މެޑްރިޑް (މެއި 8) - ރެއާލް މެޑްރިޑަށް ކުޅެމުން އަންނަ އުރުގުއޭގެ މިޑްފީލްޑަރު ފެޑެރީކޯ ވަލްވޭޑޭ އާއި ފްރާންސްގެ މިޑްފީލްޑަރު، އައުރެލިއަން ޗުއަމެނީގެ މާރާމާރީ މައްސަލަ ބަލައި، ރެއާލްގެ ޑިސިޕްލިނަރީ ކޮމިޓީން ދެ ކުޅުންތެރިން އެއް މިލިއަން ޑޮލަރުން ޖޫރިމަނާކުރަން ނިންމައިފި އެވެ.
ވަލްވޭޑޭ، 27، އާއި ޗުއަމެނީ، 26، ގެ މެދުގައި ޖެހިޖެހިގެން ދެ ދުވަހު ވަނީ ހަމަނުޖެހުންތަކެއް ހިނގައިފަ އެވެ. އެ ގޮތުން، ބުދަ ދުވަހުގެ ޓްރެއިނިންގެ ތެރެއިން ވަލްވޭޑޭ އާއި ޗުއަމެނީ މެދުގައި ޒުވާބުތަކެއް ހިނގައި، ދެ ކުޅުންތެރިން މެދުގައި ކޮންމެ ވެސް މިންވަރެއްގެ ހަމަނުޖެހުންތަކެއް ހިނގި އެވެ.
އޭގެ ފަހުން، އިއްޔެގެ ޓްރެެއިނިން ތެރޭގައި ވެސް ދެ ކުޅުންތެރިންގެ މެދުގައި ހަމަނުޖެހުންތަކެއް ހިނގައި، އެ މައްސަލަ އިތުރަށް ގޯސްވީ، ޗޭންޖިން ރޫމަށް ދިޔަ ފަހުންނެވެ. ޗުއަމެނީ އާއި ވަލްވޭޑޭގެ މި މާރާމާރީގެ ތެރެއިން، ވަލްވޭޑޭ ހޭނެތުމާ އެކު، ވަގުތުން ހޮސްޕިޓަލަށް ގެންގޮސް ފަރުވާދީފަ އެެވެ.
ޗުއަމެނީގެ ހަމަލާ އަކަށް ފަހު ވަލްވޭޑޭ އަށް ހޮސްޕިޓަލްގައި ފަރުވާދީފި
ރެއާލް މެޑްރިޑްގެ ދެ ކުޅުންތެރިން ކަމަށްވާ ފްރާންސްގެ އައުރެލިއަން ޗުއަމެނީ އާއި ފެޑެރީކޯ ވަލްވޭޑޭގެ މެދުގައި މާރާމާރީގެ ކަންތައްތަކެއް ހިނގައި، ވަލްވޭޑޭ އަށް ހޮސްޕިޓަލްގައި ފަރުވާދޭން ވަނީ ޖެހިފައި. ވަލްވޭޑޭ އާއި ޗުއަމެނީގެ މެދުގައި ޖެހިޖެހިގެން ދެ ދުވަހު ވަނީ ހަމަނުޖެހުންތަކެއް ހިނގައިފައި.
މި މައްސަލަތަކާ އެކު، ރެއާލުން ވަނީ ކްލަބްގެ ރައީސް، ފްލޮރެންޓީނޯ ޕެރޭޒް އާއި ޓީމުގެ ކޯޗު އަލްވާރޯ އާބެލޯއާ އަދި ކެޕްޓަން، ޑެނީ ކާވަހާލް ހިމެނޭ ގޮތަށް އިމަޖެންސީ ބައްދަލުވުމެއް ބާއްވައިފަ އެވެ.
މި ބައްދަލުވުމަށް ފަހު، ރެއާލުން އާންމުކުރި ބަޔާނެއްގައި ބުނެފައިވަނީ، ވަލްވޭޑޭ އާއި ޗުއަމެނީއާ މެދު ފިޔަވަޅު އެޅުމަށްޓަކައި، ކްލަބުން ހިނގައިދިޔަ ކަންކަން ތަހުގީގުކޮށް، ޑިސިޕްލިނަރީ ކޮމިޓީގެ މަސައްކަތް ފަށާފައިވާ ކަމަށެވެ. އަދި، ޑިސިޕްލިނަރީ ކޮމިޓީން ނިންމާފައިވަނީ ދެ ކުޅުންތެރިން ޖޫރިމަނާކުރުމަށެވެ.
އެ ގޮތުން، ދެ ކުޅުންތެރިން ވެސް ހިނގައިދިޔަ ކަންތައްތަކާ މެދު ދެރަވެ، މާފަށް އެދުމާ އެކު، ސަސްޕެންޝަނެއް ނުދީ ރެއާލުން ނިންމީ ކޮންމެ ކުޅުންތެރިއަކު، ފަސް ލައްކަ ޑޮލަރުން ޖޫރިމަނާ ކުރުމަށެވެ.
ޗުއަމެނީ އާއި ވަލްވޭޑޭ ވެސް ވަނީ ހިނގި ކަންތައްތަކާ ބެހޭގޮތުން، ސޯޝަލް މީޑިއާގައި ބަޔާނެއް ނެރެފައި، އެއީ އެހާ ބޮޑު ކަމެއްގެ ގޮތުގައި ނުދެކި، މާފަށް އެދިގެން ކުރިއަށްދާން ތައްޔާރަށް ހުރި ކަމަށް ބުނެފަ އެވެ. އަދި، ހިނގައިދިޔަ ކަންތައްތަކުގެ ހަގީގަތް އޮޅޭ ގޮތަށް އަމިއްލަ އަށް ވާހަކަތަކެއް އުފައްދައިގެން ނުދެއްކުމަށް ދެ ކުޅުންތެރިން ވެސް ވަނީ ސަޕޯޓަރުން ކިބައިން އިލްތިމާސްކޮށްފަ އެވެ.
ސްޕެނިޝް ލީގުގައި ރެއާލުން އެންމެ އަވަހަށް ކުޅޭ މެޗު އޮތީ އަންނަ އާދިއްތަ ދުވަހު ބާސެލޯނާއާ ދެކޮޅަށެވެ. އެ މެޗުން ބާސެލޯނާ ބަލިނުވެއްޖެނަމަ، ލީގު ޗެމްޕިއަންކަން ލިބޭނެ އެވެ. ބާސެލޯނާއާ ދެކލ
