ވޯލްޑް ކަޕް ފައިނަލުގައި ދަރިވަރާއި އެދުރުގެ ކުރިމަތިލުމެއް

Jul 19, 2026, 10:24 AM
ސްޕެއިންގެ ކޯޗު ލުއިސް ޑެ ލަ ފުއެންޓޭ އާއި އާޖެންޓީނާގެ ކޯޗު ލިއޮަނަލް ސްކަލޯނީ

ސްޕެއިންގެ ކޯޗު ލުއިސް ޑެ ލަ ފުއެންޓޭ އާއި އާޖެންޓީނާގެ ކޯޗު ލިއޮަނަލް ސްކަލޯނީ

މިދިޔަ ފެބްރުއަރީ މަހު، އިޒްރޭލާއި އެމެރިކާ އިން އިސްވެ، އިރާނާ ދެކޮޅަށް ހަނގުރާމަ ނުފެށިނަމަ، މާޗް މަހު ގަތަރުގެ ދޯހާގައި، ޔޫރަޕްގެ ޗެމްޕިއަން، ސްޕެއިނާއި ދެކުނު އެމެރިކާގެ ޗެމްޕިއަން، އާޖެންޓީނާ ބައްދަލުކުރަން އޮތް ދެ ބައްރުގެ ޗެމްޕިއަނުންގެ ކުރިމަތިލުން، ފައިނަލިސިމާ ކުޅޭނެ އެވެ. އެކަމަކު، މެދުއިރުމަތީގެ މަސްރަހު ގޯސްވުމާ ގުޅިގެން، ފައިނަލިސިމާ މެޗު ޖެހުނީ ކެންސަލްކުރާށެވެ. އެހެން ނަމަވެސް، އޭގެ ހަތަރު މަސް ފަހުން، ދުނިޔޭގެ އެންމެ ބޮޑު ފުޓްބޯޅަ މުބާރާތް، ފީފާ ވޯލްޑް ކަޕްގެ ފައިނަލުގައި މި އޮތީ ސްޕެއިނާއި އާޖެންޓީނާ ބައްދަލުކުރަން ޖެހިފަ އެވެ. 

މިއީ، ސްޕެއިނުގެ އަރަމުން އަންނަ ތަރި، ލަމީން ޔަމާލް އާއި އާޖެންޓީނާގެ ކެޕްޓަން، ލިއޮނަލް މެސީގެ ކުރިމަތިލުމެއްގެ ގޮތުގައި ސިފަކުރަމުން އަންނައިރު، މިއީ ދެ ޓީމުގެ ބެންޗުގައި ތިބި ކޯޗުންނަށް ވެސް ހާއްސަ ކުރިމަތިލުމެކެވެ. މި ފަހަރުގެ ވޯލްޑް ކަޕްގެ ތެރެއިން އާޖެންޓީނާގެ ކޯޗު، ލިއޮނަލް ސްކަލޯނީ ދިން އިންޓަވިއުއެއްގައި، ފައިނަލުގައި ކުޅެން ބޭނުމީ ސްޕެއިނާ ދެކޮޅަށް ކަމަށް ވަނީ ބުނެފަ އެވެ. އެއީ، ސަބަބުތަކެއް ނެތިއެއް ނޫނެވެ. ދެ ބައްރުގެ ޗެމްޕިއަނުން ކުޅޭ މެޗު ކެންސަލްވުމާ އެކީ، އެ މެޗަށް އިިންތިޒާރު ކުރަމުން އައި ފުޓްބޯޅަ ސަޕޯޓަރުންނަށް ދޭ ހަދިޔާއެއް ގޮތުގަ އެވެ. 

އަނެއްކޮޅުން، މިއީ، ސްކަލޯނީ އާއި ސްޕެއިނުގެ ކޯޗު ލުއިސް ޑެ ލަ ފުއެންޓޭ އަށް ވެސް ތާރީހީ މެޗެކެވެ. އެއީ، މީގެ ނުވަ ވަރަަކަށް އަހަރު ކުރިން، 2017 ވަނަ އަހަރު ހިނގައިދިޔަ ކަންތައްތަކެއްގެ ސަބަބުންނެވެ. ސްޕެއިންގެ ފުޓްބޯޅަ ފެޑެރޭޝަން، އާރްއެފްއީއެފް އިން 2017 ވަނަ އަހަރު ބޭއްވި ކޯޗިން ކޯހެއްގައި، ލުއިސް ޑެ ލަ ފުއެންޓޭ ކިޔަވައިދިންއިރު، އެ ކޯހުގައި ބައިވެރިވި އެއް ފަރާތަކީ ސްކަލޯނީ އެވެ. 

ސްޕެއިންގެ ކޯޗު ލުއިސް ޑެ ލަ ފުއެންޓޭ އާއި އާޖެންޓީނާގެ ކޯޗު ލިއޮަނަލް ސްކަލޯނީ
ސްޕެއިންގެ ކޯޗު ލުއިސް ޑެ ލަ ފުއެންޓޭ އާއި އާޖެންޓީނާގެ ކޯޗު ލިއޮަނަލް ސްކަލޯނީ

"އެއީ ހަމަ ސްކޫލެއްގައި ހިނގައިދިޔަ ފަދަ ކަމެއް. ފުރަތަމަ ބަރީގައި ތިބި ކުދިންނާއި ފަހަތު ބަރީގައި ތިބި ކުދިން. ލިއޯ (ސްކަލޯނީ) އިނީ ފުރަތަމަ ބަރީގައި. މިހާރު ވަރަށް ފަސޭހަ ބުނެލަން. އެ ކޯހުގައި އޭނަ ވަރަށް ރަނގަޅަށް ކަންކަން ދަސްކުރިއޭ. އެކަމަކު، އެންމެ ބޮޑު ހަގީގަތަކީ އޭރު ވެސް އޭނަ ކިބައިގައި އެހެން މީހުންނާ ތަފާތު ކަންތައްތަކެއް ހުރި. އޭނަ ކިބައިގައި ރަނގަޅު ގޮތުގައި ކަންކަމުގެ ޗެލެންޖު ނެގުމުގެ ގާބިލުކަން ހުރި. އަހަރެން ގޯސްކޮށެއް ނުނަގަން އެ ކަމެއް، އޭނަ އަބަދުވެސް  ބަހުސްކޮށްގެން ވިޔަސް ކަމުގެ ދެކޮޅު ހޯދާނެ،" އެ ކޯހުގައި ޓެކްޓިކްސްގެ ކަންކަން ކިޔަވައިދިނުމުގައި އެންމެ އިސްކޮށް އުޅުނު ލެކްޗަރަރެއްގެ ޒިންމާ ނެގި ޑެ ލަ ފުއެންޓޭ ބުންޏެވެ. 

ދެ ދުވަސްވަރު ޑެ ލަ ފުއެންޓޭ ކޯޗުކޮށްދެމުން އައި ސްޕެއިނުގެ 17 އަހަރުން ދަށުގެ ޓީމަށެވެ. އަދި، އޭނާ ވަނީ އޭގެ ދެ އަހަރު ކުރިން، ސްޕެއިނުގެ 17 އަހަރުން ދަށުގެ ޓީމާ އެކު، ޔޫރޯ 17 އަހަރުން ދަށުގެ މުބާރާތް ކާމިޔާބުކޮށްފަ އެވެ. އެ ޓީމުގައި، މިހާރު ސްޕެއިން ސީނިއާ ޓީމުގައި ވެސް ހިމެނޭ އުނާއި ސިމޯން، ރޮޑްރީ އަދި މިކޭލް މެރީނޯ ފަދަ ކުޅުންތެރިން ހިމެނެ އެވެ. 

އެ ދުވަސް ކޮޅުގައި، ސްކަލޯނީ މަސައްކަތްކުރަމުން އައީ އާޖެންޓީނާގެ ކޯޗު، ޖޯޖް ސަމްޕައޮލީގެ އެސިސްޓަންޓް ކޯޗެއްގެ ގޮތުގަ އެވެ. އެ އަށް ފަހު، ސްކަލޯނީ، 2019 ވަނަ އަހަރު އާޖެންޓީނާއާ ހަވާލުވުމުގެ ކުރިން، ސެވިއްޔާގެ އެސިސްޓަންޓް ކޯޗަކަށް ސަމްޕައޮލީއާ އެކު މަސައްކަތްކުރި އެވެ. 

ސްކަލޯނީ ބުނީ އޭނާއާ ސްޕެއިނާ ދެމެދު އަބަދުވެސް ހާއްސަ ގުޅުމެއް އޮންނާނެ ކަމަށެވެ. އަދި، ޑެ ލަ ފުއެންޓޭ އަކީ އަބަދުވެސް ގާތް މީހެއްގެ ގޮތުގައި ދެކޭނެ ކަމަށާއި މީގެ ނުވަ އަހަރު ކުރިން، ޑެ ލަ ފުއެންޓޭ އުނގަނައިދިން އެއްޗެހި މިހާރު ވެސް ބޭނުންކުރަމުން އަންނަ ކަމަށް ސްކަލޯނީ ވަނީ ބުނެފަ އެވެ. 

ސްޕެއިނާއި އާޖެންޓީނާ އިން މި ފަހަރުގެ ވޯލްޑް ކަޕްގެ ފައިނަލުގައި ކުޅޭ މެޗު ފަށާނީ މިރޭ 00:00 ގަ އެވެ. 

ކޮމެންޓް

ފަހުގެ ޚަބަރު

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

އެފްއޭއެމްގެ އޮފިޝަލެއް ނެތް، ޓްރޮފީއާ ހަވާލުވީ ނޫސްވެރިއެއް!

ބަންގްލަދޭޝްގައި ބޭއްވި ސާފް ޗެމްޕިއަންޝިޕްގެ ފެއާ ޕްލޭ ޓްރޮފީ ރާއްޖެއަށް ލިބުނުއިރު، އެފްއޭއެމްގެ އޮފިޝަލަކު ނެތުމުން އެއާ ހަވާލުވީ ދިވެހި ނޫސްވެރިއެއް. އެފްއޭއެމް އިން ބުނި ގޮތުގައި ޓްރޮފީ ލިބޭކަން ސާފް އިން އެންގީ ވަރަށް ކުޑަ ވަގުތުކޮޅެއް އޮއްވާ ކަމަށާއި، ނޫސްވެރިއަކު ސްޓޭޖަށް އެރީ ސާފްގެ އޮފިޝަލުން އެދިގެން

އިންފަންޓީނޯގެ ޝަރުތު ހަމަވޭތޯ ގާނޫނީ ގޮތުން ބެލި

ފީފާގެ ރައީސްކަމަށް ހަތަރުވަނަ ދައުރަކަށް ކުރިމަތިލައްވާފައިވާ ޖިއާނީ އިންފަންޓީނޯގެ ޝަރުތު ހަމަވޭތޯ އިނގިރޭސި އެފްއޭއިން ގާނޫނީ ގޮތުން ބަލައިފި. ފީފާ ކައުންސިލުން ނިންމާފައިވަނީ އިންފަންޓީނޯގެ ފުރަތަމަ ދައުރަކީ ބާކީ އޮތް މުއްދަތެއް ފުރިހަމަކުރުން ކަމަށްވާތީ، އޭނާއަށް އިތުރު ދައުރަކަށް ކުރިމަތިލެވޭނެ ކަމަށް

އުމުރުން 38 އަހަރުގައި މަޓާ ފުޓްބޯޅަ ކުޅުން ހުއްޓާލައިފި

ސްޕެއިނާއެކު ވޯލްޑް ކަޕާއި ޔޫރޯ ކާމިޔާބުކޮށް، ޗެލްސީ އާއި މެންޗެސްޓާ ޔުނައިޓެޑް ފަދަ ބޮޑެތި ކްލަބްތަކަށް ކުޅުނު ހުއާން މަޓާ އުމުރުން 38 އަހަރުގައި ފުޓްބޯޅަ ކުޅުން ހުއްޓާލައިފިއެވެ. ކުޅުމުން ރިޓަޔާކުރި ނަމަވެސް، ކުރިއަށް އޮތް ތަނުގައިވެސް ފުޓްބޯޅައިގެ ދާއިރާއިން ފެންނާނެ ކަމަށް އޭނާ ވަނީ ބުނެފައެވެ.

ޕާކިސްތާން ފުޓްބޯޅަ ކުރިއަރާނީ ޕްރޮފެޝަނަލް ލީގެއް އޮވެގެން

ޕާކިސްތާން ފުޓްބޯޅަ ކުރިއެރުވުމަށްޓަކައި އެ ގައުމުގައި ވަރުގަދަ ޕްރޮފެޝަނަލް ލީގެއް އޮތުން މުހިންމު ކަމަށް ގައުމީ ކޯޗު ނޮލްބާޓޯ ސޮލާނޯ ބުނެފި. އޭނާ ފާހަގަކުރި ގޮތުގައި ހަމައެކަނި ބޭރުގައި ކުޅޭ ކުޅުންތެރިންނަށް ބަރޯސާވުމުގެ ބަދަލުގައި، ލޯކަލް ކުޅުންތެރިން ކުރިއެރުވޭނީ ގަވާއިދުން ކުޅޭނެ ލީގެއް އޮވެގެން

Newsletter

Get the latest news delivered straight to your inbox