ޕެންޝަން އޮފީހުގެ ބޯޑު މެންބަރުކަމަށް އިތުރު ބޭފުޅަކު އައްޔަނުކޮށްފި އެވެ.
އެ އޮފީހުގެ ބޯޑުގައި ޕްރައިވެޓް ސެކްޓާ ތަމްސީލުކުރައްވާ މެންބަރެއްގެ ގޮތުގައި އެ ބޯޑަށް އައްޔަނުކުރީ އަހުމަދު އަލީ އެވެ. އޭނާ އެ މަގާމަށް އައްޔަނުކޮށްފައި ވަނީ އޯގަސްޓު 23، ގަ އެވެ.
އަހުމަދު އަލީއަކީ މީގެ ކުރިން މޯލްޑިވްސް އިންލެންޑް ރެވެނިއު އޮތޯރިޓީ (މީރާ) ގެ އެސިސްޓެންޓު ކޮމިޝަނާ ޖެނެރަލްގެ މަގާމާއި ޑިރެކްޓާ ޖެނެރަލް އޮފް ލާޖް ބިޒްނެސް އަދި ސީނިއާ ޑިރެކްޓާ އޮފް ލާޖް ޓެކްސްޕޭޔާ ސާވިސަސްގެ މަގާމު ފުރުއްވައިފަ އެވެ.
އަހުމަދަކީ މާސްޓާ އޮފް ސައިންސް އިން ފައިނޭންސް އަދި ބެޗްލާ އޮފް އެކައުންޓިން އަދި ބެޗްލާ އޮފް ޝަރީއާ އެންޑް ލޯ ހާސިލުކުރައްވާފައިވާ ބޭފުޅެކެވެ. އޭގެ އިތުރުން އޭނާ އަކީ އިންސްޓިޓިއުޓް އޮފް ޗާޓާޑް އެކައުންޓަންޓްސް އޮފް މޯލްޑިވްސް (ސީއޭ މޯލްޑިވްސް) އަދި ޔޫކޭގެ އެސޯސިއޭޝަން އޮފް ޗާޓާޑް ސާޓިފައިﷲް އެކައުންޓަންޓްސް (އޭސީސީއޭ) ގެ ފެލޯ މެންބަރެކެވެ.
ކަންބޮޑުވުންތަކަށް އިޖާބަ ދިނުމެއް ނެތި ބޮންޑު މުއާމަލާތް ހިންގައި، 2.4 ބިލިއަން ރުފިޔާ "ޗާޕުކޮށްފި"
ޕެންޝަން ފަންޑުގެ 2.4 ބިލިއަން ރުފިޔާގެ ޓީބިލު ދިގުމުއްދަތުގެ ބޮންޑަކަށް ބަދަލުކޮށް، ގިނަ ބައެއްގެ ކަންބޮޑުވުންތަކާއެކު ސަރުކާރުގެ ހަރަދުތަކަށް އެ ފައިސާ މިއަދު ވަނީ ނަގާފަ. އިގުތިސޯދީ މާހިރުން މިއީ ފައިސާ ޗާޕުކުރުން ކަމަށް ސިފަކުރި ނަމަވެސް، ސަރުކާރާއި ޕެންޝަން އޮފީހުން ބުނަނީ މިއީ ފަންޑަށް ފައިދާހުރި އިންވެސްޓްމަންޓެއް ކަމަށް.
ޕެންޝަން އޮފީހުގެ ބޯޑަށް އައު ބޭފުޅަކު އައްޔަނުކުރައްވާފައިވާއިރު، އެ ބޯޑުގެ މެންބަރުންގެ ގޮތުގައި މީގެ ކުރިން ތިއްބެވި މެންބަރުން ވަނީ، ޕެންޝަން ފަންޑުން ގަނެފައިވާ 2.4 ބިލިއަން ރުފިޔާގެ ޓީބިލުތަކެއް ވިއްކާލައިގެން ލިބޭ ފައިސާ ސަރުކާރުން ވިއްކާ ދިގު މުއްދަތުގެ ބޮންޑަކަށް އިންވެސްޓުކުރަން ދެކޮޅު ހަދައި އެ ބޯޑުން އިސްތިއުފާދެއްވައިފަ އެވެ.
އޭގެ ފަހުން އެކަމާ ދެކޮޅު ހެދުމުގެ ގޮތުން ޕެންޝަން އޮފީހުގައި އިސް މަގާމުތައް ފުރުއްވަމުން ގެންދެވި ބޭފުޅުން ވެސް ވަނީ މަގާމުތަކުން އިސްތިއުފާދެއްވައިފަ އެވެ.
ނަމަވެސް، އެ މީހުންނާއި ފަންނީ މާހިރުންނާއި އިދިކޮޅު ސިޔާސީ މީހުންނާއި އާންމުންގެ ހުރި ކަންބޮޑުވުންތަކަށް ބެލުމެއް ނެތި، ޕެންޝަން ފަންޑުން ގަނެފައިވާ 2.4 ބިލިއަން ރުފިޔާ ޓީބިލު ދިގުމުއްދަތުގެ ބޮންޑަކަށް ބަދަލުކުރުމުގެ މުއަމަލާތް ކުރިއަށް ގެންގޮސް، އެ ފައިސާ މިދިޔަ ޖުލައި 23 ގައި ވަނީ ޗާޕުކޮށްފަ އެވެ.
