މަޖިލީހުގެ އުސޫލުތަކާ ހިލާފަށް ބިލުތައް ފާސްކުރާތީ އެމްޑީޕީގެ ކަންބޮޑުވުން

އޮގަސްޓު 27، 2026: އެމްޑީޕީގެ ޕާލިމެންޓްރީ ގްރޫޕުން މަޖިލީހުގެ މި އަހަރުގެ ދެވަނަ ދައުރާ ގުޅިގެން ބޭއްވި ނޫސްވެރިންގެ ބައްދަލުވުން

އޮގަސްޓު 27، 2026: އެމްޑީޕީގެ ޕާލިމެންޓްރީ ގްރޫޕުން މަޖިލީހުގެ މި އަހަރުގެ ދެވަނަ ދައުރާ ގުޅިގެން ބޭއްވި ނޫސްވެރިންގެ ބައްދަލުވުން

ރައްޔިތުންގެ މަޖިލީހުގެ ނިމިދިޔަ ދައުރުގައި ސަރުކާރުން ހުށަހަޅައިގެން ފާސްކުރި ބިލުތަކަކީ ކަނޑައެޅިފައިވާ އުސޫލުތަކާ އެއްގޮތަށް ފާސްކޮށްފައިވާ ބިލުތަކެއް ނޫން ކަމަށް ބުނެ އިދިކޮޅު މޯލްޑިވިއަން ޑިމޮކްރަޓިކް ޕާޓީ (އެމްޑީޕީ) ގެ ޕާލިމެންޓްރީ ގްރޫޕުން ކަންބޮޑުވުން ފާޅުކޮށްފި އެވެ. 

މި އަހަރުގެ ދެވަނަ ދައުރު ނިންމައި މަޖިލިސް ޗުއްޓީއަށް ގޮސްފައިވާއިރު ރައްޔިތުންނާއި އިގުތިސޯދަށް އަސަރުކުރާނެ ހަރުކަށި ގާނޫނުތަކެއް ވަނީ ފާސްކޮށްފަ އެވެ. އޭގެ ތެރޭގައި ކައުންސިލްތަކުގެ ބިންތައް މައި ސަރުކާރަށް ނެގޭ ބިލާއި، ޑޮލަރުގެ އަގާ ގުޅޭ ހަބަރުތައް ޖެހުމުން އަދަބުދޭ ބިލާއި، ޑޮލަރުން އާމްދަނީ ލިބޭ ވިޔަފާރިތަކުން އާމްދަނީގެ 40 ޕަސެންޓު މާރުކުރަން މަޖުބޫރުކުރާ ބިލުތަކެއް ހިމެނެ އެވެ. 

މިއަދު ބޭއްވި ނޫސްވެރިންގެ ބައްދަލުވުމެއްގައި އެމްޑީޕީގެ ޕީޖީން ބުނި ގޮތުގައި ބިލުތައް ފާސްކޮށްފައިވަނީ އަވަސް އަރުވާލައިގެންނެވެ. އޭގެ ސަބަބުން ބިލުތަކަށް ރަނގަޅަށް ބަހުސް ކުރުމުގެ ފުރުސަތު ލިބިފައިނުވާ ކަމަށް އެމްޑީޕީގެ ޑެޕިއުޓީ ޕީޖީ ލީޑަރު ހުސައިން ޒިޔާދު (ފިއްޓޭ) ވިދާޅުވި އެވެ. ނިމިގެންދިޔައީ "އަދާޔާ ހިލާފު" ދައުރެއް ކަމަށް ފިއްޓޭ ވިދާޅުވި އެވެ. 

"މިއިން ބިލަކަށް ބަހުސްކުރާނެ ޖާގައެއް ވެސް ނުލިބޭ، އޭގެއިން އެ ލިބޭ މަދު ހަނި ފުރުސަތުގައި މެންބަރުންނަށް ބަހުސްކުރާތީ އާގޮތެއް މިއަދު އީޖާދު އެ ކުރަނީ. އެއްގަމު ދަތުރުފަތުރުގެ ބިލު މަޖިލީހުގައި އޮންނަތާ އަހަރެއްހާ ދުވަސް ފަހުން ހަމަ އެއް ރޭ، ސަރުކާރު ބަންދު ރޭގަނޑު ކޮމިޓީއެއް ބާއްވާލާފައި ނިންމާފައި ތަޅުމަށް ބިލު ގެނައީ، ފުރަތަމަ ހުށަހެޅިއިރު ނެތް ބާބަކާއެކު،" ފިއްޓޭ ވިދާޅުވި އެވެ. 

ސަރުކާރުން ގާނޫނުތަކަށް ބަދަލު ގެންނަނީ ދިރާސާކުރުމަށް ފަހު ކަމަށް ރައީސް މުހައްމަދު މުއިއްޒު ވިދާޅުވެފައިވާތީ އެކަމަށް ވެސް ފިއްޓޭ ރައްދު ދެއްވި އެވެ. 

"ނަވާރަވަނަ މަޖިލީހުގައި ޓެކްސްއަށް ބަދަލު ގެނައިއިރު މަޖިލީހުގެ ތަޅުމުގައި ވެސް ކަމާ ގުޅުންހުރި ފަރާތްތައް ގެނެސްގެން ބަހުސްގައި ބައިވެރިކުރުވާ މައުލޫމާތު ދީފައި އޮތީ، އެ ފެންވަރު އެއީ މަޖިލީހުގައި މީގެކުރިން ކަން ކުރާ ގޮތް،" ވައިކަރަދޫ ދާއިރާގެ މެންބަރު ފިއްޓޭ ވިދާޅުވި އެެވެ.

ކެންދޫ ދާއިރާގެ މެންބަރު މައުރޫޒް ޒާކިރު (މަޓޭ) ވެސް ވަނީ ބިލުތައް އަވަސް އަރުވާލައިގެން ނިންމާތީ ކަންބޮޑުވުން ފާާޅުކުރައްވާފަ އެވެ. ކޮމިޓީ މަރުހަލާއަށް ބިލުތައް ފޮނުވަމުންދަނީ އެކަށީގެންވާ ގޮތެއްގައި ބަހުސް ކުރުމެއް ނެތި ކަމަށް މަޓޭ ވިދާޅުވި އެވެ. 

"ކޮމިޓީ މަރުހަލާގައި އެއްވެސް ކަމާ ގުޅުންހުރި ތަޖުރިބާކާރުން ހާޒިރުކުރުމެއް ނެތި، ލަފައެއް ހޯދުމެއް ނެތި ހަމައެކަނި ސަރުކާރުގެ އެޓާނީ ޖެނެރަލް ނުވަތަ ސަރުކާރުން އަންގާ ގޮތަށް ބިލުތައް ކޮމިޓީގައި މަރުހަލާގައި ކުރިއަށްގެންދަނީ. ނިމިދިޔަ ދައުރުގައި ފާސްކުރި އެއްވެސް ބިލަކީ ކަމާ ގުޅުންހުރި ފަރާތްތައް ހާޒިރުކުރެވި، އެ އޮންނަ ޑިއު ޕްރޮސެސް ކުރިއަށްގެންގޮސްގެން ފާސްކުރި ބިލުތަކެކޭ ނެތް ދެންނެވޭކަށް،" މަޓޭ ވިދާޅުވި އެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox