އަޅުގަނޑު މި ހުރީ ވަރަށް ގަދަކޮށް ރައީސް މުއިއްޒާއެކު: ޒަމީރު

Jun 9, 2026, 9:57 PM
ރައީސް މުއިއްޒާއި ޒަމީރު: ވިދާޅުވީ މުއިއްޒު ހަވާލު ކުރައްވާ މަސައްކަތެއް ކުރައްވަން ހުންނަވާނެ ކަމަށް -- ފޮޓޯ: ރައީސް އޮފީސް

ރައީސް މުއިއްޒާއި ޒަމީރު: ވިދާޅުވީ މުއިއްޒު ހަވާލު ކުރައްވާ މަސައްކަތެއް ކުރައްވަން ހުންނަވާނެ ކަމަށް -- ފޮޓޯ: ރައީސް އޮފީސް

ފިނޭންސް މިނިސްޓަރުގެ މަގާމުން އިސްތިއުފާ ދެއްވި ނަމަވެސް އޭނާ ހުންނެވީ ރައީސް މުހައްމަދު މުއިއްޒާއި ވެރިކަން ހިންގާ ޕީޕަލްސް ނެޝަނަލް ޕާޓީގެ ފިކުރާއެކީގައި ކަމަށް މޫސާ ޒަމީރު މިރޭ ވިދާޅުވެއްޖެ އެވެ. 

ޕީއެންސީ އިން ބާއްވާ ހަރުގެ ޖަލްސާއެއްގައި ވާހަކަ ދައްކަވަމުން އިއްޔެ ފިނޭންސް މިނިސްޓަރުގެ މަގާމުން އިސްތިއުފާ ދެއްވި ޒަމީރު ވިދާޅުވީ، ކުރިއަށް އޮތް ތަނުގައި ވެސް އޭނާ ހުންނަވާނީ މުއިއްޒު ހަވާލު ކުރައްވާ މަސައްކަތެއް ކުރަން ތައްޔާރަށް ކަމަށެވެ. 

"އަޅުގަނޑު މި ހުރީ ހަމަ ވަރަށް ގަދަކޮށް ރައީސް މުއިއްޒާއެކުގައި. އެމަނިކުފާނު އަޅުގަނޑާ ހަވާލު ކުރައްވާ މަސައްކަތް ކުރަން މި ޕާޓީ އާއި މި ފިކުރު ކުރިއެރުވުމަށްޓަކައި،" ޒަމީރު ވިދާޅުވި އެވެ. 

Advertisement

"އަޅުގަނޑު ސީނަކުން ނުގެއްލޭނެ، މި ޕާޓީ އާއި ރައީސް މުއިއްޒުގެ އުފެއްދުންތެރި ފިކުރާއެކު އަބަދުވެސް އަޅުގަނޑު ހުންނާނަން."

މިރޭގެ ޖަލްސާގައި ވާހަކަ ދައްކަވަމުން ޒަމީރު ވިދާޅުވީ އޭނާ ފިނޭންސް މިނިސްޓަރުގެ މަގާމުން އިސްތިއުފާ ދެއްވީ ބަލި ހާލަތު ހުރި ގޮތުން ކަމަށެވެ. 

ޒަމީރު ވިދާޅުވީ ދުނިޔޭގެ އިގްތިސާދު ވެސް މިހާ ނާޒުކުކޮށް އޮއްވައި، ބަލި ހާލަތުގެ ސަބަބުން ގިނަ ދުވަހު ވަޒީފާގައި ނުހުންނެވޭނެކަން އެނގިހުރެ މަގާމުގައި ދެމިހުރުމަކީ ރަނގަޅު ގޮތެއް ކަމަށް އޭނާއަށް ފެނިވަޑައިނުގަތީ ކަމަށެވެ.  

"އެހެންވީމާ މިކަހަލަ ހާލަތެއްގައި އަޅުގަނޑު އެތަން ހިސޯރުކޮށްގެން، އަޅުގަނޑަށް އަދި މިވަގުތު އެތަނުގައި ގިނަ ދުވަހު ނުހުރެވޭ ކަހަލަ ދިމާލަކަށް އަޅުގަނޑުގެ ސިއްހީ ހާލަތު ހުރި ގޮތުން ދާންޖެހޭއިރު ވެސް އަޅުގަނޑު ހަމަ އޭގައި ބައްދައިގެން ހުންނާކަށް ނުވާނެ ދެއްތޯ،" ޒަމީރު ވިދާޅުވި އެވެ. "އެއީ ޕާޓީއަށް އަޅުގަނޑުމެންނަށް ކޮށްދެވޭ ރަނގަޅު ކަމެއް ނޫން." 

ރައީސް މުއިއްޒު އެކުލަވާލެއްވި ފުރަތަމަ ކެބިނެޓުގައި ޒަމީރަށް ދެއްވީ ފޮރިން މިނިސްޓަރުގެ މަގާމެވެ. އިންޑިއާ އާއި ރާއްޖޭގެ ގުޅުން ގޯސްވި ދަނޑިވަޅު، އެ ގުޅުން އަލުން ބަދަހި ކުރަން ޒަމީރު ވަނީ މުހިންމު މަސައްކަތްތަކެއް ކުރައްވައިފަ އެވެ. 

ފިނޭންސް މިނިސްޓަރުގެ މަގާމަށް ޒަމީރު ހަމަޖެއްސީ ސެޕްޓެމްބަރު 30، 2024، ގަ އެވެ. އެ މަގާމުގައި ހުންނަވައި ވެސް އޭނާ ވަނީ އަގުހުރި މަސައްކަތްތަކެއް ކުރައްވައިފަ އެވެ. އޭގެ ތެރޭގައި 500 މިލިއަން ޑޮލަރުގެ ސުކޫކު ދެއްކުން ހިމެނެ އެވެ. 

ލޯކަލް ކައުންސިލްތަކުގެ އިންތިހާބުން ސަރުކާރަށް ލިބުނު ނާކާމިޔާބީއަށްފަހު އޭޕްރީލް 13، 2026، ގައި ވެސް މަގާމުން އިސްތިއުފާ ދެއްވަން ޒަމީރު މަސައްކަތް ކުރެއްވި އެވެ. ނަމަވެސް އެ ނިންމުން ފަހުން ބަދަލު ކުރެއްވީ އެވެ. 

އެއިރު ޒަމީރު އިސްތިއުފާ ދެއްވަން މަސައްކަތް ކުރެއްވީ ރައީސް މުއިއްޒުއާ މައްސަލައެއް ޖެހުމުންނެވެ. ޒަމީރު އާއި މުއިއްޒުއާ މައްސަލަ ޖެހުނީ އިންތިހާބުގެ ބަލިން އިބުރަތެއް ލިބިގަތުން މުހިންމު ކަމަށް އޭނާ ރައީސްއަށް ދެންނެވުމުން ކަމަށް ކަމުގެ މައުލޫމާތު އެނގޭ މަސްދަރުތަކުން ބުނެ އެވެ. 

އިންތިހާބުގެ ނާކާމިޔާބީއިން ފިލާވަޅެއް ލިބިގަތުމަށް ޒަމީރު ދެންނެވުމުން، އެ ވާހަކަ ގަބޫލު ނުކުރައްވައި، އެއީ ސަރުކާރަށް ލިބުނު ބޮޑު ބައްޔެއް ކަމަށް ވިދާޅުވެ ރައީސް މުއިއްޒު، ޒަމީރަށް ހަރުކަށި ރައްދެއް ދެއްވި ކަމަށް ވެސް މަސްދަރުތަކުން ބުނެ އެވެ. 

ޒަމީރު އިސްތިއުފާ ނުދެއްވަން ނިންމީ ރައީސް މުއިއްޒު މައާފަށް އެދިވަޑައިގަތުމުން ކަމަށް ވެސް މަސްދަރުތަކުން ޔަގީންކޮށްދެ އެވެ. 


ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox