ރަނގަޅު ވަގުތުގައި ލިވަޕޫލަށް ކޯޗުކޮށްދިނުމަކީ ޖެރާޑްގެ އުންމީދެއް

Apr 3, 2026, 12:45 AM
ސްޓީވެން ޖެރާޑް

ސްޓީވެން ޖެރާޑް

ލިވަޕޫލް (މާޗް 3) - ކޯޗިން ކެރިއަރުގެ ކޮންމެ ވެސް ހިސާބަކުން ލިވަޕޫލަށް ކޯޗުކޮށްދިނުމަކީ އޭނާ ކުރާ އުންމީދެއް ކަމަށް އެ ޓީމުގެ ކުރީގެ ކެޕްޓަން، ސްޓީވެން ޖެރާޑް ބުނެފި އެވެ. 

ލިވަޕޫލްގެ ކޯޗު އާނާ ސްލޮޓްގެ މުސްތަގުބަލާ މެދު ސުވާލު އުފެދިފައިވާއިރު، އެ ޓީމުން މި ސީޒަނުގައި ނެރެމުން އަންނަ ދަށް ނަތީޖާތަކުގެ ސަބަބުން، އޭނާ ވަކިކޮށް، މި ސީޒަނުގެ ނިޔަލަށް ވަގުތީ ކޯޗަކަށް ޖެރާޑް ގެނައުމުގެ ވާހަަކަތައް ވެސް އަންނަނީ ދެކެވެމުންނެވެ. 

ޖެރާޑް ބުނީ ލިވަޕޫލްގެ އިސް ފަރާތްތަކާ އެކު އަބަދުވެސް ހާއްސަ ގުޅުމެއް އޮންނަ ކަމަށާއި، އެކަމަކު އެއްވެސް އިރެއްގައި އަދި ލިވަޕޫލްގެ މަގާމަށް އަންނަން މި ފަހުން ވާހަކަ ދައްކާފައިނުވާނެ ކަމަށެވެ. އެކަމަކު، ކޯޗިން ކެރިއަރުގެ ކޮންމެ ވެސް ހިސާބަކުން ލިވަޕޫލަށް އިރުޝާދުދިނުމަކީ އުންމީދެއް ކަަމަށް ޖެރާޑް ވަނީ ބުނެފަ އެވެ. 

Advertisement

"އަހަރެން އަބަދުވެސް ބުނަން ލިވަޕޫލަށް ކޯޗުކޮށްދިނުމުގެ އުންމީދެއް އެބައޮތޭ. އެކަމަކު، މި ވަގުތު މިހާރު ތި ދައްކާ ވަގުތީ މަގާމަށް ކޯޗަކަށްދާން އަހަރެން ތައްޔާރުތޯ އެއީ ސުވާލެއް،" ޖެރާޑް ބުންޏެވެ. "ޔަގީނުން ވެސް މުސްތަގުބަލުގައި އެންމެ މަތީ ފެންވަރުގެ ކޯޗަކާ އެކު ލިވަޕޫލްގައި މަސައްކަތް ކޮށްލުމަކީ އަހަންނަށް ވަރަށް ބޮޑު ކަމަަކަށްވާނެ ޔަގީނުން ވެސް،" 

ލިވަޕޫލުން އެއްވެސް ސިފައެއްގައި އޭނާގެ ބޭނުން ޖެހިގެން އެހީ އަށް އެދެފިނަމަ އަބަދުވެސް އެކަމެއް ކޮށްދިނުމަށްޓަކައި، ހާލަތުގެ ގޮތުން ބަލާފައި ތައްޔާރަށް ހުންނާނެ ކަމަށް ޖެރާޑް ވަނީ ބުނެފަ އެވެ. 

ލިވަޕޫލަށް 1999 އިން ފެށިގެން 2015 އަށް ކުޅެދިން ޖެރާޑް ފުޓްބޯޅައިން ރިޓަޔާކުރުަމަށް ފަހު، 2017 ވަނަ އަހަރު ކޯޗިން ކެރިއަރު ފެށީ  ލިވަޕޫލްގެ ޔޫތު ޓީމުތަކުންނެވެ. ކޯޗިންގައި ޖެރާޑް ވަނީ ސްކޮޓްލެންޑްގެ ރޭންޖާސް އާއި އިނގިރޭސި ޕްރިމިއާ ލީގުގެ އެސްޓަން ވިލާގެ އިތުރުން ސައުދީ ޕްރޮފެޝަނަލް ލީގު (ޕްރޯ ލީގު)ގެ އަލް އިއްތިފާގަށް ކޯޗުކޮށްދީފަ އެވެ. އަލް އިއްތިފާގުގެ ކޯޗުކަމުން މިދިޔަ އަަހަރުގެ ޖެނުއަރީ މަހު ވަކިވި ފަަހުން ޓީމަކާ ހަވާލެއްނުވެ އެވެ.  

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox