށް ކަމަށާއި، މަޝްރޫއުތައް ހިންގަން ޖެހެނީ އިތުރަށް ދަރަނި ނަގައިގެން ކަމަށެވެ. މީގެ އިތުރުން ސަރުކާރު ކުންފުނިތަކުން ބޮޑެތި ގެއްލުންވަމުންދާ ދިއުމަށްވެސް އޭނާ ވަނީ ފާޑުވިދާޅުވެފައެވެ.

"ސިޓިޒަންސް ކޮމްޕްލެއިންޓްސް" ލައުންޖުތަކެއް ގާއިމުކޮށްފި

ރައްޔިތުންގެ ޝަކުވާތަކާއި ކަންބޮޑުވުންތައް ސަރުކާރަށް ހުށަހެޅުމަށްޓަކައި މާލެ އާއި ހުޅުމާލޭގައި "ސިޓިޒަންސް ކޮމްޕްލެއިންޓްސް" ބިއުރޯގެ ދެ ލައުންޖެއް މިއަދު ވަނީ ހުޅުވައިފައެވެ. ސަރުކާރު ބަންދު ނޫން ކޮންމެ ދުވަހަކު ޚިދުމަތް ދޭ މި އޮފީސްތަކަކީ ރައީސުލްޖުމްހޫރިއްޔާގެ އޮފީހުގެ ދަށުން ހިންގާ، ރައްޔިތުންގެ މައްސަލަތަކަށް ހައްލު ހޯދައިދިނުމަށް ގާއިމުކުރި ތަންތަނެވެ.

ރިއަލް އެސްޓޭޓު ބިލު މަޖިލީހަށް ބަލައިގަނެފި

މި ބިލު ބަލައިގަންނަން ވޯޓު ދިނީ 42 މެންބަރުން. ބިލާ ދެކޮޅަށް ވޯޓު ދެއްވީ އެމްޑީޕީގެ 13 މެންބަރުން. މި ބިލު ދިރާސާކުރާނީ ގައުމީ ތަރައްގީ އާއި ތަރިކައިގެ ކޮމިޓީން. މިއީ ގާނޫނުއަސާސީގެ ހިމާޔަތްތައް ނައްތާލައި، ތާއަބަދަށް ނުވަތަ ހުސްނުވާ ގޮތަށް ބޭރު މީހުންނަށް ބިން މިލްކުކުރެވޭނެ ގޮތް ހެދުމަށް އިންތިޒާމުތަކެއް ހިމަނާފައިވާ ބިލެއް

ބޮޑެތި ޖޫރިމަނާތަކެއް ހިމަނާފައިވާ އަބުރުގެ ބިލު ކޮމިޓީއަށް

ސޯޝަލް މީޑިއާގައި މީހެއްގެ އަބުރާ ބެހޭ ފަދަ ޕޯސްޓެއް ހިއްސާކޮށްފިނަމަ 5 ލައްކަ ރުފިޔާއާ ހަމައަށް ޖޫރިމަނާ ކުރެވޭ ގޮތަށް ހުށަހެޅި އަބުރުގެ ބިލު މަޖިލީހަށް ބަލައިގަނެ ކޮމިޓީއަށް ފޮނުވައިފިއެވެ. މި ބިލުގައި ބަހާއި، ފޮޓޯއާއި، އިޝާރާތް އަދި ފިލްމު ފަދަ ވަސީލަތްތައް މެދުވެރިކޮށް އަބުރާ ބެހުމުގެ ދައުވާ ކުރެވޭނެ ގޮތްތައް ބަޔާންކޮށްފައިވެއެވެ.

މަރުގެ އަދަބު ތަންފީޒު ކުރާ ބިލު ބަލައިގެންފި

ދަންޖައްސައިގެން މަރުގެ އަދަބު ތަންފީޒުކުރާ ގޮތަށް ސަރުކާރުން ހުށަހެޅި ބިލު ރައްޔިތުންގެ މަޖިލީހަށް މިއަދު ބަލައިގެންފިއެވެ. މި ބިލުގައި މަރުގެ އަދަބު ތަންފީޒުކުރާނެ ގޮތާއި، އެކަން ހިންގާނެ ޕެނަލެއް އެކުލަވާލުމުގެ އިތުރުން، ބަލިވެއިނުމާއި ދަރިފުޅަށް ދެ އަހަރު ފުރުން ފަދަ އަދަބު ތަންފީޒުނުކުރެވޭނެ ހާލަތްތައް ބަޔާންކޮށްފައިވެއެވެ.

ތިން ކުންފުންޏެއްގެ މަނީ އެކްސްޗޭންޖު ލައިސަންސް ބާތިލްކޮށްފި

މަނީ ޗޭންޖިން ގަވާއިދާ ތަކުރާރުކޮށް ހިލާފުވި ތިން ކުންފުންޏެއްގެ ލައިސަންސް އެމްއެމްއޭ އިން ބާތިލުކޮށް، އެ ކުންފުނިތައް ބޮޑެތި އަދަދުތަކުން ޖޫރިމަނާކޮށްފިއެވެ. މި ފިޔަވަޅަކީ ބޭރު ފައިސާގެ ބާޒާރު ކޮންޓްރޯލްކޮށް، ގަވާއިދާ ހިލާފު މުއާމަލާތްތައް ހުއްޓުވުމަށް އެމްއެމްއޭ އިން ކުރަމުންދާ މަސައްކަތުގެ ތެރެއިން އެޅި ފިޔަވަޅެކެވެ.

Newsletter

Get the latest news delivered straight to your inbox