ހުޅުމާލޭގައި އިއްޔެ ހެނދުނު ހިނގި ނުރައްކާތެރި އެކްސިޑެންޓުގައި ކާރު ދުއްވި މީހާގެ ލައިސެންސް ހިފަހައްޓައިފި އެވެ.
މި ކާރު ދުއްވަން އިނީ ހޯކްސް ޕްރައިވެޓް ލިމިޓެޑްގެ ސީއީއޯ ހަސަން ރިފާއު އާއި އޭނާގެ ފިރިހެން ދަރިފުޅެވެ. ފުލުހުން މިއަދު ހާމަކޮށްފައިވާ ގޮތުގައި އޭނާގެ ލައިސެންސް ހިފަހައްޓައި މައްސަލަ އަންނަނީ ތަހުގީގު ކުރަމުންނެވެ.
އެ ދެ މީހުންނަށް ވެސް ޓްރީ ޓޮޕް ހޮސްޕިޓަލުގައި ފަރުވާ ދިނުމަށް ފަހު ދޫކޮށްލާފައިވާއިރު ސީރިއަސް އެއްވެސް އަނިޔާއެއް ލިބިފައި ނުވާ ކަމަށް ފުލުހުން ބުނެ އެވެ.
Advertisement
އެ އެކްސިޑެންޓުގައި ބޭނުންނުކުރެވޭ ވަރަށް ކާރު ހަލާކުވެފައިވާއިރު ތަހުގީގަށް ބޭނުންވާ މައުލޫމާތު އެއްކުރުމަށްފަހު މިހާރު ކާރުގެ ބައިތައް ވެރިފަރާތާ ހަވާލުކޮށްފައިވާ ކަމަށް ފުލުހުން ބުނެ އެވެ.
