ޔަމާލަށް ކާމިޔާބަށް އެދެން، އެކަމަކު މި ވޯލްޑް ކަޕްގައެއް ނޫން: މެސީ

Jul 19, 2026, 10:41 AM
ނޫސްވެރިންގެ ބައްދަލުވުމެއްގެ ތެރެއިން މެސީ.

ނޫސްވެރިންގެ ބައްދަލުވުމެއްގެ ތެރެއިން މެސީ.

ނިއު ޔޯކް، ޔުނައިޓެޑް ސްޓޭޓްސް (ޖުލައި 19) - ސްޕެއިންގެ ޒުވާން ތަރި ލަމީން ޔަމާލަށް އަބަދުވެސް ކާމިޔާބަށް އެދޭ ކަމަށާއި އެއީ މި ފަހަރުގެ ފީފާ ވޯލްޑް ކަޕް ނުހިމަނައި ކަމަށް އާޖެންޓީނާގެ ކެޕްޓަން، ލިއޮނަލް މެސީ ބުނެފި އެވެ. 

ފީފާ ވޯލްޑް ކަޕްގެ ފައިނަލުގައި، މިރޭ އާޖެންޓީނާ އާއި ސްޕެއިން ކުޅޭ މެޗުގެ ކުރިން، ސޯޝަލް މީޑިއާގައި އެންމެ ބޮޑަށް ވައިރަލްވެފައިވަނީ، މީގެ 20 ވަރަަކަށް އަހަރު ކުރިން، ނަގާފައިވާ މެސީ އާއި ތުއްތު، ޔަމާލްގެ ފޮޓޯތަކެވެ.

އޭރު، މެސީ އަކީ ބާސެލޯނާގެ ފުރަތަމަ އެގާރައިން ޖާގަ ހޯދަމުން އައި، އުމުރުން  20 އަހަރުގެ ޒުވާނެކެވެ. ޔަމާލްގެ އުމުރުން އޭރު އެންމެ ފަސް މަހެވެ. މިހާރު މެސީގެ އުމުރަކީ 39 އަހަރެވެ. ލަމީން ޔަމާލަށް މިހާރު 19 އަހަރެވެ. މީގެ ގާތްގަނޑަކަށް 20 އަހަރު ކުރިން ތަގުދީރު ކަނޑައަޅައިދިން މި އާދަޔާ ހިލާފު ބައްދަލުވުމުގެ ފޮޓޯތައް ޔަމާލްގެ ބައްޕަ ފުރަތަމަ އާންމުކުރީ، ސްޕެއިނުން ޔޫރޯ 2024 ކާމިޔާބު ކުރުމާ އެކު "ދެ ލެޖެންޑުންގެ ފެށުން" މިހެން ލިޔުމަށްފަހު އެވެ.އެއަށް ފަހު، ފޮޓޯތައް މުޅި ދުނިޔެއަށް ވައިރަލްވެގެން މިދިޔައީ، މެސީ އާއި ޔަމާލް ފުރަތަމަ ފަހަރަށް ދަނޑުމަތިން ބައްދަލުކުރަން ތައްޔާރުވުމާ ގުޅިގެންނެވެ. އެއީ ވޯލްޑް ކަޕް ފައިނަލްގައި އާޖެންޓީނާ އާއި ސްޕެއިން ބައްދަލުކުރާ މެޗެވެ.

Advertisement

މެސީ އާއި ޔަމާލުގެ މި ފޮޓޯތަކުގެ ވާހަކަ

މިއީ މީގެ ގާތްގަނޑަކަށް 20 އަހަރު ކުރިން ޗެރިޓީ ގުރުއަތަކުން ދިމާވި އިއްތިފާގަކުން، އޭރުގެ ޒުވާން ކުޅުންތެރިޔާ ލިއޮނަލް މެސީ އާއި ތުއްތު ލަމީން ޔަމާލް އެކުގައި ނަގާފައިވާ ހަގީގީ ފޮޓޯތަކެއްގެ ވާހަކަ. މި ތާރީހީ ފޮޓޯތައް ސޯޝަލް މީޑިއާގައި ވައިރަލްވެފައިވަނީ، ޒުވާން ތަރި ޔަމާލް އާއި މެސީ ދަނޑުމަތިން ބައްދަލުކުރަން ތައްޔާރުވަމުންދާ ދަނޑިވަޅެއްގައި

ފައިނަލް މެޗުގެ ކުރިން އޮތް ނޫސްވެރިންގެ ބައްދަލުވުމެއްގައި މެސީ ބުނެފައިވަނީ، ޔަމާލް އެހާާ ތުއްތުއިރު އޭނާއާ އެކު ފޮޓޯއެއް ނަގާފައި، އެތަކެއް އަހަރު ފަހުން، އޭނާއާ އެކުގައި ފީފާ ވޯލްޑް ކަޕެއް ކުޅެން ޖެހުމަކީ، އިއްތިފާގުން ދިމާވި ނަމަވެސް ވަރަށް އާދަޔާހިލާފު ކަމެއް ކަމަށެވެ. 

މެސީ ބުނީ، މި ވަގުތު ވެސް ޔަމާލަކީ މި ވަގުތު ވެސް ދުނިޔޭގެ އެންމެ މޮޅު އެއް ކުޅުންތެރިޔާ ކަމަށެވެ. އަދި، ޔަމާލަށް އަބަދުވެސް ބާސެލޯނާގައި ކާމިޔާބަށް އެދޭ ކަަމަށް މެސީ ވަނީ ބުނެފަ އެވެ. 

"ޔަމާލަކީ މި ވަގުތަށް ބެލިޔަސް ދުނިޔޭގެ ފެންވަރުގެ ސްޓާރެއް. އުމުރުން 19 އަހަރުގައި ވެސް އެ ދަނީ މޮޅަށް ކުޅެމުން. ބޮޑު ކެރިއަރެއް ބިނާކުރުމުގެ ފުރުސަތު އޭނަ އަށް އެބައޮތް. އަބަދުވެސް އޭނަ އަށް ކާމިޔާބަށް އެދެން، އެކަމަކު، މި ފަހަރު އަހަރެމެން ކަށަވަރުކުރަން ބޭނުން މި ވޯލްޑް ކަޕްގައި އޭނާ ޗެމްޕިއަންކަން ނުހޯދާނެ ގޮތެއް ވޭތޯ،" މެސީ ބުންޏެވެ. 

މެސީ ބުނީ މި ފަހަރުގެ ވޯލްޑް ކަޕްގައި އާޖެންޓީނާ އަށް ކުރިމަތިވާނެ އެންމެ ތަފާތު ޗެލެންޖަކީ ސްޕެއިން ކަމަށެވެ. އަދި، ސްޕެއިނަކީ ހަމައެކަނި ޔަމާލް ކަމަށް ދެކިގެން، އޭނާ ހުއްޓުވަން ވިސްނަން ޖެހޭ ސަބަބެއް ނެތް ކަމަށާއި ވިސްނުން ބައްޓަންކުރަންވީ، ސްޕެއިނުން އެ ކުޅެން ބޭނުންވާ ޑޮމިނަންޓް ފުޓްބޯޅަ ގޭމު ކުޅުނަނުދީ އާޖެންޓީނާ އަށް ކާމިޔާބު ހޯދޭނެ ގޮތަކަށް މެދު ގެންދިއުން ކަމަށް މެސީ ފާހަގަކުރި އެވެ. 

ފީފާ ވޯލްޑް ކަޕްގެ ތަށި ދިފާއުކުރާ ތިން ވަނަ ގައުމަށް ވުމުގެ އުންމީދުގައި ހުރި އާޖެންޓީނާ އިން ސްޕެއިނާ ދެކޮޅަށް ކުޅޭ މި ފަހަރުގެ ވޯލްޑް ކަޕްގެ ފައިނަލް އޮންނާނީ މިރޭ 12 ޖަހާއިރު އެވެ. 

ކޮމެންޓް

ފަހުގެ ޚަބަރު

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

އެފްއޭއެމްގެ އޮފިޝަލެއް ނެތް، ޓްރޮފީއާ ހަވާލުވީ ނޫސްވެރިއެއް!

ބަންގްލަދޭޝްގައި ބޭއްވި ސާފް ޗެމްޕިއަންޝިޕްގެ ފެއާ ޕްލޭ ޓްރޮފީ ރާއްޖެއަށް ލިބުނުއިރު، އެފްއޭއެމްގެ އޮފިޝަލަކު ނެތުމުން އެއާ ހަވާލުވީ ދިވެހި ނޫސްވެރިއެއް. އެފްއޭއެމް އިން ބުނި ގޮތުގައި ޓްރޮފީ ލިބޭކަން ސާފް އިން އެންގީ ވަރަށް ކުޑަ ވަގުތުކޮޅެއް އޮއްވާ ކަމަށާއި، ނޫސްވެރިއަކު ސްޓޭޖަށް އެރީ ސާފްގެ އޮފިޝަލުން އެދިގެން

އިންފަންޓީނޯގެ ޝަރުތު ހަމަވޭތޯ ގާނޫނީ ގޮތުން ބެލި

ފީފާގެ ރައީސްކަމަށް ހަތަރުވަނަ ދައުރަކަށް ކުރިމަތިލައްވާފައިވާ ޖިއާނީ އިންފަންޓީނޯގެ ޝަރުތު ހަމަވޭތޯ އިނގިރޭސި އެފްއޭއިން ގާނޫނީ ގޮތުން ބަލައިފި. ފީފާ ކައުންސިލުން ނިންމާފައިވަނީ އިންފަންޓީނޯގެ ފުރަތަމަ ދައުރަކީ ބާކީ އޮތް މުއްދަތެއް ފުރިހަމަކުރުން ކަމަށްވާތީ، އޭނާއަށް އިތުރު ދައުރަކަށް ކުރިމަތިލެވޭނެ ކަމަށް

އުމުރުން 38 އަހަރުގައި މަޓާ ފުޓްބޯޅަ ކުޅުން ހުއްޓާލައިފި

ސްޕެއިނާއެކު ވޯލްޑް ކަޕާއި ޔޫރޯ ކާމިޔާބުކޮށް، ޗެލްސީ އާއި މެންޗެސްޓާ ޔުނައިޓެޑް ފަދަ ބޮޑެތި ކްލަބްތަކަށް ކުޅުނު ހުއާން މަޓާ އުމުރުން 38 އަހަރުގައި ފުޓްބޯޅަ ކުޅުން ހުއްޓާލައިފިއެވެ. ކުޅުމުން ރިޓަޔާކުރި ނަމަވެސް، ކުރިއަށް އޮތް ތަނުގައިވެސް ފުޓްބޯޅައިގެ ދާއިރާއިން ފެންނާނެ ކަމަށް އޭނާ ވަނީ ބުނެފައެވެ.

ޕާކިސްތާން ފުޓްބޯޅަ ކުރިއަރާނީ ޕްރޮފެޝަނަލް ލީގެއް އޮވެގެން

ޕާކިސްތާން ފުޓްބޯޅަ ކުރިއެރުވުމަށްޓަކައި އެ ގައުމުގައި ވަރުގަދަ ޕްރޮފެޝަނަލް ލީގެއް އޮތުން މުހިންމު ކަމަށް ގައުމީ ކޯޗު ނޮލްބާޓޯ ސޮލާނޯ ބުނެފި. އޭނާ ފާހަގަކުރި ގޮތުގައި ހަމައެކަނި ބޭރުގައި ކުޅޭ ކުޅުންތެރިންނަށް ބަރޯސާވުމުގެ ބަދަލުގައި، ލޯކަލް ކުޅުންތެރިން ކުރިއެރުވޭނީ ގަވާއިދުން ކުޅޭނެ ލީގެއް އޮވެގެން

Newsletter

Get the latest news delivered straight to your inbox