ޓެނިސް ތަރި ކިރްގިއޯސް ކޮކޭން ބޭނުންކުރި މަައްސަލައެއްގައި ސަސްޕެންޑްކޮށްފި

Aug 20, 2026, 9:40 AM
އޮސްޓްރޭލިއާގެ ޓެނިސް ތަރި ކިރްގިއޯސް.

އޮސްޓްރޭލިއާގެ ޓެނިސް ތަރި ކިރްގިއޯސް.

ސިޑްނީ (އޮގަސްޓް 20) - އޮސްޓްރޭލިއާގެ ޓެނިސް ތަރި، ނިކް ކިރްގިއޯސް، ކޮކޭން ބޭނުންކުރި ކަމަށް ޓެސްޓް ސާމްޕަލަކުން ދެއްކުމުން އޭނާ ސަސްޕެންޑްކޮށްފި އެވެ. 

ސްޕެއިނުގެ މަޔޯކާ އޯޕަންގައި ވާދަކުރަމުން ދިޔައިރު، ޖޫން 22 ވަނަ ދުވަހު ކިރްގިއޯސް ވަނީ މެޗަކަށް ފަހު، ޑޯޕިން ޓެސްޓެއްގައި ބައިވެރިވެފަ އެވެ. އެ ޓެސްޓްގެ ނަތީޖާ އައިއިރު، ކުރިން ދުނިޔޭގެ 13 ވަނައިގައި އޮތް ކިރްގިއޯސް ވަނީ ކޮކޭން އަށް ޕޮޒިޓިވްވެފަ އެވެ. 

ދި އިންޓަނޭޝަނަލް ޓެނިސް އިންޓެގްރިޓީ އެޖެންސީން ކިރްގިއޯސް ސަސްޕެންޑްކުރީ ވަގުތީ ގޮތުން އަންނަ މަހުގެ ހަތަރު ވަނަ ދުވަހުގެ ނިޔަލަށެވެ. އެއީ، ފުލް ރިޕޯޓަށް ބަލައި، އޭނާ އަށް ދޭން ޖެހޭ ސަސްޕެންޝަނެއް ޑިސިޕްލިނަރީ ކޮމީޓީން ވެސް ނިންމަން ޖެހޭނެތީއާ އެކު އެވެ. މި މުއްދަތުގެ ތެރޭގައި ވެސް ކިރްގިއޯސް ބޭނުންނަމަ އެޕީލް ކުރުމުގެ ފުރުސަތު އޮންނާނެ ކަމަށް ޓެނިސް އިންޓެގްރިޓީ އެޖެންސީން ވަނީ ބުނެފަ އެވެ. އެކަމަކު، މިހާތަނަށް ކިރްގިއޯސްގެ ފަރާތުން އެޕީލް ކުރުމުގެ ލިޔުމެއް ވެސް ލިބިފައިނުވާ ކަމަށް ވެސް އެޖެންސީން މައުލޫމާތު ދީފައިވެ އެވެ. 

Advertisement

އިންސްޓަގްރާމްގައި ކިރްގިއޯސް ބުނެފައިވަނީ، އޭނާ އަށް ބޮޑު ގޯހެއް ހެދިފައިވާ ކަމަށާއި އެކަމުގެ ފުރިހަމަ ޒިންމާ ނަގާނެ ކަމަށެވެ. 

ކިރްގިއޯސް އަށް ދީފައިވާ ސަސްޕެންޝަންގެ މި މުއްދަތުގައި، އޭނާ އަށް ކުޅުމާއި ކޯޗުކޮށްދިނުމުގެ ފުރުސަތެއް ނެތްއިރު، ޓެނިހުގެ ގްރޭންޑް ސްލޭމް ހިމެނޭހެން އެއްވެސް އިވެންޓެއް ކުރިއަށްދާ ތަނަކަށް ދިއުމުގެ ހުއްދައެއް ނެތެވެ. 

ރިޕޯޓްތައް ބުނާގޮތުން، ކިރްގިއޯސްގެ މައްސަލަ އެއްކޮށް ބަލައިނިމި، އަންނަ ސަސްޕެންޝަންގެ މުއްދަތު ހަތަރު އަހަރަށް ވުުމުގެ ފުރުސަތު ބޮޑެވެ. އެކަމަކު، އެ އަދަބުގެ މުއްދަތު ކުރުވުމުގެ ފުރުސަތު ވެސް އެބައޮތެވެ. އެއީ، އޭނާ ކޮކޭން ބޭނުންކޮށްފައިވަނީ، މުބާރާތެއްގެ މެދުތެރެއިން ނޫން ކަމަށް ސާބިތުކޮށްދީގެންނެވެ. އޭރުން ސަސްޕެންޝަން އަންނާނީ ތިން މަހަށެވެ. 

އުމުރުން 31 އަހަރުގެ ކިރްގިއޯސް މި އަހަރުގެ  މިހާތަނަށް ކުޅެފައިވަނީ، ސިންގަލްސް ހަތަރު މެޗެވެ. ކަކުލާއި އަތުގެ ކުޑަހުޅުގެ ގިނަ އަނިޔާތަކެއް މިދިޔަ އަހަރުތަކުގައި ދިމާވި ކިރްގިއޯސް އަށް މި އަހަރު ކުޅުނު މެޗުތަކުގެ ތެރެއިން، މޮޅުވެވުނީ އެންމެ މެޗަކުންނެވެ. އަނެއް ތިން މެޗުން ވަނީ ބަލިވެފަ އެވެ. 

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox