ޒިވާ، 200 މީޓަރު ދުވުމުގެ ގައުމީ ރެކޯޑް އާ ކޮށްފި

Jul 29, 2026, 3:30 PM
ގައުމީ އެތުލެޓިކްސް މުބާރާތުގެ އިވެންޓެއްގެ ތެރެއިން ޒިވާ.--- ފޮޓޯ: އިމޭޖަސް.އެމްވީ

ގައުމީ އެތުލެޓިކްސް މުބާރާތުގެ އިވެންޓެއްގެ ތެރެއިން ޒިވާ.--- ފޮޓޯ: އިމޭޖަސް.އެމްވީ

ސްކޮޓްލެންޑުގައި މިހާރު ކުރިއަށްދާ ކޮމަންވެލްތު ގޭމްސްގައި މިއަދު ވާދަކޮށް، ގައުމީ އެތުލެޓިކްސް ޓީމުގެ ޒިވާ މޫސާ ޝަފީއު، ރާއްޖޭގެ އަންހެނުންގެ 200 މީޓަރު ދުވުމުގެ ގައުމީ ރެކޯޑް އާ ކޮށްފި އެވެ. 

މީގެ ކުރިން މި ރެކޯޑް އޮތީ 2022 ވަނަ އަހަރުގެ ގައުމި މުބާރާތުގެ 200 މީޓަރުގެ ރޭސް ކާމިޔާބުކުރި އައިޝަތު ހިމްނާ ހަސަން އަތުގަ އެވެ. ހިމްނާ އެ ފަހަރު ރެކޯޑް ހެދީ 24.90 ސިކުންތުން ރޭސް ނިންމައިގެންނެވެ. ހިމްނާ އަތުގައި ފާއިތުވި ހަތަރު ވަރަކަށް އަހަރު އޮތް މި ރެކޯޑް، ޒިވާ، އާ ކުރީ ކޮމަންވެލްތު ގޭމްސްގެ އަންހެނުންގެ 200 މީޓަރު އިވެންޓުގެ ހީޓު އެކެއްގަައި ވާދަކޮށެވެ. 

ޒިވާ، ރެކޯޑް އާ ކުރި ޓައިމިން އަކީ، 24.67 ސިކުންތުންނެވެ. ހީޓުގައި ހަތް އެތުލީޓުން ވާދަކުރަން އޮތްއިރު، ރޭހުގައި ވާދަކުރީ ހަ އެތުލީޓުންނެވެ. ޒިވާ، ފަސް ވަނަ އަށް ދިޔައިރު، އެއް ވަނަ ހޯދި ބްރިޓިޝް ވާޖިން އައިލެންޑުގެ ބިޔޯންސް ޑެފްރައިޓަަސްގެ ޓައިމިން އަކީ، 23.25 ސިކުންތެވެ. 

Advertisement

މިއަދުގެ އަންހެނުންގެ 200 މީޓަރު އިވެންޓުގައި ރާއްޖޭގެ އަހްނާ ނިޒާރު އާއި އައިމިނަތު ލަަޔާނާ ވާދަކުރި އެވެ. އަދި، ފިރިހެނުންގެ 200 މީޓަރު ހީޓުތަކުގައި ހަސަން ސާއިދު، ހުސެއިން ޒީކް ސުއާދު އަދި އާދަމް ރިއްފަތު ވެސް ވާދަކޮށްފައިވެ އެވެ. 

ދުއިސައްތަ މީޓަރު އިވެންޓުގައި އަހްނާ ވާދަކުރީ ހީޓު ހަތަރެއްގަ އެވެ. އަހްނާ ދިޔައީ، އަށް ދުވުންތެރިން ވާދަކުރަން އޮތް ހީޓުގެ ހަ ވަނަ އެވެ. އޭނާގެ ޓައިމިން އަކީ 24.75 ސިކުންތެވެ. މިއީ، އޭނާގެ މި އިވެންޓުގައި ޕާސަނަލް ބެސްޓް ޓައިމިން އެވެ. ހީޓު ފަހެއްގައި ވާދަކުރި ލަޔާނާގެ ޓައިމިން އަކީ 25.85 ސިކުންތެެވެ. އެ ހީޓުގެ ހަ ވަނައިގައި ނިންމި ލަޔާނާ އަށް ވެސް މިއީ، ޕާސަނަލް ބެސްޓް ޓައިމިން އެކެވެ.

ފިރިހެނުންގެ 200 މީޓަރު އިވެންޓަށް ބަލާއިރު، ރާއްޖޭގެ އެންމެ ބާރު ދުވުންތެރިޔާ، ހަސަން ސާއިދު ވަނީ ހީޓު އެކެއްގައި ވާދަކޮށް، 22.10 ސިކުންތުން ނިންމައި، އަށް ދުވުންތެރިން ވާދަކުރަން އޮތް މި ރޭހުގެ ހަތަރު ވަނަ ހޯދައިފަ އެވެ.

މި އިވެންޓުގެ ހީޓު ހަތެއްގައި ވާދަކުރި އާދަމް ރިއްފަތު ވަނީ 22.13 ސިކުންތުން ރޭސް ނިންމައިފަ އެވެ. ރިއްފަތަކީ، އެ ހީޓުގެ ހަތް ވަނަ އެވެ. އަދި، ހީޓު ނުވައެއްގައި، ހަތް ވަނަ ހޯދި ހުސެއިން ޒީކް ސުއާދުގެ ޓައިމިން އަކީ، 22.29 ސިކުންތެވެ.

ކޮމަންވެލްތު ގޭމްސްގައި ރާއްޖޭގެ އެތުލެޓިކްސް ގައުމީ ޓީމުގެ ކުރީގެ އިވެންޓްތަކަށް ބަލާއިރު، 400 މީޓަރު އިވެންްޓްތަކުގައި ރިއްފަތު، ޒީކް އަދި ލަޔާނާ ވާދަކުރިއިރު، 100 މީޓަރު އިވެންޓްތަކުގައި،، އައިޝަތު ޝަބާ ސަލީމް، ޒިވާ، އަހްނާ އަދި ސާއިދު ވަނީ ވާދަކޮށްފަ އެވެ. އަދި، ފަސޫހާ އަހުމަދު ވަނީ 800 މީޓަރު އިވެންޓްގައި ވާދަކޮށްފަ އެވެ. 

ފިރިހެނުންގެ 400 މީޓަރު އިވެންޓުގައި ހީޓު ދޭއްގައި ޒީކް ވާދަކުރިއިރު، ރިއްފަތު ވާދަކުރީ ހީޓު ތިނެއްގަ އެވެ. އެ ގޮތުން، ހީޓު ދޭއްގެ ހަތް ވަނައިގައި ނިންމި ޒީކްގެ ޓައިމިން އަކީ، 49.96 ސިކުންތެވެ. މިއީ،  މި އިވެންޓްގައި ވާދަކުރި ޖުމްލަ 46 އެތުލީޓުންނަށް ބަލާއިރު، 38 ވަނަ އެވެ. ރިއްފަތު ވަނީ ހީޓު ތިނެއްގެ ހަތް ވަނަ ހޯދައިފަ އެވެ. އެއީ، 50.94 ސިކުންތުން ނިންމައިގެންނެވެ. މިއީ، މި އިވެންޓްގެ މުޅި ޖުމްލަ 46އެތުލީޓުންގެ ތެެރެއިން 42 ވަނަ އެވެ. 

އެ ގޮތުން، އަންހެނުންގެ 400 މީޓަރު އިވެންޓުގެ ހީޓު ހަތަރެއްގައި ވާދަކޮށް ހަތް ވަނައިގައި ނިންމި ލަޔާނާގެ ޓައިމިން އަކީ 1 މިނިޓް 0.05 ސިކުންތެވެ. 

 ސާއިދު ވަނީ 100 މީޓަރުގެ އިވެންޓުގައި ހީޓު ނުވައެއްގެ ފަސް ވަނައިގައި 10.77 ސިކުންތުން ދުވެފަ އެވެ. މިއީ، މި އިވެންޓުގެ ހީޓުތަކުގައި ދުވި 77 ދުވުންތެރިންގެ ތެރެއިން 51 ވަނަ އެވެ.

އަންހެނުންގެ 100 މީޓަރު ރޭސްތަކުގެ ހީޓު އެކެއްގައި ރާއްޖޭގެ ޝަބާ ވާދަކުރިއިރު، ޓައިމިން އަކީ 12.59 ސިކުންތެވެ. މި އިވެންޓުގެ ހީޓުތަކުގައި ވާދަކުރި 52 އެތުލީޓުންގެ ތެރެއިން ޝަބާ  44 ވަނަ އަށް ދިޔައިރު، މިއީ، އޭނާގެ ސީޒަން ބެސްޓް ޓައިިމިން އެވެ. މި އިވެންޓުގެ ހީޓު ހަތަރެއްގައި ރާއްޖޭގެ ޒިވާ ވަނީ 12.09 ސިކުންތުން ދުވެ، މި ސީޒަނުގެ އެންމެ އަވަސް ޓައިމިން އެއް ހާސިލްކޮށްފަ އެވެ. ޒިވާގެ ޓައިމިން އަކީ މި އިވެންޓުގެ ޖުމްލަ ރޭންކިން އަށް ބަލާއިރު، 35 ވަނަ އެވެ. 

މި އިވެންޓުގައި އަހްނާ ވާދަކޮށް، 12.19 ސިކުންތުން ހީޓު 7 ގެ ރޭސް ނިންމިއިރު، މިއީ، އޭނާގެ ޕާސަނަލް ބެސްޓް ޓައިމިން އެވެ. އަދި، ޖުމްލަ ރޭންކިންގައި އޭނާ ވަނީ 37 ވަނަ ހާސިލްކޮށްފަ އެވެ.

އަންހެނުންގެ 800 މީޓަރު ދުވުމުގައި ފަސޫހާ ވާދަކޮށް ހީޓު ދޭއްގެ ހަތް ވަނައިގައި 2 މިނިޓް 19.86 ސިކުންތުގެ ޓައިމިން އަކާ އެކު ނިންމިއިރު، މިއީ އޭނާގެ ސީޒަނަލް ބެސްޓް ޓައިމިން އެވެ. އަދި، ޖުމްލަ މި އިވެންޓްގައި ވާދަކުރި 28 ދުވުންތެރިންގެ ތެރެއިން ފަސޫހާގެ ޓައިމިން އަށް ބަލާއިރު، އޭނާ އަކީ، 25 ވަނަ އެވެ.

 

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox