ރާއްޖޭގެ ހަބަރުތަކުގެ ތެރެއިން އިއްޔެ އެންމެ ފާހަގަކޮށްލެވެނީ 500 މިލިއަން ޑޮލަރުގެ ސުކޫކު ސަރުކާރުން ދެއްކުމެވެ. މި ބޮޑު ދަރަނި އަދާކުރަންޖެހޭ މުއްދަތު ހަމަވާނީ މި މަހުގެ 8 ވަނަ ދުވަހަށެވެ. ނަމަވެސް ލޯކަލް ކައުންސިލް އިންތިހާބާއި ފެންނަ ނުފެންނަ ވޯޓު ހޮނިހިރު ދުވަހު ބާއްވާތީ ލޯނު އަނބުރާ ދެެެއްކިކަން ސަރުކާރުން އިއްޔެ އިއުލާނު ކުރި އެވެ. މި ލޯނު ދެއްކީ ރިޒާވުން ފައިސާ ނަގައިގެންނާއި އެސްޑީއެފްގައި ހުރި ފައިސާ ވެސް ބޭނުންކޮށްގެންނެވެ.
ތިރީގައި ވަނީ އިއްޔެ ހަބަރުތަކުގެ ތެރެއިން ފާހަގަކޮށްލެވޭ ހަބަރުތަކެވެ.
ރިޒާވާއި އެސްޑީއެފް ބޭނުންކޮށްގެން ސުކޫކަށް 500 މިލިއަން ޑޮލަރު ދައްކައިފި
އެސްޑީއެފްގައި ހުރި ފައިސާ އާއި ރިޒާވު ބޭނުންކޮށްގެން ސުކޫކު ދެއްކި ކަމަށް ފިނޭންސުން ބުނި ނަމަވެސް އޭގެ ތަފުސީލުތަކެއް ނުދޭ.
ސަމާހު މެރުމަށް ދެވަނަ ފަހަރަށް ކޯޓުން ހުކުމްކޮށްފި
ކ. ކާށީދޫ ޕޮލިސް ސްޓޭޝަނުގައި މަސައްކަތް ކުރި އާދަމް ހަލީމް ނިޔާވީ ޖުލައި 23، 2012، ގައި. އެ މައްސަލައިގައި ސަމާހުގެ މައްޗަށް 2014 ވަނަ އަހަރު ކްރިމިނަލް ކޯޓުން އަދި 2020 ވަނަ އަހަރު ހައި ކޯޓުގައި ވެސް ކުށް ސާބިތުވި.
ވެމްކޯގެ މުސާރައިގެ މައްސަލަ ބޮޑުވެ މިދިޔަ މަހުގެ މުސާރަ އަދިވެސް ނުލިބޭ
އަދަދު އަށް އެނގިފައިވާ ގޮތުގައި އާންމު ގޮތެއްގައި ކޮންމެ މަހެއްގެ އެއްވަނަ ދުވަހު މުވައްޒަފުންނަށް މުސާރަ ދޭ ވެމްކޯއަށް މި އަހަރު ފެށުނުފަހުން މުސާރަ ދިނުމުގައި ލަސްތަކެއް ދިމާވާން ވަނީ ފަށާފައި.
އެމްޑީޕީގެ ކެންޑިޑޭޓުންނާ ދެކޮޅަށް މަސައްކަތްކުރާތީ ވިލިނގިލި ދާއިރާގެ ނައިބުރައީސަށް ފިޔަވަޅު އަޅައިފި
އެމްޑީޕީން ބުނީ އަމީޒް ހަސަންއަށް ފިޔަވަޅު އެޅީ އެ ޕާޓީގެ ކެންޑިޑޭޓުންނާ ދެކޮޅަށް މަސައްކަތްކުރާތީ، އެ މައްސަލައިގެ ތަހުގީގު ކުރިއަށްދާތީ ކަމަށް.
ހުޅުލޭ-ހުޅުމާލެ ހައިވޭގެ އަރިމަތީގައި ޑްރޭގް ރޭސިން ސްޓްރިޕެއް އަޅަން ބިން ހިއްކަނީ
ރޭސިން ޓްރެކް މަޝްރޫއުގެ ފުރަތަމަ ފިޔަވަހީގެ ދަށުން ހިއްކަނީ ހުޅުލޭ-ހުޅުމާލޭ އިރުން އޮންނަ ހައިވޭގެ އަރިމައްޗަށްވާ ގޮތަށް އޮންނަ ފަޅުގެ ސަރަހައްދު.
އުމްރާ ދަތުރުގެ އިތުރުން ޓީވީ އާއި އޭސީ އާއި ފްރިޖްވެސް ޕީއެންސީން ބަހަނީ
އަދަދު އަށް އެނގިފައިވާ ގޮތުގައި އޭސީ އާއި ފްރިޖް ބެހީ ސ. ހުޅުދޫގައި ހުންނަ ޕީއެންސީ ހަރުގެއިން. އެއީ ގުރުއަތު ނަގައިގެން ހޮވޭ ނަސީބުވެރިންގެ މެދުގައި.
ސިމެންތި ލިބޭ ކަމަށް ބުނެ ހަނގުރާމައިގެ ހާލަތުގައި ވެސް އެސްޓީއޯއިން އާންމުންނަށް އޮޅުވާލަނީ
ޕީއެންސީ އިން ވޯޓު އޮޅުވާލަން މަސައްކަތް ކުރާކަމުގެ ތުހުމަތު
އަށްވަނަ އިސްލާހު ގާނޫނުއަސާސީގައި ހިމެނި ކަމަށް ދައްކަނީ ޓެކްނިކަލް މައްސަލައަކުން: އޭޖީ އޮފީސް
އަށްވަނަ އިސްލާހު ގެނައުމުގެ ބިލު އެއްވެސް ވަރަކަށް ޝާއިއުކޮށްފައި ނުވާނެ އެ ވެބްސައިޓުގައި. މަތީގައި އިންނަ ސުރުހީގެ ދަށުން އަށްވަނަ އިސްލާހު ހިމަނާފައިވާ ކަމަށް ދައްކަނީ ފަސްވަނަ އިސްލާހަށް އިތުރު އިސްލާހެއް ގެނެސްފައިވާތީ ނަންބަރުތައް އޮޓޯއިން ތަރުތީބުވާތީ - އޭޖީ އޮފީސް
ސިމެންތީގެ ތާށިކަން އިތުރުވެ ބަސްތާއެއްގެ އަގު 300 ރުފިޔާއިން މައްޗަށް
ގާނޫނުއަސާސީއަށް ގެންނަ ބަދަލު ރެފަރެންޑަމް ނުބާއްވަނީސް އޭޖީ އޮފީހުގެ ވެބްސައިޓެއްގައި ޝާއިއުކޮށްފި
އަދިވެސް އެ ވެބްސައިޓުގައި ގާނޫނުއަސާސީއަަށް ދިޔުމުން އެންމެ މަތީގައި އިން ސުރުހީގެ ދަށުގައި އިނީ "މި ގާނޫނުއަސާސީއަށް ގެނެސްފައިވާ އަށްވަނަ އިސްލާހު ހިމެނޭ ގޮތަށް" ކަމަށް.
އިންތިހާބާ ދިމާކޮށް ޕީޖީ އޮފީހުގެ މުވައްޒަފުންނަށް ޕްރޮމޯޝަންތަކެއް ދޭން ފަށައިފި
ނަން ނުޖެހުމަށް ޝަރުތުކޮށް އަދަދު އާ ވާހަކަދެއްކި ޕީޖީ އޮފީހުގެ ބައެއް މުވައްޒަފުން ބުނީ މި ހަފުތާގެ ތެރޭގައި އެ އޮފީހުގެ މުވައްޒަފުންނަށް ޕްރޮމޯޝަން ދޭން ފަށާފައިވާ ކަމަށެވެ. ނަމަވެސް، އޭގެ ތަފުސީލެއް އޭނާ ނުދެ އެވެ.
ހުޅުމާލޭ މަގުމަތިން 600 އަށް ވުރެ ގިނަ ޕާކިން ސްލޮޓު ވިއްކާލައިފި
އިތުބާރު ހުރި މަސްދަރުތަކުން މައުލޫމާތު ދިން ގޮތުގައި މި ޕާކިން ސްލޮޓުތައް ވިއްކާފައިވަނީ އުސޫލާ ހިލާފަށް ބައެއް މީހުންގެ އަތުން ސްލޮޓަކަށް 35,000ރ. އާއި 50,000ރ. ދެމެދުގެ އަދަދެއް ނަގައިގެން
