ކަޅު ބާޒާރުގައި އެމެރިކާ ޑޮލަރެއްގެ އަގު ފުރަތަމަ ފަހަރަށް 21.75 ރ. އަށް އަރައިފި އެވެ.
މިދިޔަ ޖުލައި 29، 2026 އިން ފެށިގެން ކަޅު ބާޒާރުގައި ޑޮލަރުގެ އަގު 21.70ރ. ގައި ހުރުމަށްފަހު، މިހާރު ވަނީ އިތުރަށް މައްޗަށް ގޮސްފަ އެވެ. މިއީ ރާއްޖޭގެ ތާރީހުގައި ވެސް ޑޮލަރުގެ އަގު މިހާ މަތީގައި ރެކޯޑު ކުރެވުނު ފުރަތަމަ ފަހަރެވެ. ނަމަވެސް، ޑޮލަރުގެ އަގު މައްޗަށް ނުދާނެ ކަމަށް މި ސަރުކާރުން ކުރިން ބުނެފައިވެ އެވެ.
މަރުކަޒީ ބޭންކު, އެމްއެމްއޭ އިން ޑޮލަރު ވިއްކުމަށް ކަނޑައަޅާފައިވާ ރަސްމީ ރޭޓަކީ 15.42 ރުފިޔާއެވެ. ކަޅު ބާޒާރުގެ މިހާރުގެ އަގަށް ބަލާއިރު މިއީ ރަސްމީ ރޭޓަށްވުރެ 6.33ރ. ބޮޑު އަދަދެކެވެ. މިއީ ޕަސެންޓުން ބަލާނަމަ ރަސްމީ ރޭޓަށްވުރެ 41.05 ޕަސެންޓުގެ އިތުރުވުމެކެވެ.
ރާއްޖެއަށް އެތެރެކުރާ މުދަލަށް ބޭނުންވާ ޑޮލަރު ރަސްމީ ބޭންކިން ނިޒާމުގެ ތެރެއިން ލިބުން ދަތިވުމާއި، ބޭރުގެ ދަރަނިތައް ދެއްކުމަށްޓަކައި ބޮޑެތި އަދަދުތަކުން ޑޮލަރު ބޭނުންވުމުގެ ސަބަބުން ކަޅު ބާޒާރުގައި ޑޮލަރަށް އޮތް ޑިމާންޑު ވަނީ އިންތިހާއަށް ބޮޑުވެގެން ގޮސްފަ އެވެ.
ޑޮލަރުގެ އަގު އުފުލުމުގެ ސަބަބުން ރާއްޖޭގެ ބާޒާރުގައި މުދަލާއި ހިދުމަތުގެ އަގުތައް ވެސް ދަނީ މަތިވަމުންނެވެ.
ޑޮލަރުގެ އަގު އިންތިހާއަށް އުފުލެމުންދާތީ އަދަދު ނޫހުން ޓްރެކާއެއް ތައާރަފުކޮށްފި
ރާއްޖޭގެ ކަޅު ބާޒާރުގައި ޑޮލަރުގެ އަގު ރެކޯޑު މިންވަރަކަށް އުފުލެމުންދާތީ، އެ ބަދަލުތައް ވަގުތުން ބަލާލެވޭނެ "ޑޮލަރު ޓްރެކާ" އެއް "އަދަދު" ނޫހުން ތައާރަފުކޮށްފިއެވެ. މި ޓްރެކާ މެދުވެރިކޮށް ޑޮލަރުގެ ރޭޓަށް އަންނަ ބަދަލުތަކާއި ތާރީހީ މައުލޫމާތު އާންމުންނަށް ފަސޭހައިން ފެންނަން ހުންނާނެއެވެ.
