ރެއާލްގައި 23 އަހަރު ހޭދަކުރި ކާވަހާލް އެ ޓީމު ދޫކޮށްލަން ނިންމައިފި

May 19, 2026, 5:59 AM
ރެއާލްގެ ކެޕްޓަން ޑެނީ ކާވަހާލް: މި ސީޒަނަށް ފަހު ކޮންޓްރެކްޓް ހަމަވުމުން ކްލަބް ދޫކޮށްލާނެ.

ރެއާލްގެ ކެޕްޓަން ޑެނީ ކާވަހާލް: މި ސީޒަނަށް ފަހު ކޮންޓްރެކްޓް ހަމަވުމުން ކްލަބް ދޫކޮށްލާނެ.

މެޑްރިޑް (މެއި 19) - ރެއާލް މެޑްރިޑްގައި 23 އަހަރު ހޭދަކުރި އެ ކްލަބްގެ މިހާރުގެ ކެޕްޓަން، ސްޕެއިނުގެ ޑެނީ ކާވަހާލް، މި ސީޒަނަށް ފަހު އެ ޓީމު ދޫކޮށްލަން ނިންމާފައިވާކަން އިއުލާނުކޮށްފި އެވެ. 

ދެ ފަަހަރެއްގެ މަތިން ރެއާލަށް ކުޅުނު މިހާރު އުމުރުން 34 އަަހަރުގެ ކާވަހާލް ވަނީ އެ ޓީމަށް 450 މެޗު ކުޅެދީ އެ ޓީމާ އެކު، 27 ޓްރޮފީ ހޯދައިފަ އެވެ. ރެއާލްގެ ތާރީހުގައި ވެސް އެ ކްލަބާ އެކު އެންމެ ގިނަ ތަށި ހޯދި ކުޅުންތެރިންގެ ތެރޭގައި ކާވަހާލް ހިމެނެ އެވެ. ރެއާލަށް މިހާތަނަށް ކާވަހާލް ވަނީ 14 ގޯލު ޖަހައިދީފަ އެވެ. 

މި ސީޒަނަށް ފަހު، ކާވަހާލް، އެ ޓީމު ދޫކޮށްލަން ނިންމީ އެ ކްލަބާ އެކު ހަދާފައިވާ އެއްބަސްވުމުގެ މުއްދަތު ހަމަަވުމުންނެވެ. 

Advertisement

ކާވަހާލް، ރެއާލްގެ އެކަޑަމީއާ ގުޅުނީ 2002 ވަނަ އަހަރު އެވެ. އެކަޑަމީން ޕްރޮމޯޓްވެގެން އައިސް ގަވާއިދުން ރެއާލްގެ ޓީމުގައި ހިމެނުމަށް ކުރި މަސައްކަތް ކާވަހާލް އަށް ކާމިޔާބެއްނުވި އެވެ. އޭގެ ބަދަލުގައި، ކުޅުމުގެ ފުރުސަތު ހޯދަން، ބަޔާ ލެވަކޫސަނަށް ބަދަލުވި ކާވަހާލް އެ ޓީމުގައި ދެއްކި ކުޅުމުގެ ސަބަބުން، ރެއާލަށް އޭނާ އަނބުރާ ގަންނަން ލިބިފައިވާ އިހުތިޔާރުގެ ބޭނުންހިފައި، އޭނާ ގަތީ އެވެ. އަދި، 2013 ވަނަ އަހަރުން ފެށިގެން ކާވަހާލް އަންނަނީ ރެއާލްގެ ކަނާތު ބެކުގެ މަގާމުގެ އިތުރުން، ސީދާ ޑިފެންޑަރަކަށް ވެސް ކުޅެމުންނެވެ. 

ޗެމްޕިއަންސް ލީގުގެ ތަށި ހަ ފަހަރު އުފުލާލި ކާވަހާލް އަކީ، އެކަން ކުރި ފަސް ކުޅުންތެރިންގެ ތެރެއިން އެކަކެވެ. އަދި، އެ ހަ ތަށި ހޯދި ފައިނަލުގައި ފުރަތަމަ އެގާރައިގައި ކުޅުނު ހަމައެކަނި ކުޅުންތެރިޔާ އެވެ. އަދި، ރެއާލުން އެންމެ ފަހުން، 2024 ވަނަ އަހަރު ޗެމްޕިއަންސް ލީގު ކާމިޔާބުކުރި ފައިނަލުގައި ލަނޑު ޖަހައި، އެ މެޗުގެ މޮޅު ކުޅުންތެރިޔާގެ މަގާމު ހޯދި އެވެ. 

މީގެ އިތުރުން، ކާވަހާލް ވަނީ ރެއާލާ އެކުގައި ސްޕެނިޝް ލީގު ހަތަރު ފަހަރު، ސްޕެނިޝް ކަޕް ދެ ފަހަރު، ކްލަބް ވޯލްޑް ކަޕް ހަ ފަހަރު، ޔުއެފާ ސުޕަ ކަޕް ފަސް ފަހަރު އަދި ހަތަރު ފަހަރު ސްޕެނިޝް ސުޕަ ކަޕް ހޯދައިފަ އެވެ. 

މިދިޔަ ދެ އަހަރު ތެރޭ ދެ ފަހަރު ކަކުލުގެ ސީރިއަސް އަނިޔާތަކެއް ކުރިމަތިވި ކާވަހާލަށް މި ސީޒަނުގައި ގިނަ މެޗުތަކެއް ވަނީ ގެއްލިފަ އެވެ. 

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox