ގާޑިއޯލާ، މެންޗެސްޓާ ސިޓީ ދޫކޮށްލަން ނިންމަނީ؛ ހަވާލުވަނީ މަރެސްކާ!

May 19, 2026, 4:46 AM
މެންޗެސްޓާ ސިޓީގެ ކޯޗު ޕެޕް ގާޑިއޯލާ.

މެންޗެސްޓާ ސިޓީގެ ކޯޗު ޕެޕް ގާޑިއޯލާ.

މެންޗެސްޓާ (މެއި 19) - މި ސީޒަން ނިމުމުން މެންޗެސްޓާ ސިޓީގެ ކޯޗުކަމުން ޕެޕް ގާޑިއޯލާ ވަކިވާން ނިންމާފައިވާ ކަމަށާއި އެ މަގާމާ ހަވާލުވާނީ ކުރިން ޗެލްސީން އަށް ކޯޗުކޮށްދިން އެންޒޯ މަރެސްކާ ކަމަށް އިނގިރޭސި ގިނަ މީޑިއާތަކަކުން ރިޕޯޓްކޮށްފި އެވެ.  

އުމުރުން 55 އަހަރުގެ ގާޑިއޯލާ، ސިޓީއާ އެކު ހަދާފައިވާ އެއްބަސްވުމުގައި ބާކީ އަހަރެއް އެބައޮތެވެ. އޭނާއާ އެންމެ ފަހުން މުސްތަގުބަލާ ގުޅޭގޮތުން ސުވާލުކުރުމުން ވެސް އެކަން ފާހަގަކޮށްފައިވެ އެވެ.

އެހެން ނަމަވެސް، ރިޕޯޓްތައް ބުނާގޮތުން، ގާޑިއޯލާ، އަމިއްލަ އަށް މިހާރު ނިންމާފައި އޮތީ 10 އަހަރަށް ފަހު ސިޓީގެ ކޯޗުކަން ދޫކޮށްލުމަށެވެ. 

ބާސެލޯނާ އާއި ބަޔާން މިއުނިކަށް ކުރިން ކޯޗުކޮށްދިން ގާޑިއޯލާ ވަނީ 2016 ވަނަ އަހަރު ސިޓީއާ ހަވާލުވުމަށް ފަހު، މިހާތަނަށް އެ ޓީމަށް 20 ޓްރޮފީ ހޯދައިދީފަ އެވެ. އޭގެ ތެރޭގައި، ބޮޑު މުބާރާތްތަކުގެ 17 ތަށި ހިމެނެ އެވެ. ހާއްސަ ކާމިޔާބީތަކަށް ބަލާއިރު، އިނގިރޭސި ޕްރިމިއާ ލީގުގެ ތަށި ހަ ފަހަރު ހޯދުމާއި އެފްއޭ ކަޕްގެ ތަށި ތިން ފަަހަރު، ލީގު ކަޕް ތަށި ފަސް ފަަހަރު ހޯދުމުގެ އިތުރުން، ސިޓީގެ ތާރީހުގައި ފުރަތަމަ ފަހަރަށް ޔުއެފާ ޗެމްޕިއަންސް ލީގާއި ސުޕަ ކަޕް ކާމިޔާބުކުރުން ހިމެނެ އެވެ. 

މި ފަަހަރުގެ ޕްރިމިއާ ލީގުގައި ސިޓީން ކުޅޭ ފަހު މެޗު، ކަމަށްވާ އެސްޓަން ވިލާއާ ދެކޮޅަށް ކުޅޭ މެޗު ވެގެންދާނީ ސިޓީ އަށް ގާޑިއޯލާ ކޯޗުކޮށްދޭ ފަހު މެޗަށް ވުމުގެ ފުރުސަތު މިހާރު މި ވަނީ ބޮޑުވެފަ އެވެ. އަދި، އެ ކަމަށްޓަކައި، ސިޓީގެ ސީނިއާ މެނޭޖްމަންޓުން ވެސް އަންނަނީ ތައްޔާރުވަމުންނެވެ. 

އެކަމަކު، އިނގިރޭސި ޕްރިމިއާ ލީގުގައި ބޯންމައުތާ ދެކޮޅަށް ސިޓީ ކުޅޭ މެޗުގެ ކުރިން ސުވާލުކުރުމުން ވެސް ގާޑިއޯލާ ވަނީ ކޮންޓްރެކްޓްގައި އިތުރު އަހަރެއް އޮތް ކަމަށް ބުނެފަ އެވެ. 

ގާޑިއޯލާ އަށް ފަހު ސިޓީއާ ދެން ހަވާލުވާނެ ކޯޗަކީ ކުރިން ގާޑިއޯލާގެ އެސިސްޓަންޓް ކޯޗަކަށް ސިޓީގައި މަސައްކަތްކުރި މަރެސްކާ އެވެ. ޗެލްސީ އަށް ޔުއެފާ ކޮންފަރެންސް ލީގާއި ފީފާ އިން އާ ފޯމެޓަށް ބޭއްވި ފުރަތަމަ ކްލަބް ވޯލްޑް ކަޕް ކާމިޔާބުކޮށްދިން މަރެސްކާ އެ ޓީމުގެ ކޯޗުކަމުން ވަކިކުރީ މިދިޔަ ޖެނުއަރީ މަހު އެވެ. މަރެސްކާއާ އެކު ސިޓީން މި ސީޒަން ތެރޭގައި ވަނީ މަޝްވަރާތަކެއް ބާއްވައިފަ އެވެ. 

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox