އެންޒޯ، އިންގްލެންޑްގައި މަޑުކުރަން ބޭނުމެއް ނުވާނެ

Jul 22, 2026, 10:32 PM
އާޖެންޓީނާގެ މިޑްފީލްޑަރު، އެންޒޯ ފެނާންޑޭޒް

އާޖެންޓީނާގެ މިޑްފީލްޑަރު، އެންޒޯ ފެނާންޑޭޒް

ބީނޯޒް އެރީޒް، އާޖެންޓީނާ (ޖުލައި 22) - އާޖެންޓީނާގެ މިޑްފީލްޑަރު، އެންޒޯ ފެނާންޑޭޒް، އިންގްލެންޑްގައި މަޑުކުރަން މިހާރު ބޭނުންނުވާނެ ކަމަށާއި އޭނާ ޗެލްސީ ދޫކޮށްލާނެ ކަމަށް ކުރިން ޗެލްސީ އަށް ކުޅުނު ފްރާންސްގެ މިޑްފީލްޑަރު، އިމެނުއަލް ޕެޓިޓް ބުނެފި އެވެ. 

ގަތަރުގައި 2022 ވަަނަ އަހަރު. ބޭއްވި ވޯލްޑް ކަޕްގެ ޗެމްޕިއަންކަން އާޖެންޓީނާ އިން ހޯދިއިރު، އެ މުބާރާތުގެ އެންމެ މޮޅު ޒުވާން ކުޅުންތެރިޔާ، އެންޒޯ، 25، މި ފަހަރުގެ ވޯލްޑް ކަޕް ފައިނަލުގައި ސްޕެއިނާ ދެކޮޅަށް ކުޅެނިކޮށް ވަނީ ރަތް ކާޑު ދައްކައި ދަނޑުން ފޮނުވާލައިފަ އެވެ. 

މި ފަހަރުގެ ވޯލްޑް ކަޕްގެ ގަދަ 16 ބުރުގައި މިސްރު ކޮޅަށް އަދި ސެމީ ފައިނަލުގައި އިންގްލެންޑް ކޮޅަށް ލަނޑު ޖެހި، އެންޒޯ ވަނީ ފައިނަލް މެޗުގައި ރަތް ކާޑު ދައްކަން ޖެހޭ ފަދަ ކަމެއް ކުރެވުނީތީވެ، އާޖެންޓީނާ ސަޕޯޓަރުންގެ ކިބައިން މާފަށް އެދިފަ އެވެ. 

މީޑިއާގައި ވާހަކަ ދައްކަމުން ކުރިން ޗެލްސީ އާއި އާސެނަލަށް ކުޅުނު ޕެޓިޓް ބުނީ، އޭނާ ދެކޭގޮތުގައި، އެންޒޯ މި ފަހަރުގެ ޓްރާންސްފާގައި ޗެލްސީ ދޫކޮށްލަން ބޭނުންވާނެ ސަބަބަކީ، އިންގްލެންޑްގައި ދިިރިއުޅުމުގެ ވިސްނުމެއް މިހާރު ނޯންނާނެތީ އެވެ. އަދި، އާންމު ގޮތެއްގައި، ބޮޑު މުބާރާތެއްގައި، އިންގްލެންޑާ ދެކޮޅަށް ނޮކައުޓްގައި ކުޅެފައި، ވޯލްޑް ކަޕްގެ ފައިނަލެއްގައި އެހެން ދިމާވާ ކުޅުންތެރިއަކަށް މީޑިއާ ޕްރެޝަރު ޕްރިމިއާ ލީގުގައި އޮންނާނެ މިންވަރަށް ބަލާއިރު، އެންޒޯ، ޗެލްސީ ދޫކޮށްދިއުމުގެ ފުރުސަތު އޮތީ ބޮޑުކޮށް ކަމަށެވެ. 

"އެންޒޯ، ޗެލްސީގައި މަޑުކޮށްފިނަމަ އެއީ ޔަގީނުން ވެސް އަހަންނަށް ވާނީ ޝޮކަކަށް،" ޕެޓިޓް ބުންޏެވެ. 

ރިޕޯޓްތައް ބުނާގޮތުން، އެންޒޯގެ އޭޖެންޓް، ހަވިއޭ ޕަސްޓޯރޭއާ ޗެލްސީން ވަރަށް އަވަހަށް ވާހަކަ ދައްކާެނެ އެވެ. އަދި، ޗެލްސީގެ އާ ކޯޗު ޒަބީ އަލޮންސޯ ވަނީ އެންޒޯއާ ބައްދަލުކުރަން ވެސް ނިންމައިފަ އެވެ. 

އާޖެންޓީނާގެ މީޑިއާ އަަކަށް ދިން އިންޓަވިއުއެއްގައި ވެސް އެންޒޯ ވަނީ މުސްތަގުބަލާ މެދު ވިސްނަމުން އަންނަ ކަމަށް ބުނެފަ އެވެ. އެކަމާ ހިތްހަމަނުޖެހިގެން ޗެލްސީގެ ކޯޗަކަށް އޭރު ހުރި ލިއަމް ރޮސެނިއާ ވަނީ އެންޒޯ އަށް ފިޔަވަޅު އަޅައިފަ އެވެ. 

އަލުން ޗެލްސީ ޓީމުން އެންޒޯ އަށް ފުރުސަތު ދިން ނަމަވެސް، ސީޒަން ނިމުމާ އެކު، އޭނާ ވަނީ ކްލަބް ދޫކޮށްލަން ބޭނުންވާކަން އަންގައިފަ އެވެ. މި ސީޒަނުގައި ޗެލްސީ އަށް 15 ގޯލު ޖަހައިދީ ހަތް ގޯލު ޖަހަން ފުރުސަތު ތަނަވަސްކޮށްދިން އެންޒޯ، ޗެލްސީއާ އެކު ކޮންޓްރެކްޓްގައި ހުރީ 2032 ވަނަ އަހަރުގެ ޖޫން މަަހުގެ ނިޔަލަށެވެ. 

 މީގެ ތިން އަހަރު. ކުރިން، އެންޒޯ، ގަންނަން ޗެލްސީން ކުރި މަސައްކަތް ހުއްޓައިނުލައި، އެކަން ކާމިޔާބުކުރީ، 2023 ވަނަ އަހަރު ޖެނުއަރީ  ޓްރާންސްފާގެ ފަހު ވަގުތުގަ އެވެ.

ގިނަ މަޝްވަރާތަކަކަށް ފަހު، ޗެލްސީން ވަނީ އެންޒޯ ގަންނަން ދައްކަން ޖެހޭ 130 މިލިއަން ޑޮލަރު ބެންފީކާ އަށް ދައްކައިފަ އެވެ. އެއީ، އެ ވަގުތަށް ބަލާއިރު އެއް ކުޅުންތެރިއަކަށް އިނގިރޭސި ކްލަބަކުން ކުރި އެންމެ ބޮޑު ހޭދަ އެވެ. ރިޕޯޓްތައް ބުނާގޮތުން، ޗެލްސީން އެންޒޯ ވިއްކާނީ ވެސް މަދުވެގެން، 130 މިލިއަން ޑޮލަރު ލިބޭ ޑީލެއްގެ ދަށުންނެވެ. 

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox