މާލެ، މާފަންނު ދިލްކުޝާ ގޯޅީގައި ހުންނަ ގެއެއްގައި ގޭސް ލީކުވުމުގެ ހާދިސާއެއް ހިނގައި އަންހެނަކު މަރުވެ، އިތުރު މީހަކަށް ފަރުވާދޭން ފަށައިފި އެވެ.
ފުލުހުން ބުނީ މިއަދު ހެނދުނު ހިނގި ހާދިސާގައި މަރުވީ ދަފްތަރު ނަންބަރު ރސ 6210 / މާލެ، ޒާހިދާ ތައުފީގު، 51، ކަމަށެވެ. އޭނާ އައިޖީއެމްއެޗް ހޮސްޕިޓަލަށް ގެންދިޔައިރު ވެސް މަރުވެފައިވާ ކަމަށް ފުލުހުން ބުންޏެވެ.
މި ހާދިސާގައި ހާލުދެރަވި 19 އަހަރުގެ އަންހެން މީހާއަށް އޭޑީކޭ ހޮސްޕިޓަލުގައި ފަރުވާ ދެމުންދާ ކަމަށްވެސް ފުލުހުން ބުންޏެވެ.
އަދަދު އަށް އެނގިފައިވާ ގޮތުގައި މއ. އަސްޓްރަލް ގެއިން ވަރަށް ބޮޑަށް ގޭސްވަސްދުވާތީ އެކަން ކަމާބެހޭ ފަރާތްތަކަށް ރިޕޯޓުކުރީ އަވަށްޓެރިންނެވެ.
ފުލުހުންނާއި އެމްއެންޑީއެފް އަށް ލިބުނު ރިޕޯޓާއެކު އެގެއަށް ވަދެ ބެލިއިރު ދެ އަންހެނުންގެ ހަރަކާތެއް ނެތް ކަމަށް މައުލޫމާތު ލިބެ އެވެ. އެއާއެކު ވަގުތުން އެ ދެ މީހުން އޭރު ގެންދިޔައީ އައިޖީއެމްއެޗްއަށެވެ.
އިތުރު ތަފްސީލް އަންނަނީ...
