ގދ. ތިނަދޫ ސިނާއީ ސަރަހައްދުގައި ބަންގްލަދޭޝްއަށް ނިސްބަތްވާ 27 އަހަރުގެ މީހަކު މަރުވެފައި އޮއްވާ ފެނިއްޖެ އެވެ.
ފުލުހުން ބުނީ ސިނާއީ ސަރަހައްދުން ފެނުނު އެ މީހާ ޑރ. އަބްދުއްސަމަދު މެރޯރިއަލް ހޮސްޕިޓަލަށް ގެންދިޔައިރުވެސް މަރުވެފައިވާ ކަމަށް ހޮސްޕިޓަލުން ބުނެފައިވާ ކަމަށެވެ.
މި މައްސަލަ ތަހުގީގު ކުރަމުންދާ ކަމަށް ފުލުހުން ބުންޏެވެ.
ޖުލައި 25، އާއި އޯގަސްޓު 3، އާ ދެމެދު ހާދިސާތަކުގައި ބަންގްލަދޭޝްގެ އަށް މީހަކު މަރުވި ކަމަށް ރާއްޖޭގައި ހުންނަ އެ ގައުމުގެ ހައި ކޮމިޝަންއާ ހަވާލާދީ އެ ގައުމުގެ ނޫސްތަކުން ރިޕޯޓުކޮށްފައިވެ އެވެ.
އެ މަރުތަކުގެ ތެރޭގައި މަސައްކަތުގެ މާހައުލުގައި ހިނގި އެކްސިޑެންޓްތަކާއި، ސިއްހީ ސީރިއަސް މައްސަލަތަކުގެ އިތުރުން އަމިއްލައަށް މަރުވުމުގެ ހާދިސާތައް ހިމެނޭކަން ޓްރާންސްޕޭރެންސީން ވަނީ ފާހަގަކޮށްފަ އެވެ. އެ 10 ދުވަހުގެ ތެރޭގައި ގިނައިން މަރުވީ އުމުރުން 21 އަހަރާއި 45 އަހަރާ ދެމެދުގެ މީހުންނެވެ.
