ލޫތު އާއި އާން އަށް ކޮމަންވެލްތު ގޭމްސްގައި ގައުމީ ރެކޯޑެއް

Jul 25, 2026, 5:57 AM
ގައުމީ ފެތުންތެރިން ކަމަށްވާ ލޫތު އާއި އާން

ގައުމީ ފެތުންތެރިން ކަމަށްވާ ލޫތު އާއި އާން

ސްކޮޓްލެންޑްގެ ގްލާސްގޯގައި އިއްޔެ ފެށި 23 ވަނަ ކޮމަންވެލްތު ގޭމްސްގެ އިވެންޓްތައް ފަށައި ފުރަތަމަ ދުވަހު ކުރިއަށްދިޔަ، ފެތުމުގެ އިވެންޓްތަކުގައި، ގައުމީ ސްވިމިން ޓީމުގެ ދެ ފެތުންތެރިން ކަމަށްވާ ލޫތު މުހައްމަދު ހުސެއިން އާއި މުހައްމަދު އާން ހުސެއިން، ވާދަކުރި އިވެންޓްތަކުން ގައުމީ ރެކޯޑަކާ އެކު ނިންމާލައިފި އެވެ

ސީނިއާ ފެތުންތެރިއެއްގެ ގޮތުގައި ގިނަ ކުރިއެރުންތަކެއް ހޯދަމުން އަންނަ، އާން ވާދަކޮށްފައިވަނީ، 50 މީޓަރު ބެކްސްޓްރޯކް އިވެންޓުގަ އެވެ. އެ އިވެންޓްގައި ވާދަކޮށް އާން، އިވެންޓް ނިންމާފައިވަނީ، 29.18 ސިކުންތުންނެވެ. މިއީ، މި އިވެންޓަށް ބަލާއިރު، ރާއްޖޭގެ ގައުމީ ރެކޯޑެކެވެ. އިވެންޓުގެ ހީޓު ދޭއްގައި ވާދަކޮށް އާން ދިޔައީ ފަސް ވަނަ އެވެ.

މި އިވެންޓްގެ ގައުމީ ރެކޯޑް އެންމެ ފަހުން ވެސް އޮތީ އާން އަތުގަ އެވެ. އެެއީ، މީގެ ދެ އަހަރު ކުރިން، 2024 ވަނަ އަހަރު ކުރިއަށްދިޔަ 11 ވަނަ އޭޝިއަން އޭޖް ގްރޫޕް އަކުއަޓިކްސް ޗެމްޕިއަންޝިޕްގައިި، 29.51 ސިކުންތުން ރޭސް ނިންމައިގެންނެވެ.

Advertisement

މި ފަހަރުގެ ކޮމަންވެލްތު ގޭމްސްގައި މިއަދު، ލޫތު ވާދަކޮށްފައިވަނީ، 100 މީޓަރު ބްރެސްޓްރޯކް އިވެންޓުގަ އެވެ. ލޫތު، ހީޓުގެ ހަތް ވަނަ އަށް ދިޔައިރު، އިވެންޓް ނިންމީ، 1 މިނިޓް 10.63 ސިކުންތުންނެވެ. މިއީ، މި އިވެންޓަށް ބަލާއިރު، ރާއްޖޭގެ ގައުމީ ރެކޯޑެކެވެ. މި އިވެންޓްގެ ގައުމީ ރެކޯޑް އެންމެ ފަހުން ވެސް އޮތީ ލޫތު އަތުގަ އެވެ. އެއީ، މިދިޔަ އަހަރު ކުރިއަށްދިޔަ، 10 ވަނަ ވޯލްޑް އެކުއަޓިކްސް ޖޫނިއާ ޗެމްޕިއަންޝިޕްގައި، 1 މިނިޓް 10.95 ސިކުންތުން އިވެންޓް ފުރިހަމަ ކޮށްގެންނެވެ.

މި ފަހަރުގެ ކޮމަންވެލްތު ގޭމްސްގައި ރާއްޖޭން ވާދަކުރަނީ ދެ ކުޅިވަރަކުންނެވެ. އެއީ، ސްވިމިންގެ އިތުރުން އެތުލެޓިކްސްގަ އެވެ. މުބާރާތުގެ ހުޅުވުމުގެ ރަސްމިއްޔާތުގައި ދިދަ އުފުލާފައިވަނީ، އާން އެވެ. ކިންގްސް ބެޓަންއާ ހަވާލުވީ، މެރާލް އައިން ލަތީފް އެވެ.

މިއީ، މެދުކެނޑުމަކަށް ފަހު، ރާއްޖޭން ޖެހިޖެހިގެން ވާދަކުރާ ދެ ވަނަ ކޮމަންވެލްތު ގޭމްސް އެވެ. އޮސްޓްރޭލިއާގެ ގޯލްޑް ކޯސްޓުގައި 2018 ވަނަ އަހަރު ބޭއްވި ކޮމަންވެލްތު ގޭމްސްގައި ރާއްޖޭން ވާދަނުކުރެ އެވެ. އެކަމަކު، އޭގެ ފަހުން، މީގެ ހަތަރު އަހަރު ކުރިން، އިނގިރޭސިވިލާތުގެ ބާމިންހަމްގައި ބޭއްވި ކޮމަންވެލްތު ގޭމްސްގައި ރާއްޖޭން ވާދަކޮށްފައިވެ އެވެ.

ސްކޮޓްލެންޑްގެ ގްލާސްގޯގައި ކޮމަންވެލްތު ގޭމްސް މީގެ ކުރިން ވެސް ބާއްވާފައިވެ އެވެ. އެއީ، 2014 ވަނަ އަހަރު އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox