އާސެނަލް ފަހަތަށް ޖައްސާލައި ޗެލްސީން 150 މިލިއަން ޑޮލަރަށް ރޮޖާސްގެ ސޮއި ހޯދައިފި

Jul 22, 2026, 9:11 AM
އިނގިރޭސި މިޑްފީލްޑަރު މޯގަން ރޮޖާސް: އޭނާ ވަނީ ރެކޯޑް އަގަކަށް ޗެލްސީ އަށް ބަދަލުވެފައި.

އިނގިރޭސި މިޑްފީލްޑަރު މޯގަން ރޮޖާސް: އޭނާ ވަނީ ރެކޯޑް އަގަކަށް ޗެލްސީ އަށް ބަދަލުވެފައި.

ލަންޑަން (ޖުލައި 22) - އެސްޓަން ވިލާ އަށް ކުޅެމުން އައި އިނގިރޭސި މިޑްފީލްޑަރު، މޯގަން ރޮޖާސް އަށް އިނގިރޭސި ޕްރިމިއާ ލީގުގެ ޗެމްޕިއަން، އާސެނަލުން ފާރަލަމުން އަންނަނިކޮށް، ޗެލްސީން 150 މިލިއަން ޑޮލަރު ދައްކާގޮތަށް އެ ޑީލް ނިންމައިފި އެވެ. 

މިއާ އެކު، އުމުރުން 23 އަހަރުގެ ރޮޖާސް ވެފައިވަނީ، އިނގިރޭސި ކުޅުންތެރިއަކަށް ބަލާއިރު، އެންމެ އަގުބޮޑު ޓްރާންސްފާ އަށެވެ. މި ފަހަރުގެ ޓްރާންސްފާ މާކެޓްގައި ނޮޓިންހަމް ފޮރެސްޓްގެ އެލިއަޓް އެންޑަސަން، މެންޗެސްޓާ ސިޓީ އަށް ބަދަލުވި ޑީލުގެ އަގު އަރަނީ، 145 މިލިއަން ޑޮލަރަށެވެ. 

މި ފަހަރުގެ ވޯލްޑް ކަޕްގެ ތެރެއިން، އާސެނަލުން ވަނީ ރޮޖާސްގެ އެޖެންޓާ އެކު މަޝްވަރާތައް ކުރިއަށްގެންގޮސްފަ އެވެ. އެކަމަކު، އެ ވަގުތު ރޮޖާސްގެ ފޯކަސް ހުރީ ވޯލްޑް ކަޕަށެވެ. އެކަމަކު، ފަހުން އާސެނަލުން މި ޑީލްގެ މަޝްވަރާތައް މަޑުޖައްސާލާފައި ވަނިކޮށް، ޗެލްސީން މި ވަނީ ބޮޑު ފީއެއް ހުށަހަޅައި، މި ޓްރާންސްފާ ހައިޖެކްކޮށްފަ އެވެ. 

Advertisement

ރޮޖާސް އަށް ޗެލްސީން ދީފައިވަނީ ހަ އަހަރުގެ ކޮންޓްރެކްޓެކެވެ. ރޮޖާސް ގެންނަން ޗެލްސީގެ ބޯޑަށް އެންމެ ބޮޑަށް ބާރު އެޅީ ޗެލްސީގެ ކޯޗު ޒަބީ އަލޮންސޯ އެވެ. ރޮޖާސް ބުނީ، އަބަދުވެސް ޗެލްސީއާ މެދު ހާއްސަ ޝައުގުވެރިކަމެއް އޮންނަ ކަމަށާއި ކެރިއަރުގެ މުހިންމު އަހަރުތަކެއް އެ ޓީމަށް ކުޅެލަން ލިބުމުން ވަރަށް ބޮޑަށް ހިތްހަމަޖެހޭ ކަމަށެވެ. 

"ވަރަށް އުފަލުން މި ހުރީ ލަންޑަންގެ އެންމެ ބޮޑު ކްލަބަށް ބަދަލުވެވުނީމަ،" ރޮޖާސް ބުންޏެވެ. 

ރޮޖާސް ވަނީ މިދިޔަ ސީޒަނުގައި އެސްޓަން ވިލާއާ އެކު، ޔުއެފާ ޔޫރޮޕާ ލީގުގެ ޗެމްޕިއަންކަން ހޯދައިފަ އެވެ. އެ ޓީމަށް މީގެ ދެ އަހަރު ކުރިން ބަދަލުވި ރޮޖާސް ވަނީ 85 މެޗުން 40 ގޯލު ޖަހައިފަ އެވެ. ރޮޖާސް އަކީ މި ފަހަރުގެ ވޯލްޑް ކަޕްގެ ތިން ވަނަ ހޯދި އިނގިރޭސި ގައުމީ ޓީމުގެ ސްކޮޑުގެ މެމްބަރެކެވެ. އަދި، އޭނާ ވަނީ މިހާތަނަށް އިންގްލެންޑް ގައުމީ ޓީމަށް 22 މެޗު ކުޅެދީފަ އެވެ. 

ވެސްޓް ބްރޮމްގެ ޔޫތު ޓީމުން ކެރިއަރު ފެށި ރޮޖާސް ވަނީ 2019 ވަަނަ އަހަރު މެންޗެސްޓާ ސިޓީ އަށް ބަދަލުވެފަ އެވެ. އެ ޓީމުގައި ހުރިއިރު، ލޯން ޑީލެއްގައި، ލިންކޮން ސިޓީ، ބޯންމައުތު، އަދި ބްލެކްޕޫލަށް ކުޅެފަ އެވެ. އޭގެ ފަހުން، އެއް ސީޒަނުގައި މިޑްލްސްބަރާ އަށް ކުޅުނު ރޮޖާސް، 2024 ވަނަ އަހަރު އެސްޓަން ވިލާ އަށް ބަދަލުވީ 20 މިލިއަން ޑޮލަރުގެ ޑީލެއްގަ އެވެ. 

އިންގްލެންޑަށް ބަަލާއިރު ރޮޖާސް ވަނީ، ސީނިއާ ގައުމީ ޓީމަށް ކުޅުމުގެ ކުރިން ހަ އުމުރުފުރާއެއްގެ ގައުމީ ޓީމުތަކަށް ކުޅެފަ އެވެ. 

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox