އެއްބަސްވުމާ ހިލާފުވުމުން އެފްއޭއެމުން އެސްޓީއޯ އަށް 1.5 މިިލިއަން ރުފިޔާ ދޭން ޖެހިއްޖެ

އެފްއޭއެމް އިން ބޭއްވި ނޫސްވެރިންގެ ބައްދަލުވުމެއްގެ ތެރެއިން ބައްސާމް.--- ފޮޓޯ: މުހައްމަދު ޝާބިން/ އަދަދު

އެފްއޭއެމް އިން ބޭއްވި ނޫސްވެރިންގެ ބައްދަލުވުމެއްގެ ތެރެއިން ބައްސާމް.--- ފޮޓޯ: މުހައްމަދު ޝާބިން/ އަދަދު

އެފްއޭއެމް އިން މުޅި ރާއްޖެ އަށް ފުޅާކޮށް، ދިވެހި ޕްރިމިއާ ލީގު ބާއްވަން ބުނެ، ސައުތު ލީގުގެ ސްޕޮންސަރުންގެ ގޮތުގައި އެސްޓީއޯ ހަމަޖައްސައި، ސޮއިކުރި އެއްބަސްވުމާ ހިލާފުވެފައިވާތީ، އެސްޓީއޯ އަށް 1،5 މިލިއަން ރުފިޔާ ދޭން ޖެހިއްޖެ އެވެ.

މީގެ އެއް އަހަރު ކުރިން، 2022 ވަނަ އަހަރު، އެފްއޭއެމުން ވަނީ 2023/24 ވަނަ އަހަރު ދިވެހި ޕްރިމިއާ ލީގު އޮންނާނީ މުޅި ރާއްޖެ އަށް ފުޅާކުރެވިގެންދާ ގޮތަށް ކަމަށް ބުނެ، އާ ފޯމެޓެއް އިއުލާނުކޮށްފަ އެވެ.

އެ ފަހަރު، އިއުލާނުކުރި ފޯމެޓްގައިވާ ގޮތުން، ރާއްޖެ ބެހިގެންދަނީ ހަަތަރު ޒޯން ލީގަކަށެވެ. ޒޯން އެކެއް ނުވަތަ ނޯތު ޒޯން ލީގުގައި ހިމެނެނީ ހއ، ހދ، ށ، ނ، ރ އެވެ. ޒޯން ދޭއް ނޫނީ ސެންޓްރަލް ޒޯން ލީގުގައި އޮތީ ބ، ޅ، ކ، އއ، އދ، ވ، މ، ފ، ދ އެވެ. ޒޯން ތިނެއް ނޫނީ ސައުތު ޒޯން ލީގުގައި އޮތީ ތ، ލ، ގއ، ގދ، ޏ، ސ އެވެ. އަދި ޒޯން ހަތަރަކީ މިހާރު މާލޭގައި ކުރިއަށްދާ ފުރަތަމަ ޑިވިޝަން ނޫނީ މާލޭ ލީގަށެވެ. މި ލީގުގައި ހިމެނޭނީ މާލެ، ހުޅުމާލެ، ވިލިމާލޭގެ ޓީމުތަކެވެ. މި ޒޯންތަކުން އަންނަ ޗެމްޕިއަން ޓީމުތައް ހިމެނޭ ގޮތަށް، 2023/24 ވަނަ އަހަރު، ދިވެހި ޕްރިމިއާ ލީގު ކުރިއަށްދާނީ މިހާރު ފުރަތަމަ ޑިވިޝަންގައި ހިމެނޭ ޓީމުތަކާ (8 ޓީމާ) އެކު، ޖުމްލަ 12 ޓީމުގެ ލީގެއް ކަމަށް އޭރު އެފްއޭއެމުން ހާމަކުރި އެެވެ.

އެކަމަކު، މިހާރު މި ލީގުގެ އެއްވެސް ހިލަމެއް ނެތެވެ. އެފްއޭއެމް އޮތީ މާލީ ގޮތުން އަޑިގަނޑެއްގައި، ބަނގުރޫޓްވާ ހާލަތުގަ އެވެ.

އެފްއޭއެމުން ވަނީ މީގެ ކުރިން، ނޯތު ޒޯން އާއި ސެންޓްރަލް ޒޯންގެ މެޗުތައް ކުރިއަށްގެންގޮސްފަ އެވެ. މުބާރާތް ހުއްޓުނީ ސައުތު ޒޯން ބާއްވަން އިއުލާނުކޮށްފައި އޮއްވަ އެވެ.

ސައުތު ޒޯންގެ ލީގުގެ ސްޕޮންސަރަކަށް އެސްޓީއޯއާ އެކު، 18 އޮކްޓޫބަރު 2022 ވަނަ އަހަރު އެފްއޭއެމުން ވަނީ އެއްބަސްވުމުގައި ސޮއިކޮށްފަ އެވެ. އެކަމަކު، އެ މުބާރާތަށް މިހާތަނަށް ވެސް ފެށިފައިނުވެ އެވެ. އެއީ، މާލީ ގޮތުން އެފްއޭއެމް ނާޒުރު ފައްތަރެއްގައި އޮތުމުންނެވެ.

18 އޮކްޓޫބަރު 2022 ގައި އެފްއޭއެމް އާއި އެސްޓީއޯއާ ދެމެދު ވެވުނު ސްޕޮންސަޝިޕް އެއްބަސްވުމުގެ ތެރެއިން.

އެސްޓީއޯ އިން ސައުތު ލީގުގެ ސްޕޮންސަޝިޕް ފައިސާ ހަމަޖައްސައިދީފައިވަނިކޮށް، އެ މުބާރާތް މިހާތަނަށް ނުބޭއްވި އޮތީ، އެ މުބާރާތް ސްޕޮންސަކުރުމަށް އެ އެސޯސިއޭޝަނަށް ދިން ފައިސާ ވެސް އެހެން ކަންކަމަށް ބޭނުންކޮށްފައިވާތީ ކަމަށް ތުހުމަތުތަކެއް އަމާޒުވި އެވެ.

މިދިޔަ ޖުލައި މަހު ބޭއްވި ނޫސްވެރިންގެ ބައްދަލުވުމުގައި އެފްއޭއެމްގެ ރައީސް ބައްސާމް އަދީލް ޖަލީލް، ވަނީ އޮގަސްޓް މަހު ތެރޭގައި ސައުތު ލީގު ފެށޭނެ ކަމަށް ވިދާޅުވެފަ އެވެ. އެކަމަކު، އެ ތާރީހު ފަހަނައަޅައި ދިޔައީ އެއްވެސް ކަމެއް ނުފެށި އެވެ.

އެސްޓީއޯ އިން މި މަހު ހަ ވަނަ ދުވަހު، އެފްއޭއެމް އަށް ވަނީ ސްޕޮންސަޝިޕް އެގްރީމެންޓް އުވާލިކަމުގެ ލިޔުން (ސްޕޮންސަޝިޕް ޓާމިނޭޝަން ނޯޓިސް) ފޮނުވައިފަ އެވެ. އެ ލިޔުމުގައި ބުނެފައިވަނީ، އެފްއޭއެމް ސައުތު ލީގު ސްޕޮންސަކުރުމަށް އެސްޓީއޯއާ އެކު އެފްއޭއެމުން ވި އެއްބަސްވުމާ އެއްގޮތަށް އެ އެސޯސިއޭޝަނުން އަމަލުކޮށްފައިނުވާ ކަމަށެވެ.

އެހެންވެ، އެގްރީމެންޓްގައި ބަޔާންކޮށްފައިވާ ގޮތަށް، އެއްބަސްވެވުނު ކަންކަން އެފްއޭއެމަށް ފުރިހަމަ ނުކުރެވިއްޖެ ހިނދު، 1.5 މިލިއަން ރުފިޔާ (ސްޕޮންސަޝިޕްގެ ގޮތުގައި އެފްއޭއެމް އަށް ކުރިން ދެވުނު ފައިސާ)، މި ނޯޓިސް ލިބޭތާ 15 ދުވަސް ތެރޭ އަނބުރާ ދެއްކުމަށް އެސްޓީއޯ އިން ވަނީ އެފްއޭއެމަށް އަންގައިފަ އެވެ.

އެފްއޭއެމުން އެއްބަސްވުންތަކާ ހިލާފުވެގެން ގިނަ ކުންފުނިތަކަކުން ވަނީ އެ އެސޯސިއޭޝަން ގޮވައިގެން ސިވިލް ކޯޓަށް މައްސަލަ ހުށަހަޅައިފަ އެވެ. ބައެއް މައްސަލަތަކުގައި އެފްއޭއެމާ ދެކޮޅަށް ހުކުމްކޮށް ފައިސާ ދައްކަން އެންގި ނަމަވެސް އެ އެސޯސިއޭޝަންގެ މާލީ ހާލަތު އޮތްގޮތުން ކޯޓުގެ އަމުރާ އެއްގޮތަށް އަމަލުކުރެވެން ވެސް ނެތެވެ.

ފީފާ އާއި ބައިނަލްއަގުވާމީ އެކި ޖަމިއްޔާތަކުން، ރާއްޖޭގެ ފުޓްބޯޅަ އަށް ހަރަދުކުރަން ފޮނުވާ ފައިސާ އެފްއޭއެމްގެ ރައީސް ބައްސާމް އާއި އެ އެސޯސިއޭޝަންގެ އެކި ވެރިން ނަހަމަ ގޮތުގައި ބޭންކުރާ ކަމަށް ކުރެވޭ ތުހުމަތުގެ މައްސަލަ، ޕްރޮސެކިއުޓާ ޖެނެރަލް (ޕީޖީ) އޮފީހުގެ އަމުރަށް ފުލުހުން އަންނަނީ ތަހުގީގު ކުރަމުންނެވެ.

މި މައްސަލައިގައި ވަރަށް އަވަހަށް އެފްއޭއެމްގެ ރައީސް ބައްސާމް އާއި އެ ތަނުގެ ބައެއް ވެރިންނަށް ދައުވާ ކުރަން ފޮނުވާނެ ކަމަށާއި، އެކަން ކުރަން އެކަށީގެންވާ މިންވަރަށް ހެކިތަކެއް ލިބިފައިވާ ކަމަށް ފުލުހުންނާއި ޕީޖީ އޮފީހުން ވަނީ ހާމަކޮށްފަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox