ވީއޭއާރްގެ ޝަކުވާ ހިފައިގެން ބާސެލޯނާ އިން ޔުއެފާ އަށް

Apr 10, 2026, 7:42 AM
އެތުލެޓިކޯއާ ދެކޮޅަށް ކުޅުނު މެޗުގެ ތެެރެއިން ޔަމާލް

އެތުލެޓިކޯއާ ދެކޮޅަށް ކުޅުނު މެޗުގެ ތެެރެއިން ޔަމާލް

ބާސެލޯނާ (އޭޕްރީލް 10) - ޔުއެފާ ޗެމްޕިއަންސް ލީގުގެ ކުއާޓާ ފައިނަލްގެ ފުރަތަމަ ލެގުގައި 2-0 އިން އެތުލެޓިކޯ މެޑްރިޑް އަތުން ބާސެލޯނާ ބަލިވި މެޗުގައި ވީޑިއޯ އެސިސްޓަންޓް ރެފްރީ (ވީއޭއާރް) އިން ނިންމި ނިންމުންތަކުގެ ޝަކުވާ ރަސްމީކޮށް ޔޫރަޕްގެ މައި ފުޓްބޯޅަ އިދާރާ، ޔުއެފާ އަށް ބާސެލޯނާ އިން ހުށަހަޅައިފި އެވެ. 

އެ ގޮތުން، ބާސެލޯނާ އިން ހުށަހަޅާފައިވާ މައްސަލައިގައި ބުނެފައިވަނީ، މެޗުގެ 54 ވަނަ މިނިޓްގައި އެ ޓީމަށް ޕެނަލްޓީއެއް ދޭން ޖެހޭ ކަމަށެވެ. އެއީ، އޭރިއާތެރެއިން އެތުލެޓިކޯގެ މާކް ޕުބިލް، ބޯޅައިގައި އަތްލިއިރު އެ މަންޒަރުތައް ރަނގަޅަށް ފެންނައިރު ވެސް ވީއޭއާރް އިން ގަވާއިދާ އެއްގޮތަށް ކަންކަން ބަލާފައިނުވާތީ އެވެ. އަދި، ހިނގައިދިޔަ އެ ކަންތައް، މެޗުގެ ރެފްރީ، އިސްތަވާން ކޮވަކްސް އާއި ވީއޭއާރް ރެފްރީ، ކްރިސްޓިއަން ޑިންގާޓް ވެސް ބަލާފައި ނުވާ ކަމަށް ބާސެލޯނާގެ މައްސަލައިގައި ވަނީ ފާހަގަކޮށްފަ އެެވެ. 

ބާސެލޯނާ އިން ވަނީ ހިނގައިދިޔަ މި ކަންކަން އެ ކްލަބުން ވީ އެންމެ ރަނގަޅަށް ދެނަގަންނަން ބޭނުންވާ ކަމަށާއި މިއީ މަަތީ ފަންތީގެ ފުޓްބޯޅައިގައި ހިނގައިގެން ވާނެ ވަރުގެ ކަމެއް ނޫން ކަމަށެެވެ. 

އެތުލެޓިކޯ އިން މި މެޗުގެ ކޮންޓްރޯލް ނެގީ ވެސް ވީއޭއާރްގެ ނިންމުމަކާ އެކު އައި ކަމެއްގެ ތެރެއިން ޖެހި ގޯލަކުންނެވެ. އެ ގޮތުން، ބާސެލޯނާގެ ޒުވާން ޑިފެންޑަރު، ޕައު ކުބަރްސީ، އެ ޓީމުގެ އެންމެ ފަހަތުގައި ހުރެފައި އެތުލެޓިކޯގެ ޖޫލިއަން އަލްވަރޭޒަށް ހުރަސް އެޅުމުން، ފުރަތަމަ ދެއްކި ރީނދޫ ކާޑު، ރަތް ކާޑަކަށް ބަދަލުކުރީ ވީއޭއާރް އިން ބަލައިފަ އެވެ. އެ ފައުލަށް ދިން ހިލޭ ޖެހުމުން، އަލްވަރޭޒް ވަނީ އެތުލެޓިކޯ އަށް މެޗުގެ ލީޑުނަގައިދީފަ އެވެ. 

މެޗަށް ފަހު، ބާސެލޯނާގެ ކޯޗު ހަންސީ ފްލިކް ވަނީ ވަރަށް ބޮޑަށް ވީއޭއާރްގެ ނިންމުންތަކަށް ފާޑުކިޔައިފަ އެވެ. 

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox