ސޯޝަލް މީޑިއާގައި އާންމުވި ވީޑިއޯއަކާ ގުޅިގެން، ނުރައްކާތެރިކޮށް އަދި ފަރުވާކުޑަކޮށް ސައިކަލް ދުއްވި މީހަކަށް ދިވެހި ފުލުހުންގެ ހިދުމަތުން ފިޔަވަޅު އަޅައިފި އެވެ.
ސޯޝަލް މީޑިއާގައި ދައުރުވި ވީޑިއޯއިން ފެންނަ ގޮތުގައި ޒުވާން ފިރިހެނަކު ސައިކަލު ދުއްވަމުން ދިޔައީ އެއް އަތުން ހުންގާނުގައި ހިފަހައްޓައިގެން، ސައިކަލްގެ ދެ ފަރާތަށް ފައިލުމުގެ ބަދަލުގައި ސައިކަލުގެ އެއް ފަރާތަށް ދެ ފައި ބާލައިގެން އިނދެ އެވެ. އަދި އޭނާ ބައެއް ފަހަރު ސައިކަލްގެ މަޑީގެ ފަހަތުގައި އެއް އަތުން ހިފަހައްޓަ އެވެ.
"ނުރައްކާތެރިކޮށް ނުވަތަ ފަރުވާކުޑަކޮށް އެއްގަމު އުޅަނދު ދުއްވާ މަންޒަރު ފެންނަ ވީޑިއޯއެއް ސޯޝަލް މީޑިއާ މެދުވެރިކޮށް ދިވެހި ފުލުހުންގެ ހިދުމަތުގެ ސަމާލުކަމަށް އައުމާ ގުޅިގެން، އެ އުޅަނދާއި އުޅަނދު ދުއްވި ފަރާތް ދެނެގަނެ، އެ އުޅަނދު 30 ދުވަހުގެ މުއްދަތަށް ޓޯކޮށް، އެ އުޅަނދު ދުއްވި ފަރާތުގެ ލައިސަންސް ހިފަހައްޓައި އެ އެފަރާތް ވަނީ ޖޫރިމަނާ ކޮށްފަ،" ފުލުހުން ބުންޏެވެ.
ސިނަމާލެ ބްރިޖާއި މާލެ-ހުޅުމާލެ ހައިވޭ މަގުގައި ނުރައްކާތެރިކޮށް ސައިކަލު ދުައްވާ މަންޒަރު ފެންނަ ވީޑިއޯއެއް މިދިޔަ މަހު ވެސް ވައިރަލްވި އެވެ. އެ މައްސަލައިގައި ތިން ސައިކަލެއް 30 ދުވަހަށް ފުލުހުން ޓޯކުރި އެވެ.
ވައިރަލް ވެގެން އުޅޭ ވީޑިއޯއެއްގައި ފެންނަ ސައިކަލުތައް ފުލުހުން ޓޯކޮށްފި
ސިނަމާލެ ބްރިޖާއި ހައިވޭގައި ނުރައްކާތެރިކޮށް ސައިކަލު ދުއްވާ މަންޒަރު ފެންނަ ވީޑިއޯއެއް އާންމުވުމާ ގުޅިގެން، އެ އަމަލު ހިންގި ތިން ސައިކަލެއް ފުލުހުން ވަނީ 30 ދުވަހުގެ މުއްދަތަށް ޓޯކުރިޔަސް، މި މައްސަލައިގައި އެއްވެސް މީހަކު ހައްޔަރެއް ނުކުރޭ.
ފުލުހުން މިދިޔަ މަހު އާންމުކޮށްފައިވާ ތަފާސްހިސާބުތަކަށް ބަލާއިރު، މިއަހަރުގެ ފުރަތަމަ ހަ މަސްދުވަހު (ޖަނަވަރީ އިން ޖޫން އަށް) މާލެ އާއި ބްރިޖު ހައިވޭގައި އެކަނިވެސް 1،355 އެކްސިޑެންޓް ވަނީ ރެކޯޑުކުރެވިފަ އެވެ. މިއީ ދުވާލެއްގެ މައްޗަށް އެވްރެޖްކޮށް 7.49 އެކްސިޑެންޓެވެ.
މި އަހަރުގެ ފުރަތަމަ ހަ މަސްދުވަހުގެ ތެރޭގައި މަހެއްގެ މައްޗަށް އެވްރެޖްކޮށް 226 އެކްސިޑެންޓް ހިނގާފައިވެއެވެ. އޭގެ ތެރެއިން އެންމެ ގިނަ އެކްސިޑެންޓް ރެކޯޑުކުރެވުނީ އަހަރުގެ ފެށުނު ޖަނަވަރީ މަހު އެވެ. އެ މަހު 253 އެކްސިޑެންޓް ހިނގިއެވެ.
ބިރުވެރި ނަންބަރެއް؛ މާލޭގެ މަގުތަކުގައި ދުވާލަކު 7 އެކްސިޑެންޓު!
ފުރަތަމަ ހަ މަސްދުވަހު މާލެ ސަރަހައްދުގައި 1,355 އެކްސިޑެންޓް ހިނގާފައިވާއިރު، މިއީ ދުވާލެއްގެ މައްޗަށް އެވްރެޖްކޮށް 7 އެކްސިޑެންޓު. 66 ޕަސެންޓު އެކްސިޑެންޓް ހިނގީ ދުވާލުގެ ވަގުތުތަކުގައި. މި ހާދިސާތަކުގައި ދެ މީހަކު މަރުވެ ގިނަ ބަޔަކަށާއި ގިނަ އަދަދެއްގެ އުޅަނދުތަކަށް ބޮޑެތި ގެއްލުންތަކެއް ލިބިފައިވާ ކަމަށް ތަފާސްހިސާބުތަކުން ދައްކާ
އެންމެ މަދުން އެކްސިޑެންޓް ރެކޯޑުކުރެވިފައިވަނީ ފެބްރުއަރީ މަހުއެވެ. އެއީ 191 އެކްސިޑެންޓެވެ. ނަމަވެސް، ފެބްރުއަރީ މަހަށްފަހު މާޗު މަހު ވަނީ އަދަދުތައް 23.56 ޕަސެންޓު އިތުރެވެ.
