ޕެންޝަން ފަންޑަށް ވިއްކި ބޮންޑާއެކީ ސެކިއުރިޓީސް ދަރަނި 100 ބިލިއަން ރުފިޔާއިން މައްޗަށް

ފިނޭންސް މިނިސްޓަރު ހަސަން ޒަރީރު: މި ސަރުކާރުން ވަނީ ބަޖެޓުގައި ބުނި ވަރަށް ވުރެ އިތުރަށް އެތެރޭގެ ބާޒާރުން ދަރަނި ނަގާފަ --- ފޮޓޯ: ފިނޭންސް މިނިސްޓްރީ

ފިނޭންސް މިނިސްޓަރު ހަސަން ޒަރީރު: މި ސަރުކާރުން ވަނީ ބަޖެޓުގައި ބުނި ވަރަށް ވުރެ އިތުރަށް އެތެރޭގެ ބާޒާރުން ދަރަނި ނަގާފަ --- ފޮޓޯ: ފިނޭންސް މިނިސްޓްރީ

ޕެންޝަން ފަންޑުން ކުރިން ގަނެފައި ހުރި ބޮންޑުތަކަށް މޯލްޑިވްސް މަނިޓަރީ އޮތޯރިޓީ (އެމްއެމްއޭ) އަށް ވިއްކާލުމަށް ފަހު އެ ފައިސާއިން އާ ބޮންޑުތަކަށް އިންވެސްޓުކުރުމާ އެކީ ސަރުކާރުގެ ސެކިއުރިޓީސް ދަރަނި 100 ބިލިއަން ރުފިޔާ ފަހަނައަޅައި ގޮސްފައިވާ ކަމަށް ފިނޭންސް މިނިސްޓްރީގެ ތަފާސްހިސާބުތަކުން ދައްކައިފި އެވެ. 

ފިނޭންސް މިނިސްޓްރީން އާންމުކޮށްފައިވާ ވީކްލީ ފިސްކަލް ޑިވެލޮޕްމަންޓް ރިޕޯޓުތަކުން ދައްކާ ގޮތުގައި، މި މުއާމަލާތާއެކީ ބޮންޑު ދަރަނި ވަނީ 28.6 ބިލިއަން ރުފިޔާއިން 33.6 ބިލިއަން ރުފިޔާއަށް އިތުރުވެފަ އެވެ. މި އިތުރުވުން އައިސްފައި ވަނީ ފަސް އަހަރާއި 10 އަހަރާ ދެމެދުގެ މުއްދަތެއްގެ ތެރޭގައި އަނބުރާ ދައްކާ ގޮތަށް ވިއްކާފައިވާ ބޮންޑުތަކަށެވެ. 

ސެކިއުރިޓީސް ދަރަނި 100 ބިލިއަން ރުފިޔާއަށް އެރި އިރު، މިދިޔަ އޭޕްރިލް މަހުގެ ތެރޭގައި ސުކޫކަށް ފައިސާ ދެއްކުމާ އެކީ ސެކިއުރިޓީސް ދަރަނި 95 ބިލިއަން ރުފިޔާއަށް ތިރިވި އެވެ. އަދި، ޕެންޝަން ފަންޑަށް ބޮންޑު ވިއްކުމުގެ މުއާމަލާތް ހިންގުމުގެ ކުރިން ޖުމްލަ ސެކިއުރިޓީސް ދަރަނި ހުރީ 97.3 ބިލިއަން ރުފިޔާގައި އެވެ. 

Advertisement

ސަރުކާރުން މިހާ ގިނަ އަދަދަކަށް އެތެރޭގެ ބާޒާރުން ފައިސާ ނެގިއިރު، މިއީ މި އަހަރަށް ފާސްކުރި ބަޖެޓުގައި ނަގަން ބުނި ވަރަށް ވުރެ އެތައް ގުނައެއް އިތުރު އަދަދެއް ކަން ފާހަގަކުރެވެ އެވެ.

ބަޖެޓުގައި ފަސް ބިލިއަން ޖެހުމަށް ފަހު، އެތެރޭގެ ބާޒާރުން 8 ބިލިއަން ރުފިޔާ ނަގައިފި!

މި އަހަރުގެ ބަޖެޓުގައި އަންދާޒާކުރި 5.1 ބިލިއަން ރުފިޔާއަށް ވުރެ އިތުރަށް، އަހަރުގެ ފުރަތަމަ ހަތް މަސް ތެރޭގައި ސަރުކާރުން ވަނީ 10 ބިލިއަނާ ގާތްކުރާ އަދަދަކަށް ދަރަނި ނަގަން ބަޖެޓުގައި ރާވާ ގޮތަށް ބޭރުގެ މާލީ ބާޒާރުން ފައިސާ ނުލިބުމުގެ ސަބަބުން، ހަރަދުތައް ފޫބެއްދުމަށް އެތެރޭގެ ބާޒާރަށް ބަރޯސާވާން ޖެހުމުން.

ބަޖެޓުގައި އޮތީ ޑޮމެސްޓިކް ސެކިއުރިޓީޒްތަކާއި ލޯނުތަކުން ފައިނޭންސިންގެ ގޮތުގައި ހޯދާނީ 5.1 ބިލިއަން ރުފިޔާ ކަމަށެވެ. އަހަރުގެ މިހާ ހިސާބަށް އައިއިރު އެތެރޭގެ ބާޒާރުގެ ދަރަނި ވަނީ 8.2 ބިލިއަން ރުފިޔާ އިތުރުވެފަ އެވެ. 

ފިނޭންސުގެ ރަސްމީ ހިސާބުތަކުން ދައްކަނީ 2024 ގައި 8.9 ބިލިއަން ރުފިޔާ އަދި މިދިޔަ އަހަރު 8.6 ބިލިއަން ރުފިޔާ އެތެރޭގެ ބާޒާރުން ނެގި ކަމަށެވެ. އެހެންކަމުން މި އަހަރުގެ މިހާތަނަށް ނެގި އަދަދާއެކީ، މި ސަރުކާރުގެ ދައުރުގެ ތެރޭގައި އެތެރޭގެ ބާޒާރުން ވަނީ  25 ބިލިއަން ރުފިޔާއަށް ވުރެ ބޮޑު ދަރަނި ނަގާފަ އެވެ.

ދިވެހި ސަރުކާރުގެ ސެކިއުރިޓީސް ދަރަނީގެ ތެރެއިން 97 ޕަސެންޓަކީ އެތެރޭގެ ދަރަންޏެވެ. މި ދަރަނިތައް މައިގަނޑު ގޮތެއްގައި ވިއްކާފައި ވަނީ ވިިޔަފާރި ބޭންކުތަކުންނާއި ޕެންޝަން ފަނޑު ފަދަ ތަންތަނަށެވެ. މި ސަރުކާރުގެ ދައުރުގެ ތެރޭގައި ސަރުކާރު ކުންފުނިތައް ލައްވާ ވެސް ވަނީ ކުރީ ސަރުކާރުތަކުގައި ނުކުރާ ވަރަށް ޓީބިލާއި ބޮންޑަށް އިންވެސްޓުކުރުވާފަ އެވެ. 

ސަރުކާރުގެ ހަރަދުތައް ފޫބައްދަން އެތެރޭގެ ބާޒާރަށް ބަރޯސާވާން ޖެހިފައި ވަނީ އެއްވެސް އަަހަރެއްގައި ރޭވި ގޮތަށް މި ބަޖެޓު ފައިނޭންސިން ނުހޯދޭތީ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox