ސުކޫކު އަނބުރާ ދެއްކުމުގެ ޕްލޭން ސިއްރުކޮށްފައި އޮތުމުން އިންވެސްޓަރުންގެ ކަންބޮޑުވުން

ފިނޭންސް މިނިސްޓަރު ޒަމީރު އަދި ރައީސް މުއިއްޒު

ފިނޭންސް މިނިސްޓަރު ޒަމީރު އަދި ރައީސް މުއިއްޒު

އަންނަ މަހު ދިވެހި ސަރުކާރުން އަނބުރާ ދައްކަން ޖެހޭ ސުކޫކުގެ ސުންގަޑި ކައިރިވަމުން އަންނައިރު، އެ ފައިސާ ދެއްކުމުގެ ޕްލޭން ސިއްރުކޮށްފައި އޮތުމުން ބައެއް އިންވެސްޓަރުން ކަންބޮޑުވުން ފާޅުކުރަން ފަށައިފި އެވެ.

އަންނަ މަހުގެ އަށްވަނަ ދުވަހު މި ސުކޫކުގެ ބުލެޓް ޕޭމަންޓުގެ ގޮތުގައި 500 މިލިއަން ޑޮލަރު އަދި ފަހު ކޫޕަން ޕޭމަންޓުގެ ގޮތުގައި 25 މިލިއަން ޑޮލަރު ދައްކަން ޖެހެ އެވެ. މި ސުކޫކު އަނބުރާ ދެއްކުމަށް ބޭނުންވާ ފައިސާ އެއްވެސް ދައްޗެއް ނެތް ކަމަށް ސަރުކާރުން އޮތީ ބުނެފަ އެވެ.

ޖަޕާނުގެ އެންމެ ބޮޑު މާލީ ނޫސް ކަމަށްވާ "ނިކެއި"ގައި ރިޕޯޓުކޮށްފައިވާ ގޮތުގައި ސަރުކާރުން މިކަމުގައި ސާފު ސީދާ މައުލޫމާތު ހާމަކުރަމުން ނުދާތީ އިންވެސްޓަރުންގެ ކަންބޮޑުވުން އެބައޮތެވެ.

Advertisement

"މުއްދަތު ހަމަވާން ދެ ހަފުތާއަށް ވެފައިވާއިރު، ސަރުކާރުން ކާގިލް އާއެކު އެއްބަސްވުމެއްގައި ސޮއިކޮށްފިތޯ ނުވަތަ ނޫންތޯ ކެޕިޓަލް މާކެޓްތަކަށް ސިއްރުކޮށްފައި އޮތުމުން މިއީ ރާއްޖޭގެ މާލީ ހަގީގަތް ހާމަވާނެ ވަގުތު ކައިރިވަމުން އަންނައިރު، މާ ރަނގަޅު ނިޝާނެއް ނޫން،" ނިކެއިއާ ވާހަކަ ދެއްކި ޔޫރަޕުގެ އިންވެސްޓަރަކު ނަން ނުޖެހުމަށް ޝަރުތުކޮށް ބުނެފައިވެ އެވެ.

އެ ރިޕޯޓުގައި މާލީ ތަޖުރިބާކާރު އަދި އިކޮނޮމިސްޓު އަހުމަދު ސަރުވަޝް އާދަމްއާ ހަވާލާދީ ބުނެފައިވާ ގޮތުގައި ސަރުކާރުން މަސައްކަތް ކުރަނީ އެމެރިކާގެ ކާގިލް ކާގިލްސް އިންޓަނޭޝަނަލް ފައިނޭންސް މެދުވެރިކޮށް 300 މިލިއަން ޑޮލަރުގެ ލޯނެއް ނެގުމަށެވެ.

"ސަރުކާރުން ސުކޫކް ދެއްކުމަށްޓަކައި ކާގިލް އަތުން ގާތްގަނޑަކަށް 300 މިލިއަން ޑޮލަރު ދަރަންޏަށް ހޯދުމަށް މަޝްވަރާ ކުރަމުންދޭ. ރައީސުލްޖުމްހޫރިއްޔާ ވިދާޅުވެފައިވަނީ ސަރުކާރުން 9 ޕަސެންޓަށް ވުރެ ބޮޑު އިންޓަރެސްޓެއްގައި ފައިސާ ނުނަގާނެ ކަމަށް. ނަމަވެސް، ކާގިލް އިން ބޭނުންވަނީ 13 ޕަސެންޓުގެ އިންޓަރެސްޓެއް،" އެ ރިޕޯޓަށް ސަރުވަޝް ވިދާޅުވެފައިވެ އެވެ.

ސަރުކާރުން ސުކޫކު ދެއްކުމަށް 650 މިލިއަން ޑޮލަރު ރައްކާކޮށްފައިވާ ރައީސް މުހައްމަދު މުއިއްޒު ހާމަކުރެއްވީ މި މަހުގެ ކުރީކޮޅު އެވެ. އެއީ ސޮވަރިން ޑިވެލޮޕްމަންޓް ފަންޑް (އެސްޑީއެފް) ގައި ހުރި 320 މިލިއަން ޑޮލަރާއި ޔޫސަބަލް ރިޒާވުގައި ބޭނުންކުރެވޭ ގޮތަށް ހުރި ޑޮލަރު ކަމަށް މުއިއްޒު އެ ދުވަހު ހާމަކުރެއްވި އެވެ.

"ސަރުކާރުން ބުނާ ގޮތަށް ސުކޫކަށް ފައިސާ ދެއްކޭނެ ވަރަށް ބޭރު ފައިސާގެ ރިޒާވު ހުރި ނަމަ، ކާގިލްއަށް ބަރޯސާވާންޖެހޭ ސަބަބެއް ނެތް. އެހެން ނޫން ނަމަ، އެ ބުނާ ރެކޯޑު ރިޒާވު އަދަދުތަކަކީ ހަމައެކަނި ކަރުދާހުގައި ހުރި އަދަދުތަކެއް،" އެ ރިޕޯޓަށް ވާހަކަ ދެއްކި އިންވެސްޓަރު ބުނެފައިވެ އެވެ.

ސުކޫކު ދެއްކޭނެ ވަރަށް ސަރުކާރުގައި ފައިސާ ހުއްޓަސް، އެސްޑީއެފް އާއި ރިޒާވުގައި ހުރި ފައިސާ ބޭނުންކުރުމަކީ ސަރުކާރުގެ ޕްލޭނެއް ނޫނެވެ.

ސަރުކާރުގެ ޕްލޭނުގައި އޮތީ 500 މިލިއަން ޑޮލަރުގެ ތެރެއިން 150 މިލިއަން ޑޮލަރު އެސްޑީއެފްއިން ދެއްކުމަށް ފަހު ބާކީ 350 މިލިއަން ޑޮލަރު ރީފައިންނޭންސް ކުރާ ގޮތަށެވެ.

ސުކޫކަށް ފައިސާ ދައްކާ ގޮތް އެ ފައިސާ އަނބުރާ ދެއްކުމަށް ފަހު ހާމަކުރާނެ ކަމަށް ފިނޭންސް މިނިސްޓަރު އޮތީ ވިދާޅުވެފަ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox