އެމްޑީޕީގެ ޕާލަމަންޓްރީ ގްރޫޕަށް އެންމެ ފަހުން ގަވަރުނަރާ ބައްދަލުކުރެވޭ ގޮތްވެއްޖެ

އެމްޑީޕީގެ ޕާލަމަންޓްރީ ގްރޫޕުން ބޭއްވި ނޫސްވެރިންގެ ބައްދަލުވުމެއްގެ ތެރެއިން: އެ ޕާޓީން ވަނީ އެމްއެމްއޭގެ ގަވަރުނަރާ ބައްދަލުކުރައްވާފައި -- ފޮޓޯ: މަޖިލިސް

އެމްޑީޕީގެ ޕާލަމަންޓްރީ ގްރޫޕުން ބޭއްވި ނޫސްވެރިންގެ ބައްދަލުވުމެއްގެ ތެރެއިން: އެ ޕާޓީން ވަނީ އެމްއެމްއޭގެ ގަވަރުނަރާ ބައްދަލުކުރައްވާފައި -- ފޮޓޯ: މަޖިލިސް

މޯލްޑިވްސް މަނިޓަރީ އޮތޯރިޓީ (އެމްއެމްއޭ) ގެ ގަވަރުނަރު އަހްމަދު މުނައްވަރާ ބައްދަލުކުރުމަށް އެމްޑީޕީގެ ޕާލަމަންޓްރީ ގްރޫޕުން އެދެމުންދާތާ ގިނަ ދުވަސްތަކެއް ފަހުން، އެ ބައްދަލުވުން މިއަދު ބާއްވައިފި އެވެ.

ހުޅުމާލެ ދެކުނު ދާއިރާގެ މެންބަރު ޑރ. އަހްމަދު ޝަމްހީދު ވިދާޅުވީ މި ބައްދަލުވުމުގައި ރާއްޖޭގެ މިހާރުގެ އިގްތިސާދީ ހާލަތާއި، ބޭރު ފައިސާގެ ދަތިކަން ހައްލުކުރުމަށް އަޅަމުންދާ ފިޔަވަޅުތަކާ ގުޅޭގޮތުން ގިނަ މަޝްވަރާތަކެއް ކުރެވުނު ކަމަށެވެ. 

ޝަމްހީދު ވިދާޅުވީ މި ބައްދަލުވުމުގައި ކަރަންސީ މާކެޓުގެ ތެރޭގައި ހިނގާ މުއާމަލާތްތައް ކުށެއްގެ ގޮތުގައި ކަނޑައަޅައި، އެކަން ހުއްޓުވަން މަސައްކަތް ކުރި ނަމަވެސް، ބޭރު ފައިސާއަށް އޮތް ޑިމާންޑް ކުޑަނުވާނެ ކަމާއި، ރަސްމީ ނިޒާމުގެ ތެރެއިން ވިޔަފާރިތަކަށް ޑޮލަރު ނުލިބޭނަމަ، މުދާ އެތެރެކުރުމަށް ހުރަސް އެޅި، ޒަރޫރީ ތަކެތި ހުސްވެ އަގުތައް އުފުލިގެންދާނެކަން ޕީޖީ ގްރޫޕުން ފާހަގަކޮށްފައިވާނެ ކަމަށެވެ. 

މީގެއިތުރުން މްއެމްއޭއިން ބޭންކުތައް މެދުވެރިކޮށް ދޫކުރާ ޑޮލަރު ބެހުމުގައި ހާމަކަން ބޮޑު، އިންސާފުވެރި ނިޒާމެއް އޮންނަންޖެހޭނެކަން ބައްދަލުވުމުގައި ޕީޖީ ގްރޫޕުން ފާހަގަކުރުމުން، އެމްއެމްއޭއިން ވަނީ ޑޮލަރު ދޫކުރުމުގައި އިންސާފުވެރިކަން ގާއިމުކުރާނެ ކަމުގެ ޔަގީންކަން ދީފައި ކަމަށް ޝަމްހީދު ވިދާޅުވި އެވެ. 

މި ބައްދަލުވުމުގައި ރިސޯޓުތަކުން ލިބޭ އާމްދަނީގެ 40 ޕަސަންޓު މާރުކުރަން މަޖުބޫރުކުރުމާ ގުޅޭގޮތުން ފުޅާ ދާއިރާއެއްގައި މަޝްވަރާކޮށް، މި ފިޔަވަޅުގެ ސަބަބުން ރިސޯޓުތަކުން މުވައްޒަފުންނަށް ދޭ މުސާރައާއި ސާވިސް ޗާޖު ޑޮލަރުން ދިނުމަށް ދަތިވާނެކަން ފާހަގަކުރި ކަމަށް ޝަމްހީދު ވިދާޅުވި އެވެ. 

މިގޮތުން އެމްޑީޕީގެ ޕީޖީން ގަވަރުނަރަށް ހުށަހަޅާފައިވަނީ ޓެކްސްގެ ބައެއް ފައިސާ ދިވެހި ރުފިޔާއިން ދެއްކޭނެ އިންތިޒާމު ހަމަޖައްސައި،  ދައުލަތުގެ ހަރަދުތައް ކުޑަކޮށް، ފިސްކަލް ޑިސިޕްލިން ކުރުމަށެވެ. އެހެން ނޫންނަމަ އެ މައްސަލަ ހައްލުނުވާނެ ކަމަށް އެމްޑީޕީގެ ޕީޖީން ބައްދަލުވުމުގައި ވަނީ ފާހަގަކޮށްފަ އެވެ. 

ސަރުކާރުގެ ކުންފުނިތަކަށް ޑޮލަރު ދިނުމުގައި އިސްކަންދީ، އާންމު ވިޔަފާރިތަކަށް ދަތިކުރުމަކީ އިގްތިސާދަށް ލިބޭނެ ގެއްލުމެއްގެ ގޮތުގައި ބައްދަލުވުމުގައި އެމްޑީޕީގެ ޕީޖީން ފާހަގަކުރި އެވެ. އޭގެއިތުރުން އާންމު ރައްޔިތުން ކޮންމެހެން ކުރަންޖެހޭ ބޭރުގެ ފައިސާގެ މުއާމަލާތްތަކަށް ލުއި ގޮތްތަކެއް ހޯދައިދޭންޖެހޭ ކަމަށްވެސް ޕީޖީ ގްރޫޕުން ފާހަގަކޮށްފައިވެ އެވެ. 

މީޑިއާތަކުން ބޭރު ފައިސާގެ ބާޒާރުގެ ރޭޓުތައް ރިޕޯޓުކުރުން ހުއްޓުވުމަށް ކުރާ މަސައްކަތަކީ ޑިމޮކްރެޓިކް އުސޫލުތަކާ ހިލާފު ކަމެއްކަން ބައްދަލުވުމުގައި ޕީޖީ ގްރޫޕުން ފާހަގަކޮށް، ހަގީގަތް ފޮރުވަން މަސައްކަތް ނުކުރަން ވަނީ އެދިފަ އެވެ. 

މި ބައްދަލުވުމުގައި އެމްއެމްއޭ އިން ވަނީ މިހާރު ގެނެސްފައިވާ ބަދަލުތައް މޮނިޓާކޮށް އޭގެއިން އެއްވެސް ނޭދެވޭ އަސަރެއް ކުރާނަމަ، އެ ނިންމުމެއް ބަދަލުކުރާނެ ކަމަށް ބުނެފައި ކަމަށް ޝަމްހީދު ވިދާޅުވި އެވެ. 

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox