ފީފާގެ ރައީސް ކަމަށް އޭޝިއާގެ ތާއީދު އިންފަންޓީނޯ އަށް

May 3, 2026, 9:48 AM
ފީފާގެ ކޮންގްރެސްގެ ތެރެއިން އިންފަންޓީނޯ (މ) އާއި އޭއެފްސީގެ ރައީސް ޝައިހް ސަލްމާން (ވ.2).

ފީފާގެ ކޮންގްރެސްގެ ތެރެއިން އިންފަންޓީނޯ (މ) އާއި އޭއެފްސީގެ ރައީސް ޝައިހް ސަލްމާން (ވ.2).

ވެންކޫވާ، ކެނަޑާ (މެއި 3) - ފީފާގެ ރައީސް ކަމަށް އިތުރު ދައުރަކަށް ކުރިމަތިލައްވާނެކަން މިހާރުގެ ރައީސް ޖިއާނީ އިންފަންޓީނޯ، އިއުލާނުކުރައްވާފައިވާއިރު، އޭނާ އަށް ތާއީދުކުރަން އޭޝިއާގެ ގައުމުތަކުން ނިންމާފައިވާ ކަަމަށް އޭޝިއަން ފުޓްބޯލް ކޮންފެޑެރޭޝަން (އޭއެފްސީ)ގެ ރައީސް، ޝެއިހް ސަލްމާން ބިން އިބްރާހިމް އަލް ހަލީފާ ވިދާޅުވެއްޖެ އެވެ. 

އަންނަ އަހަރު ބާއްވާ ފީފާގެ އިންތިހާބުގައި، ހަތަރު ވަނަ ދައުރަކަށް އެ ފެޑެރޭޝަންގެ ރައީސްގެ މަގާމަށް ކުރިމަތިލާނެކަން އިންފަންޓީނޯ ވަނީ މިދިޔަ ބުރާސްފަތި ދުވަހު ބޭއްވި ފީފާގެ ކޮންގްރެސްގައި އިއުލާނުކުރައްވައިފަ އެވެ. ޝެއިހް ސަލްމާން އަކީ ފީފާގެ ސީނިއާ ވައިސް ޕްރެޒިޑެންޓްގެ އިތުރުން، ފީފާ ޑިވެލޮޕްމަންޓް ކޮމިޓީގެ ޗެއާމަން އެވެ. 

ފީފާގެ ރައީސްގެ މަގާމަށް ޔުއެފާގެ ކުރީގެ ޖެނެރަލް ސެކްރެޓަރީ އިންފަންޓީނޯ، އެންމެ ފުރަތަމަ އިންތިހާބުވެވަޑައިގަތީ، ކޮރަޕްޝަނުގެ މައްސަލަތައް ބަލަން ފެށުމާ އެކު ފީފާގެ ކުރީގެ ރައީސް ސެޕް ބްލެޓާ 2015 ވަނަ އަހަރު އިސްތިއުފާ ދެއްވުމުން ބޭއްވި އިންތިހާބު ކާމިޔާބު ކުރައްވައިގެންނެވެ. ބްލެޓާ ވަނީ ފީފާގެ ރައީސްގެ މަގާމު 17 އަހަރު ވަންދެން ފުރުއްވައިފަ އެވެ. އިންފަންޓީނޯ ދެ ވަނަ ދައުރަކަށް އިންތިހާބުވެވަޑައިގަތީ 2019 ވަނަ އަހަރު އެވެ. އެ ފަހަރު ވެސް އިންފަންޓީނޯ އިންތިހާބުވެވަޑައިގަތީ، އިތުރު ކެންޑިޑޭޓެއް ވާދަނުކުރައްވާތީ ފަސޭހަކަމާ އެކު އެވެ. މީގެ ތިން އަހަރު ކުރިން، 2023 ވަނަ އަހަރު، ތިން ވަނަ ދައުރަކަށް އިންފަންޓީނޯ އިންތިހާބުވީ ވާދަކުރާނެ ކެންޑިޑޭޓަކު ވެސް ނެތި އެވެ. 

ޝެއިހް ސަލްމާން ވިދާޅުވީ، މިދިޔަ 10 އަހަރު ތެރޭ ފީފާ އިން އިންފަންޓީނޯގެ ލީޑަޝިޕްގެ ދަށުން އޭއެފްސީއާ އެކު ވަރަށް ގާތްގުޅުމެއް ބަހައްޓައިގެން މަސައްކަތްތައް ކޮށްފައިވާ ކަމަށެވެ. އަދި، އެ މުއްދަތުގައި އޭއެފްސީ އާއި މުޅި ދުނިޔޭގެ ފުޓްބޯޅައިގެ ކުރިމަގަށްޓަކައި ފީފާ އިން ގިނަގުނަ މަސައްކަތްތަކެއް ކޮށްފައިވާ ކަމަށް ޝެއިހް ސަލްމާން ވިދާޅުވެފައިވެ އެވެ. 

"ފީފާ މިހާރު އޮތީ އެންމެ ރަނގަޅު ހިސާބުގައި. އެހެންވެ، އަހަރެމެން (އޭއެފްސީން) ނިންމާފައި މި ވަނީ އިންފަންޓީނޯ އަށް ސަޕޯޓް ދޭން ނިންމާފައި، ކުރިއަށް އޮތް ފީފާގެ 2027-2031 ގެ ދައުރަށް ވެސް. އަހަރެމެން މި ތިބީ 2016 އިން ފެށިގެން ދެ ގޮތެއް ނުވެ، އިންފަންޓީނޯގެ އަރިހުގައި،" ޝެއިހް ސަލްމާން ވިދާޅުވި އެވެ. 

އޭޝިއާގެ ފުޓްބޯޅައިގެ ކުރިމަގު ބައްޓަން ކުރުމަށްޓަކައި، ފީފާގެ މިހާރުގެ ލީޑަޝިޕުން ދެމުން އަންނަ އެއްބާރުލުމަށްޓަކައި، ޝެއިހް ސަލްމާން ވަނީ ޝުުކުރު އަދާކޮށްފަ އެވެ. 

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox