ޕެންޝަން އޮފީހުގެ ބޯޑުގެ ޗެއާޕާސަންގެ މަގާމަށް މަޖީދު އައްޔަންކޮށްފި

May 23, 2026, 8:12 PM
ޕެންޝަން އޮފީގެ ބޯޑުގެ ޗެއާޕާސަން މަޖީދު

ޕެންޝަން އޮފީގެ ބޯޑުގެ ޗެއާޕާސަން މަޖީދު

ޕެންޝަން އޮފީހުގެ ބޯޑުގެ ޗެއާޕާސަންގެ މަގާމަށް އެ މަގާމުގައި ވަގުތީ ގޮތުން ހުންނެވި، އަދި ކުރިން ބޯޑު މެންބަރަކަށް ވެސް ހުންނެވި އަބްދުލް މަޖީދު އަލީ އައްޔަން ކުރައްވައިފި އެވެ.

ޗެއާޕާސަންގެ މަގާމަށް މިދިޔަ ބުރާސްފަތި ދުވަހު މަޖީދު އައްޔަން ކުރެއްވި ނަމަވެސް އެކަން ޕެންޝަން އޮފީހުން އިއުލާން ކުރީ މިއަދު އެވެ. މަޖީދު އެ މަގާމަށް އައްޔަން ކުރީ ތިން އަހަރު ދުވަހުގެ މުއްދަތަށެވެ.

މަޖީދު އެ މަގާމަށް އައްޔަން ކުރެއްވި ކުރިން ޗެއާޕާސަން އަކަށް ހުންނެވި އަހުމަދު އިނާޒު އިސްތިއުފާ ދެއްވުމުންނެވެ. 

Advertisement

ފައިސާ ޗާޕު ކުރަން މަސައްކަތް ކުރާތީ ޕެންޝަން އޮފީހުގެ ޗެއާމަން އިނާޒް އިސްތިއުފާ ދެއްވައިފި

"އެމްއެމްއޭ މެދުވެރިކޮށް މި މުއާމަލާތަށް ފައިސާ ހޯދުމަކީ އިގްތިސާދަށް މިހާލަތުގައި ގެއްލުން ބޮޑު ނިންމުމެއްކަމަށް ޓެކްނިކަލީ ގަބޫލްކުރެވޭތީ ޕެންޝަން އެޑްމިނިސްޓްރޭޝަން އޮފީހުގެ ބޯޑު ގެ ޗެއާޕާސަން ކަމުން މިއަދުން ފެށިގެން އަޅުގަނޑު އިސްތިއުފާ ދީފިން"

ޕެންޝަން އޮފީހުގެ ބޯޑާ އޭނާ އެންމެ ފުރަތަމަ ގުޅިވަޑައިގަތީ ފެބްރުއަރީ 2022 ގަ އެވެ. 

މާލީ އަދި ބޭންކިން ދާއިރާގައި ގިނަ ތަޖުރިބާ ހާސިލު ކުރައްވާފައިވާ މަޖީދު ބޭންކް އޮފް މޯލްޑިވްސް އާއި ބޭންކް އޮފް ސިލޯންގައި މަސައްކަތް ކުރައްވައި، ބޭންކިން އަދި ފައިނޭންސް ދާއިރާގެ އަމަލީ ތަޖުރިބާ ހޯއްދަވާފައިވެ އެވެ. ކެޕިޓަލް މާކެޓް ޑިވެލޮޕްމަންޓް އޮތޯރިޓީގެ ބޯޑުގައި ޕްރައިވެޓް ސެކްޓަ ތަމްސީލުކުރައްވާ މެންބަރެއްގެ ގޮތުގައިވެސް އޭނާ  މަސައްކަތް ކުރައްވި އެވެ. 

މަޖީދު ވަނީ އޮސްޓްރޭލިއާގެ މޮނާޝް ޔުނިވަސިޓީން ބިޒްނަސް، ބޭންކިން އެންޑް ފައިނޭންސް އަދި އެކައުންޓިން ދާއިރާއިން ފުރަތަމަ ޑިގްރީ ހާސިލްކުރައްވާފައެވެ.  އޭނާ ވަނީ ވޭލްސްގެ ކާޑިފް ޔުނިވަސިޓީން އިންޓަނޭޝަނަލް އިކޮނޮމިކްސް، ބޭންކިން އެންޑް ފައިނޭންސްގެ ދާއިރާއިން މާސްޓާސް ޑިގްރީ ހާސިލްކުރައްވާފައެވެ.

ޕެންޝަން އޮފީހުގެ ޗެއާޕާސަންގެ މަގާމުގައި ކުރިން ހުންނެވި އިނާޒު އާއި އެ ބޯޑުގެ ބައެއް މެންބަރުންނާއި ސީނިއާ ބައެއް މުވައްޒަފުން އިސްތިއުފާ ދެއްވީ ޕެންޝަން އޮފީސް މެދުވެރިކޮށް ސަރުކާރުން ބޭނުންވާ ފައިސާ "ޗާޕްކުރަން" އުޅުމުންނެވެ.

ސުޖާތަ އިސްތިއުފާ ދެއްވީ ބޮންޑު ޓްރާންސެކްޝަން ލިޔުމުގައި ސޮއިނުކުރަން ވެގެން

ސުޖާތާއަކީ ޕެންޝަން އޮފީހާއި އެމްއެމްއޭ އާއި ފިނޭންސް މިނިސްޓްރީ ހިމެނޭ 2.4 ބިލިއަން ރުފިޔާގެ ބޮންޑު މުއާމަލާތާ ގުޅޭ ލިޔުމެއްގައި ސޮއިކުރަން އިންކާރުކުރުމަށް ފަހު މަގާމުން އިސްތިއުފާ ދެއްވި ދެވަނަ ބޭފުޅާ

ޕެންޝަން އޮފީހުގެ ސީއީއޯ ސުޖާތާ ހަލީމް އެ މަގާމުން އިސްތިއުފާ ދެއްވީ ބޯޑުން ފާސްކުރި ގޮތަށް ބޮންޑު ގަތުމާއި ވިއްކުމުގެ މުއާމަލާތް ހިންގަން ލިޔުމުގައި ސޮއިކުރަން ދެކޮޅު ހެދުމަށް ފަހު އެވެ. 

ނަން ނުޖަހާ ގޮތަށް މި ނޫހަށް މައުލޫމާތު ދިން މަސްދަރުތަކުން ބުނި ގޮތުގައި ބޯޑުން ބޭނުންވީ ވަގުތުން ވަގުތަށް އެ މުއާމަލާތައިގެން ކުރިއަށްދާށެވެ. ނަމަވެސް ސުޖާތާ ވަނީ ޕެންޝަން އޮފީހުގެ އިސްވެރިޔާގެ ހައިސިއްޔަތުން އެ ލިޔުމުގައި ސޮއިކުރަން އިންކާރު ކުރައްވާފަ އެވެ. 

މަޖީދު ޗެއާޕާސަން ކަމަށް އައްޔަން ކުރެއްވުމުގެ އިތުރުން ޕެންޝަން ބޯޑުގެ މެންބަރު ކަމަށް، ކުރިން ހައްޖު ކޯޕަރޭޝަންގެ މެނޭޖިން ޑިރެކްޓަރަކަށް ހުންނެވީ ޔާމީން އިދްރީސް ވަނީ އައްޔަން ކުރައްވައިފަ އެވެ. 

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox