ހުލާސާކޮށް އިއްޔެ: މަޖިލީހުގެ ނައިބު ރައީސްގެ އިތުބާރު ނެތްކަމުގެ މައްސަލަ

May 14, 2026, 1:00 AM
ރައީސް މުހައްމަދު މުއިއްޒު، ރައްޔިތުންގެ މަޖިލީހުގެ ނައިބު ރައީސް އަހުމަދު ނާޒިމާ ސަލާމްކުރައްވަނީ: މަޖިލީހުގެ ނައިބުގެ މަގާމުން ނާޒިމް ވަކިކުރުމުގެ މަސައްކަތް ކުރަމުން ދަނީ ޕީއެންސީގެ މަޖިލިސް މެންބަރުން --- ފޮޓޯ: ރައީސް އޮފީސް

ރައީސް މުހައްމަދު މުއިއްޒު، ރައްޔިތުންގެ މަޖިލީހުގެ ނައިބު ރައީސް އަހުމަދު ނާޒިމާ ސަލާމްކުރައްވަނީ: މަޖިލީހުގެ ނައިބުގެ މަގާމުން ނާޒިމް ވަކިކުރުމުގެ މަސައްކަތް ކުރަމުން ދަނީ ޕީއެންސީގެ މަޖިލިސް މެންބަރުން --- ފޮޓޯ: ރައީސް އޮފީސް

ރައްޔިތުންގެ މަޖިލީހުގެ ނައިބު ރައީސް، ދިއްގަރު ދާއިރާގެ މެންބަރު އަހުމަދު ނާޒިމް އެ މަގާމުން ވަކިކުރުމަށް ވެރިކަން ކުރާ ޕީއެންސީން ވަނީ ނިންމާފައެވެ. މިގޮތުން އޭނާ މަގާމުން ވަކިކުރުމަށް ބޭނުންވާ 40 އަށްވުރެ ގިނަ މެންބަރުންގެ ސޮއި މިހާރު ވަނީ ހަމަކޮށްފައެވެ. މި މައްސަލަ ވަރަށް އަވަހަށް މަޖިލީހަށް ހުށަހެޅުމަށް ދަނީ ތައްޔާރުވަމުންނެވެ. މި ހަބަރުގެ އިތުރުން އިއްޔެގެ ސުރުހީތަކުން ފާހަގަކޮށްލެވޭ ހަބަރުތައް ތިރީގައި އެ ވަނީ އެވެ. 

މަޖިލީހުގެ ނައިބު ރައީސްގެ މަގާމުން ނާޒިމް ވަކިކުރަނީ

ރައްޔިތުންގެ މަޖިލީހުގެ ނައިބު ރައީސް އަހުމަދު ނާޒިމްގެ އިތުބާރު ނެތްކަމުގެ މައްސަލަ ހުށަހެޅުމަށް ޕީއެންސީން ވަނީ 40 އަށްވުރެ ގިނަ މެންބަރުންގެ ސޮއި ހަމަކޮށްފައެވެ. ސީރިއަސް ޖިނާއީ ތުހުމަތުތަކެއް ކުރެވޭ ކަމަށް އަޑުފެތުރިފައިވާ ނާޒިމް، މިހާރު ވަނީ ޕީއެންސީގެ ވަޓްސްއެޕް ގްރޫޕުންނާއި މަޖިލީހުގެ ބާރުގަދަ ކޮމިޓީތަކުން ވެސް ވަކިކޮށްފައެވެ.

މި ނިންމުމާ ގުޅިގެން ޕީއެންސީގެ މެންބަރުން މުޢާމަލާތް ކުރުމަށް ބޭނުންކުރާ ވަޓްސްއެޕް ގްރޫޕުން ވެސް އަޙްމަދު ނާޒިމް ވަނީ ބޭރުކޮށްލާފައެވެ. މި ފިޔަވަޅު އަޅާފައިވަނީ ކޮން ސަބަބަކާ ހުރެ ކަމެއް އެ ޕާޓީން ރަސްމީކޮށް ހާމަކޮށްފައެއް ނުވެއެވެ.

މަޖިލީހުގެ ނައިބު ރައީސް ނާޒިމް ޕީއެންސީގެ ވަޓްސްއެޕް ގްރޫޕުން ބޭރުކޮށްފި

ވެރިކަން ކުރާ ޕީއެންސީގެ މަޖިލިސް މެންބަރުންގެ ވަޓްސްއެޕް ގްރޫޕުން މަޖިލީހުގެ ނައިބު ރައީސް އަހުމަދު ނާޒިމް މިއަދު ވަނީ ބޭރުކޮށްލާފައެވެ. މީގެ ކުރިން މަޖިލީހުގެ ބާރުގަދަ ދެ ކޮމިޓީއަކުން އޭނާ ވަކިކޮށްފައިވާއިރު، ފުލުހުންގެ އިންޓެލިޖެންސުން އޭނާއާ ގުޅޭ ސީރިއަސް ޖިނާއީ ތުހުމަތުތަކެއްގެ ރިޕޯޓެއް ތައްޔާރުކޮށްފައިވާ ކަމަށް މައުލޫމާތު ލިބެއެވެ.

މަޖިލީހުގެ ތެރޭގައި އުފެދުނު މި ނުތަނަވަސްކަމުގެ ތެރެއިން، ނާޒިމް ރިޔާސަތުގައި އިންނެވި ޖަލްސާއެއް ކުރިއަށް ގެންދިއުމަށް ޕީއެންސީގެ މެންބަރުން ވަނީ ހުރަސް އަޅާފައެވެ. މެންބަރުން ހަމަނުވުމުގެ ސަބަބުން ކޯރަމް ހަމަނުވެގެން އެ ދުވަހުގެ ޖަލްސާ ވަނީ ކެންސަލް ކުރަން ޖެހިފައެވެ.

ނާޒިމް ރިޔާސަތުގައި އިންނެވުމުން ކޯރަމް ގެއްލުވާލައި މަޖިލިސް ޖަލްސާ ކުރިއަށްގެންދަން ޕީއެެންސީން ހުރަސް އަޅައިފި

މަޖިލީހުގެ ރިޔާސަތުގައި ނައިބު ރައީސް އަހުމަދު ނާޒިމް އިންނެވުމުން، ޕީއެންސީ މެންބަރުން ތަޅުމަށް ވަޑައިނުގެން ކޯރަމް ގެއްލުވާލުމާ ގުޅިގެން މިއަދުގެ ޖަލްސާ ވަނީ ކެންސަލްކޮށްފަ އެވެ. ނާޒިމްއާ މެދު ސަރުކާރު ހިންގާ ޕާޓީގެ ތެރޭގައި ހިޔާލުތަފާތުވުންތަކެއް އުފެދިފައިވާއިރު، އޭނާ ވަނީ މީގެ ކުރިން ބާރުގަދަ ކޮމިޓީތަކުން ވަކިކޮށް ޕާޓީގެ ވަޓްސްއެޕް ގްރޫޕުން ވެސް ބޭރުކޮށްފަ އެވެ.

ކޯރަމް ހަމަނުވުމުގެ ސަބަބުން މަޖިލީހުގެ ޖަލްސާ ނުފެށި ލަސްވުމާ ގުޅިގެން، ރިޔާސަތުން ވަނީ އެކަން އިއުލާން ކުރައްވައި، ޖަލްސާ ފެށޭތޯ ތަކުރާރުކޮށް މަސައްކަތް ކުރައްވާފައެވެ. ނަމަވެސް ސަރުކާރު ހިންގާ ޕާޓީގެ ގިނަ މެންބަރުން ހާޒިރުނުވުމުން އެކަން ކާމިޔާބުވާ ގޮތެއް ނުވިއެވެ.

ޕީއެންސީގެ ގިނަ މެންބަރުން ނުދާތީ ކޯރަމް ހަމަނުވެގެން މަޖިލީހުގެ މިއަދުގެ ޖަލްސާއެއް ނުފެށުނު

ވެރިކަން ކުރާ ޕީއެންސީގެ ގިނަ މެންބަރުން މަޖިލީހަށް ހާޒިރުނުވުމުގެ ސަބަބުން، ކޯރަމް ހަމަނުވެގެން މިއަދުގެ ޖަލްސާ ފެށޭގޮތް ވަނީ ނުވެފައެވެ. މީގެ އިތުރުން، މަޖިލީހުގެ ނައިބު ރައީސް އަހުމަދު ނާޒިމް ޕީއެންސީގެ ވަޓްސްއެޕް ގްރޫޕުން ބޭރުކޮށްލާފައިވާއިރު، ފުލުހުން އޭނާގެ މައްޗަށް ސީރިއަސް ޖިނާއީ ތުހުމަތުތަކެއް ކުރާ ކަމުގެ މައުލޫމާތު ވަނީ ފެންމަތިވެފައެވެ.

ނޫސްވެރިކަމުގެ މިނިވަންކަމާއި ޤާނޫނީ ގޮންޖެހުންތައް

"އަދަދު" ނޫހުގެ ސީއީއޯ ހުސައިން ފިޔާޒް މޫސާ އާއި އެޑިޓަރު ހަސަން މުޙައްމަދުގެ މައްޗަށް އުފުލާފައިވާ ގަޒުފުކުރުމުގެ ދަޢުވާގެ ޝަރީއަތް ކްރިމިނަލް ކޯޓުގައި ވަނީ ފަށާފައެވެ. ސިއްރުކޮށްގެން ކުރިއަށްގެންދާ މި ޝަރީއަތުގެ އަޑުއެހުންތައް ފެށިއިރު، މިއީ ނޫސްވެރިކަމުގެ މިނިވަންކަމަށް އޮތް ހުރަހެއްގެ ގޮތުގައި ގިނަ ބަޔަކު ސިފަކުރެއެވެ.

ފިޔާޒު އާއި ހަސަންގެ މައްޗަށް ޝަރީއަތް ފަށައިފި

އަދަދު ނޫހުގައި ޝާއިޢުކުރި ޑޮކިއުމެންޓަރީއަކާ ގުޅިގެން އެ ނޫހުގެ ސީއީއޯ ހުސެން ފިޔާޒާއި އެޑިޓަރު ހަސަން މުހައްމަދުގެ މައްޗަށް އުފުލާފައިވާ ގަޒުފުކުރުމުގެ ދައުވާގެ ޝަރީއަތް ސިއްރުކޮށްގެން މިއަދު ވަނީ ފަށައިފަ އެވެ. ރައީސް މުއިއްޒަށް ތުހުމަތުތަކެއް ކުރެވޭ މި މައްސަލައިގެ ފުރަތަމަ އަޑުއެހުން ބޭއްވިއިރު، ދެން އޮންނަ އަޑުއެހުމެއް ދެ ހަފްތާ ފަހުން ބޭއްވުމަށް ވަނީ ތާވަލުކޮށްފަ އެވެ.

މީގެ އިތުރުން، ރައީސް މުޢިއްޒަށް ގަޒުފުކުރި ކަމުގެ ތުހުމަތުގައި ވަކީލު އާދަމް އާސިފްގެ މައްޗަށް ވެސް ފުލުހުން ވަނީ ތަޙުޤީޤެއް ފަށާފައެވެ. މި ތަޙުޤީޤުތައް ފަށާފައިވަނީ ރައީސް މުޢިއްޒަށް ޖިންސީ ތުހުމަތުތަކެއް ކުރެވޭ "އައިޝާ" ޑޮކިއުމެންޓަރީ އާންމުވި ފަހުން ކަން ފާހަގަކުރެވެއެވެ.

މުއިއްޒަށް ގަޒްފު ކުރި ކަމަށް ބުނެ ވަކީލު އާސިފްގެ މައްޗަށް ވެސް ތަހުގީގެއް ހިންގަނީ

ރައީސް މުއިއްޒަށް ގަޒްފުކުރި ކަމުގެ ތުހުމަތުގައި ވަކީލު އާދަމް އާސިފް ފުލުހަށް ހާޒިރުވާން އަންގައި، އޭނާގެ މައްޗަށް ތަހުގީގެއް ވަނީ ފަށާފައެވެ. މީގެ އިތުރުން "އައިޝާ" ޑޮކިއުމެންޓަރީއާ ގުޅިގެން އަދަދު ނޫހުގެ އިސްވެރިންގެ މައްޗަށް ދައުވާކޮށް، ބައެއް ނޫސްވެރިން މިހާރު ވަނީ ބަންދުކޮށްފައެވެ.

ނޫސްވެރިން ޖަލަށްލުމާއި، އެމީހުންގެ އަޑު ކަނޑުވާލަން މަސައްކަތް ކުރުމަކީ ކޮންމެ ސަރުކާރެއްގެ ވެސް ނިމުމުގެ ފެށުން ކަމަށް ކުރީގެ ހޯމް މިނިސްޓަރު އުމަރު ނަސީރު ވަނީ ވިދާޅުވެފައެވެ. އޭނާ މިހެން ވިދާޅުވީ ނޫސްވެރިޔާ ޝަހުޒާން ޖަލަށްލުމާ ގުޅިގެން ކަންބޮޑުވުން ފާޅުކުރައްވަމުންނެވެ.

ނޫސްވެރިން ޖަލަށްލުމަކީ ސަރުކާރުގެ ނިމުމުގެ ފެށުން: އުމަރު

ނޫސްވެރިން ޖަލަށްލައިގެން އަޑުކަނޑުވާލަން މަސައްކަތް ކުރުމަކީ ސަރުކާރެއް ނިމުމުގެ ފެށުން ކަމަށް ކުރީގެ ހޯމް މިނިސްޓަރު އުމަރު ނަސީރު ވިދާޅުވެއްޖެއެވެ. އުމަރު މިހެން ވިދާޅުވީ "އަދަދު" ނޫހުގެ ދެ ނޫސްވެރިއަކު ޖަލަށްލުމާ ގުޅިގެން ކަންބޮޑުވުން ފާޅުކުރައްވަމުންނެވެ. ވެރިންނަށް ކުރެވޭ ތުހުމަތުތަކަށް ކެތްތެރިވާންޖެހޭނެ ކަމަށާއި، ވެރިއެއްގެ މައުސޫމްކަން ސާބިތުވާންޖެހޭނީ ރައްޔިތުންގެ ކުރިމަތީގައި ކަމަށްވެސް އޭނާ ފާހަގަކުރެއްވިއެވެ.

ކުރީގެ ރައީސް ޢަބްދުﷲ ޔާމީން ވެސް ވަނީ ޖަލަށްލާފައިވާ ނޫސްވެރިން ކަމަށްވާ މުޙައްމަދު ޝަހުޒާން އާއި ލީވާން އަލީ ނަސީރު ވަގުތުން މިނިވަން ކުރުމަށް ގޮވާލައްވާފައެވެ. ނޫސްވެރިން ކުރަނީ ޤައުމީ މަސައްކަތެއް ކަމަށާއި، އެކަމަށް ހުރަސްއެޅުމަކީ ބަލައިގަނެވޭނެ ކަމެއް ނޫން ކަމަށް އެމަނިކުފާނު ވިދާޅުވިއެވެ.

ޝަހުޒާން އާއި ލީވާން މިނިވަން ކުރަން ޔާމީން ގޮވާލައްވައިފި

އަދަދު ނޫހުގެ ދެ ނޫސްވެރިން ކަމަށްވާ ޝަހުޒާން އާއި ލީވާން ހައްޔަރުކުރުމާ ގުޅިގެން، އެ ނޫސްވެރިން ވަގުތުން މިނިވަންކުރުމަށް ކުރީގެ ރައީސް ޔާމީން ގޮވާލައްވައިފިއެވެ. ނޫސްވެރިން ކުރަނީ ގައުމީ މަސައްކަތެއްކަން ފާހަގަކުރައްވައި، ދިފާއުވުމުގެ ފުރުސަތު ނުދީ އެމީހުން ޖަލަށްލުމަކީ ބަލައިގަނެވޭނެ ކަމެއް ނޫން ކަމަށް ޔާމީން ވިދާޅުވިއެވެ.

މީގެ އިތުރުން، 'ދައުރު' ނޫހުގައި ޝާއިޢުކުރި ލިޔުމަކުން އަބުރަށް އުނިކަން ލިބުނު ކަމަށް ބުނެ، މަޖިލިސް މެންބަރު އަޙްމަދު އަޒާން ވަނީ އެ ނޫހުގެ އެޑިޓަރާއި ހިންގާ ކުންފުންޏާ ދެކޮޅަށް ސިވިލް ކޯޓަށް މައްސަލައެއް ހުށަހަޅާފައެވެ.

ދައުރު' ނޫހުގެ ރިޕޯޓަކުން އަބުރަށް އުނިކަން ލިބުނު ކަމަށް ބުނެ މެންބަރު އަޒާން ކޯޓަށް!

'ދައުރު' ނޫހުގައި ޝާއިއުކުރި ރިޕޯޓަކުން އަބުރަށް އުނިކަން ލިބިފައިވާ ކަމަށް ބުނެ، މަޖިލިސް މެންބަރު އަހުމަދު އަޒާން އެ ނޫހުގެ އެޑިޓަރާއި ހިންގާ ކުންފުންޏާ ދެކޮޅަށް ސިވިލް ކޯޓަށް މައްސަލަ ހުށަހަޅައިފިއެވެ. މި މައްސަލާގައި އަޒާން އެދިވަޑައިގެންފައިވަނީ އެ ލިޔުން ނޫހުން އުނިކުރުމަށާއި، އަބުރަށް ލިބުނު ގެއްލުމުގެ ބަދަލުގެ އިތުރުން ގާނޫނީ ހަރަދުތައް ނަގައިދިނުމަށެވެ.

ކުޅިވަރު: އެފްއޭއެމްގެ މާލީ އެހީތެރިކަން

ކުޅިވަރުގެ ދާއިރާއަށް ބަލާއިރު، އެފްއޭއެމް އިން ކުރިއަށްގެންދާ ރީޖަން ލީގުގެ ޓީމުތަކަށް ދޭ މާލީ އެހީތެރިކަން ވަނީ އިތުރުކޮށްފައެވެ. މިގޮތުން ކޮންމެ ޓީމަކަށް ދަތުރުފަތުރުގެ ޚަރަދަށް އިތުރު 30,000 ރުފިޔާ ދިނުމަށް ނިންމުމާ އެކު، ޖުމްލަ އެހީގެ އަދަދު 1.4 މިލިއަން ރުފިޔާއަށް ވަނީ އަރާފައެވެ.

އެފްއޭއެމް އިން ރީޖަން ލީގު ޓީމުތަކަށް 1.4 މިލިއަން ރުފިޔާ ދޭނެ

އެފްއޭއެމް އިން މިހާރު ކުރިއަށްގެންދާ ރީޖަން ލީގުގައި ވާދަކުރާ ކޮންމެ ޓީމަކަށް ދޭ ދަތުރުފަތުރު ކުރުމުގެ ހަރަދަށް އިތުރު 30،000 ރުފިޔާ ދޭން ނިންމުމާ އެކު، ޖުމްލަ އެކު، ހުރިހާ ޓީމަކަށް ފުޓްބޯލް އެސޯސިއޭޝަން އޮފް މޯލްޑިވްސް (އެފްއޭއެމް) އިން ދޭ ފައިސާގެ އަދަދު 1.4 މިލިއަން ރުފިޔާ އަށް ވަނީ އަރައިފައި.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox