ތެޔޮ އިމްޕޯޓުކުރަން އޭޑީބީން 50 މިލިއަން ޑޮލަރުގެ ލޯނެއް ނަގައިފި

މާލޭގައި ހުންނަ ސްޓެލްކޯގެ އިންޖީނުގޭގެ ދުންހޮޅިތައް: ރާއްޖޭގައި އުފައްދާ ކަރަންޓާއި ފެނުގެ 94 ޕަސެންޓު އުފައްދަނީ ޑީސަލުން ---- ފޮޓޯ: އަދަދު

މާލޭގައި ހުންނަ ސްޓެލްކޯގެ އިންޖީނުގޭގެ ދުންހޮޅިތައް: ރާއްޖޭގައި އުފައްދާ ކަރަންޓާއި ފެނުގެ 94 ޕަސެންޓު އުފައްދަނީ ޑީސަލުން ---- ފޮޓޯ: އަދަދު

އިރާނު ހަނގުރާމައާ ގުޅިގެން ހަކަތައިގެ އަގު އުފުލި، ތެލުގެ އިމްޕޯޓުތަކަށް ހަރަދުކުރަން ޖެހޭ ފައިސާ ވަރަށް ބޮޑަށް އިތުރުވެފައިވާ ދަނޑިވަޅެއްގައި، ތެޔޮ ގަންނަން އެހީތެރިވެދިނުމުގެ ގޮތުން އޭޝިއަން ޑިވެލޮޕްމަންޓް ބޭންކް (އޭޑީބީ) އިން ރާއްޖެއަށް 50 މިލިއަން ޑޮލަރު (772.5 މިލިއަން ރުފިޔާ) ގެ ކުއްލި އެހީގެ ލޯނެއް ހަމަޖައްސައިދީފި އެވެ. 

އޭޑީބީން އިއްޔެ ނެރުނު ނުސް ބަޔާނެއްގައި ބުނީ މި ލޯނަކީ "އެނާޖީ ސެކިއުރިޓީ އެމަޖެންސީ އެސިސްޓެންސް ޕްރޮޖެކްޓު" އަށް އެ ބޭންކުން ފޯރުކޮށްދިން އެހީތެރިކަމެއް ކަމަށެވެ. އަދި، މި ފައިސާ ހަމަޖައްސައިދިނީ ހަނގުރާމައިގެ ސަބަބުން ތެލުގެ އަގު އުފުލި، ޓޫރިސްޓުން މަދުވެ، ތެޔޮ އިމްޕޯޓުކުރަން ބޭނުންވާ ފައިސާ ހޯދުމުގެ ގާބިލުކަން ކުޑަވެފައިވާތީ އެވެ.

މި ލޯނު ފައިސާ ބޭނުންކުރަނީ، އޭޑީބީން ބުނި ގޮތުގައި، ކަރަންޓާއި ފެން އުފެއްދުމަށް ބޭނުންވާ ޑީސަލް އެތެެރެކުރުމަށާއި، ކާބޯތަކެއްޗާއި ސިއްހީ ހިދުމަތްތަކަށް ބޭނުންވާ ތަކެތި އުފުލާށާއި އެތެރޭގެ ދަތުރުފަތުރާއި މުދާ އުފުލުމުގެ އިތުރުން ކުނި މެނޭޖުކުރުމުގެ މަސައްކަތަށެވެ.

Advertisement

އޭޑީބީގެ ރައީސް މަސާޓޯ ކަންޑާ ވިދާޅުވީ މި ލޯނުގެ  ސަބަބުން ރާއްޖޭގައި ދިރިއުޅޭ މީހުންނަށް ކަރަންޓާއި ފެނާއި ލިބޭނެ ކަމުގެ ޔަގީންކަން ލިބިދޭ މަޝްރޫއެއް ކަމަށެވެ. 

އޭޑީބީން 50 މިލިއަން ޑޮލަރު ނެގިއިރު، މީގެ ކުރިން ސަރުކާރުން ވަނީ ހަމަ މި ބޭނުމަށް ވާލްޑް ބޭންކުން 40 މިލިއަން ޑޮލަރު (618 މިލިއަން ރުފިޔާ) ގެ ލޯނެއް ނަގާފަ އެވެ.  މިއާ އެކީ މި އަހަރުގެ ތެރޭގައި ތެޔޮ އިމްޕޯޓުކުރަން ހޯދި ޖުމްލަ އަދަދު ވަނީ 90 މިލިއަން ޑޮލަރު (1.3 ބިލިއަން ރުފިޔާ) އަށް އަރާފަ އެވެ. 

ރާއްޖޭގައި އުފައްދާ ތެލާއި ފެނުގެ 94 ޕަސެންޓު އުފައްދަނީ ޑީސަލް ބޭނުންކޮށްގެންނެވެ. ސަރުކާރުން ބުނަނީ އިރާން ހަނގުރާމަ ފެށުމުގެ ކުރިން، މި ބޭނުންތަކަށް ތެޔޮ އިމްޕޯޓުކުރަން މަހަކު  50 މިލިއަން ޑޮލަރު ހަރަދުވީއިރު، މިހާރު މަހަކު 116 މިލިއަން ޑޮލަރު (1.7 ބިލިއަން ރުފިޔާ) ހަރަދުވެ އެވެ. 

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox