ވިނީޝިއުސްގެ ލަނޑުތަކާ އެކު ރެއާލުން އެތުލެޓިކޯ ބަލިކޮށްފި

Mar 23, 2026, 4:42 AM
ވިނީޝިއުސްގެ ލަނޑުތަކާ އެކު ރެއާލުން އެތުލެޓިކޯ ބަލިކޮށްފި

މެޑްރިޑް (މާޗް 23) - ސްޕެނިޝް ލީގުގައި ރޭ ވިނީޝިއުސް ޖޫނިއާ ޖެހި ލަނޑުތަކާ އެކު، ރެއާލް މެޑްރިޑުން 3-2 އިން އެތުލެޓިކޯ މެޑްރިޑް ބަލިކޮށްފި އެވެ.

ލީގުގެ އެއް ވަނައިގައި އޮތް ބާސެލޯނާ އިން ރޭ ވަނީ ރޮނާލްޑް އަރައުހޯ ޖެހި ހަމައެކަނި ލަނޑުން 1-0 އިން ރަޔޯ ވަޔެކާނޯ ބަލިކޮށްފަ އެވެ. ބާސެލޯނާ، ލީގުގެ އެއް ވަަނައިގައި އޮތީ 29 މެޗުން 73 ޕޮއިންޓް ހޯދައިގެންނެވެ. ދެ ވަނައިގައި އޮތް ރެއާލަށް 29 މެޗުން 69 ޕޮއިންޓް ލިބިފައިވާއިރު، ތިން ވަނައިގައި އޮތް ވިޔަރެއާލަށް 29 މެޗުން 58 ޕޮއިންޓް އަދި ހަތަރެއްގައި އޮތް އެތުލެޓިކޯ އަށް 29 މެޗުން 57 ޕޮއިންޓް ވަނީ ލިބިފަ އެވެ.

އަމިއްލަ ދަނޑުގައި ކުޅުނު ރެއާލުން ރޭގެ މެޗު ފަށައިގެން ރަނގަޅު ކުޅުމެއް ދައްކަމުން ދިޔަ ނަމަވެސް މެޗުގައި ލީޑުނެގީ އެތުލެޓިކޯ އިންނެވެ. އެ ގޮތުން، އެތުލެޓިކޯ އަށް ލީޑުނަގައިދިން ލަނޑު ޖަހައިދިނީ 33 ވަނަ މިނިޓްގައި އަޑެމޯލާ ލުކްމަން އެވެ. މިއީ، ޖިއުލިއާނޯ ސިިމިއޯނީ ދިން ބޯޅައަކުން ލުކްމަން ޖެހި ލަނޑެކެވެ.

Advertisement

ފުރަތަމަ ހާފުގައި ކުރީގައި އޮވެގެން ނިންމާލި އެތުލެޓިކޯ އަށް ދެ ވަނަ ހާފު ފަށައިގެން މާގިނައިރު ކުރީގައި އޮވެވޭ ގޮތެއްނުވި އެވެ. އެ ގޮތުން، މެޗުގެ 52 ވަނަ މިނިޓްގައި ޕެނަލްޓީ އަކުން ވިނީޝިއުސް ވަނީ އެއްވަރުކޮށްފަ އެވެ. މިއީ، ރެއާލްގެ ބްރަހިމް ޑިއާޒަށް އެތުލެޓިކޯ އޭރިއާތެރެއިން ޑޭވިޑް ހެންކޯ ކުރި ފައުލަަކަށް ދިން ޕެނަލްޓީ އެކެވެ. އެއްވަރުކުރިތާ ތިން މިނިޓް ފަހުން، ރެއާލުން ވަނީ މެޗުގައި ފުރަތަމަ ފަަހަރަށް ލީޑުނަގައިފަ އެވެ. އެތުލެޓިކޯގެ ފަހަތުން ހެދި ގޯހެއްގެ ފައިދާނަގައި މި ލަނޑު ޖެހީ ފަހަކަށް އައިސް ލަނޑު ޖެހުމުގެ ރަނގަޅު ފޯމެއްގައި ހުރި ފެޑެރީކޯ ވަލްވޭޑޭ އެވެ.

އެތުލެޓިކޯ އިން އެއްވަރުކުރީ، މެޗުގެ 66 ވަނަ މިނިޓްގައި ނަަހުއެލް މޮލީނާ، އޭރިއާބޭރުން ގޯލުގެ މަތީ ކަނަށް ފޮނުވާލި ގޯލަކުންނެވެ. އެކަމަކު، އޭގެ ހަ މިނިޓް ފަހުން، ޓްރެންޓް އަލެކްސަންޑަ އާނޯލްޑް ތަނަވަސްކޮށްދިން ފުރުސަތެއްގައި، ވިނީޝިއުސް ވަނީ ރެއާލް މޮޅުކޮށްދިން ލަނޑު ޖަހައިފަ އެވެ.

ރެއާލުން މެޗުގެ ފަހު ކޮޅުގަައި ކުުޅުނީ ކުޅުންތެރިއަކު މަދުކޮށެވެ. އެއީ، އެ ޓީމުގެ ވަލްވޭޑޭ އަށް ރަތެއް ދެއްކުމުންނެވެ. މެޗުގެ 77 ވަނަ މިނިޓްގައި ވަލްވޭޑޭ އަށް ރަތެއް ދެއްކީ، އެތުލެޓިކޯގެ އަލެކްސް ބައޭނާ އަށް ކުރި ނުރައްކާތެރި ފައުލަކާ ގުޅިގެންނެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox