ހދ. ހަނިމާދޫ އަތުން ފަހަތުން އަރައި މޮޅުވެ، ހއ. ދިއްދޫން އެފްއޭއެމް ނޯތު ރީޖަން ލީގުގެ ޗެމްޕިއަންކަން، ހޯދައި ދިވެހި ޕްރިމިއާ ލީގުގެ ކޮލިފިކޭޝަނުން ފުރުސަތު ހޯދައިފި އެވެ.
ދިއްދޫން ނޯތު ރީޖަން ލީގުގެ ޗެމްޕިއަންކަން ހޯދި ބާކީ މެޗެއް އޮއްވަ އެވެ. އެއީ، ކުޅުނު ފަސް މެޗުން ވެސް މޮޅުވެ، 15 ޕޮއިންޓް ހޯދައިގެންނެވެ.
ނޯތު ރީޖަން ތާވަލުގެ ދެ ވަނައިގައި އޮތް ހަނިމާދޫ އަށް ފަސް މެޗުން ހަ ޕޮއިންޓް ލިބިފައިވާއިރު، ތިން ވަނައިގައި އޮތް ބ. އޭދަފުށްޓަށް ހަތަރު މެޗުން ވަނީ ހަ ޕޮއިންޓް ލިބިފަ އެވެ. އަދި، ފުލުގައި އޮތް ނ. މަނަދޫ އަށް ހަތަރު މެޗު ކުޅުނުއިރު ޕޮއިންޓެއް ނުލިބެ އެވެ.
ދިއްދޫ އަށް ބާކީ ދެން އޮތީ އޭަދަފުށްޓާ ކުޅޭ މެޗެވެ.
ރާއްޖޭގެ ފުޓްބޯޅައިގެ އޮނިގަނޑެއް އެކުލަވާލާފައިވާ ގޮތުން ވަނީ ހަތަރު ރީޖަން އަކަށް ބެހިފަ އެވެ. އެ ގޮތުން، ނޯތު ރީޖަން، ސެންޓްރަލް ރީޖަން، ސައުތު ރީޖަން އަދި މާލެ ރީޖަން އަށް ބަހާލައިފައިވާއިރު، މާލެ ރީޖަނަކީ ކުރީގެ ދެ ވަނަ ޑިވިޝަން ފުޓްބޯޅަ މުބާެރާތެވެ.
ހަ ޓީމު ވާދަކުރާ ދިވެހި ޕްރިމިއާ ލީގު ކޮލިފިކޭޝަންގެ ގަދަ ހަތަރު ޓީމަށް، ދިވެހި ޕްރިމިއާ ލީގު 26/27 ސީޒަނުން ޖާގަ ލިބޭނެ އެވެ. މާލެ ރީޖަނުގެ ޗެމްޕިއަނުންގެ ގޮތުގައި ބިސް ބުރު ސްޕޯޓްސް އިން ދިވެހި ޕްރިމިއާ ލީގުގެ ކޮލިފިކޭޝަނުގައި ކުޅޭނެ އެވެ،
އަދި، ނޯތު ރީޖަނުން ލިބޭ ޖާގަ ދިއްދޫން ހޯދިއިރު، ދެން މި ކޮލިފިކޭޝަނުގަައި ކުޅޭނީ ސެންޓްރަލް ރީޖަނަލް ލީގުގެ ޗެމްޕިއަން، ސައުތު ރީޖަނަލް ލީގުގެ ޗެމްޕިއަން އަދި، ނިމިދިޔަ ސީޒަނުގެ ދިވެހި ޕްރިމިއާ ލީގުގެ ހަތް ވަނަ އާއި އަށް ވަނަ އަށް ދިޔަ، ޓީސީ ސްޕޯޓްސް ކްލަބާއި ކްލަބް ގްރީން ސްޓްރީޓްސް އެވެ.
