ރިޒާވާއި އެސްޑީއެފް ބޭނުންކޮށްގެން ސުކޫކަށް 500 މިލިއަން ޑޮލަރު ދައްކައިފި

ފިނޭންސް މިިނިސްޓަރު މޫސާ ޒަމީރު ނޫސްވެރިންގެ ބައްދަލުވުމެއްގައި: މިނިސްޓަރު ވަނީ ސުކޫކު ދެއްކުމަށް ފަހު ދެއްކި ގޮތުގެ ތަފުސީލުތައް ހިއްސާކުރައްވާނެ ކަމަށް ވިދާޅުވެފައި --- ފޮޓޯ: ރައީސް އޮފީސް

ފިނޭންސް މިިނިސްޓަރު މޫސާ ޒަމީރު ނޫސްވެރިންގެ ބައްދަލުވުމެއްގައި: މިނިސްޓަރު ވަނީ ސުކޫކު ދެއްކުމަށް ފަހު ދެއްކި ގޮތުގެ ތަފުސީލުތައް ހިއްސާކުރައްވާނެ ކަމަށް ވިދާޅުވެފައި --- ފޮޓޯ: ރައީސް އޮފީސް

ދައުލަތުގެ ރަސްމީ ރިޒާވާއި ސޮވަރިން ޑިވެލޮޕްމަންޓް ފަންޑުގައި ހުރި ޑޮލަރު ބޭނުންކޮށްގެން ސުކޫކަށް ދައްކަން ޖެހޭ 500 މިލިއަން ޑޮލަރު ދައްކާފައިވާ ފިނޭންސް މިނިސްޓްރީން މިއަދު ބުނެފި އެވެ.

މިކަމާ ގުޅިގެން ފިނޭންސް މިނިސްޓްރީން ނެރުނު ނޫސް ބަޔާނެއްގައި ބުނީ މި 500 މިލިއަން ޑޮލަރާއި ސުކޫކުގެ ފައިދާއަށްވާ ރޭޓަށްވާ 24.68 މިލިއަން އެމެރިކާ ޑޮލަރާއެކު ޖުމްލަ 524.68 މިލިއަން އެމެރިކާ ޑޮލަރު ސަރުކާރުން ދައްކައި ހަލާސްކޮށްފައި ކަމަށެވެ. އަދި މީގެ ސަބަބުން ޖީޑީޕީގެ ނިސްބަތުން ޖުމްލަ ދަރަނީގެ މިންވަރު ކުޑަވެގެންދާނެ ކަމަށް ވެސް ފިނޭންސުން ބުންޏެވެ.

އެސްޑީއެފްގައި ހުރި ފައިސާ އާއި ރިޒާވު ބޭނުންކޮށްގެން ސުކޫކު ދެއްކި ކަމަށް ފިނޭންސުން ބުނި ނަމަވެސް އޭގެ ތަފުސީލުތަކެއް ނުދެ އެވެ. މީގެ ކުރިން ފިނޭންސް މިނިސްޓަރު މޫސާ ޒަމީރު ވިދާޅުވެފައި ވަނީ ފައިސާ ދެއްކުމަށް ފަހު އޭގެ ތަފުސީލުތައް ހާމަކުރާނެ ކަމަށެވެ.

Advertisement

މީގެ ފަސް އަހަރު ކުރިން އެމްޑީޕީ ސަރުކާރުގައި ވިއްކި މި ބޮންޑަކީ އޭގެ ކުރީ ސަރުކާރުން ނަގާފައިވާ 250 މިލިއަން ޑޮލަރުގެ "ސަނީ ސައިޑް" ބޮންޑް އަދާކުރަން ވިއްކި ބޮންޑެކެވެ. ފިނޭންސުގެ ބަޔާނުގައި މިކަން ފާހަގަކޮށް، ކުރީ ސަރުކާރަށް ފާޑުކިޔަމުން ބުނީ، އެ ފައިސާ ނެގީ އަނބުރާ ދެއްކޭނެ ގޮތެއް ނުހޯދާ ކަމަށެވެ.

"ދުނިޔެ އާއި ރާއްޖޭގެ އިގުތިސާދަށް ހީނަރުކަން ކުރިމަތިވެފައި އޮތް ދަނޑިވަޅެއްގައި، އޭރުގެ މާލީ ބާޒާރުގެ އަގުތަކާއި އަޅާބަލާއިރު ބޮޑުއަގެއްގައި މި ސުކޫކު ވިއްކާފައިވަނީ، އަނބުރާ ދެއްކުމުގެ ހަރުދަނާ ސިޔާސަތެއް ނެތި". ފިނޭންސުން ބުންޏެވެ.

ކުރީ ސަރުކާރުން މިހެން ކަން ކުރި ނަމަވެސް، ފިނޭންސުން ބުނީ، މި ސަރުކާރުން ވެރިކަމާ ހަވާލުވުމަށް ފަހު ސުކޫކު އަނބުރާ ދައްކަން މުހިންމު ފިޔަވަޅުތަކެއް ތަންފީޒުކުރަން ފެށި ކަމަށެވެ. މި ފިޔަވަޅުތަކުގެ ތެރޭގައި އެސްޑީއެފްއަށް ޑޮލަރު ޖަމާކުރަން ފެށުމާއި އެ ފަންޑަށް ޖަމާކުރާ އެއާޕޯޓު ޑިވެލޮޕްމަންޓް ފީ ބޮޑުކުރުން ފާހަގަކުރި އެވެ.

މި ފިޔަވަޅުތަކުގެ ސަބަބުން އެސްޑީއެފްގެ ޑޮލަރު ބެލެންސް ފުރަތަމަ ފަހަރަށް 350 މިލިއަން ޑޮލަރަށް ވުރެ އިތުރުވި ކަމަށް ފިނޭންސުން ބުންޏެވެ. މިކަން ފާހަގަކުރި ނަމަވެސް މި 350 މިލިއަން ޑޮލަރުގެ ތެރެއިން ސުކޫކު ދައްކަން އަނބުރާ ބޭނުންކުރި ވަރެއް ބަޔާނުގެ އެއްވެސް ހިސާބެއްގައި ނެތެވެ. ނަމަވެސް ކުރިއަށް އޮތް ތަނުގައި ވެސް ދައްޗެއް ނެތި ކުރިއަށް ދާނެ ކަމުގެ ކޮންމެވެސް ވަރެއްގެ ޔަގީންކަމެއް ދީފައި ވެ އެވެ.

"ސުކޫކު އަނބުރާ ދެއްކުމަށްފަހު، ދިވެހި ސަރުކާރުން އެންމެ ބޮޑު އިސްކަމެއް މި ވަގުތު ދެނީ ރާއްޖެއަށް ބޭނުންވާ ތެލާއި އެހެނިހެން އަސާސީ ހިދުމަތްތަކާއި ތަކެތި މެދުކެނޑުމެއްނެތި ރައްޔިތުންނަށް ފޯރުކޮށްދިނުމަށާއި، އިގުތިސާދީ ހަރަކާތްތައް ހުއްޓުމެއްނެތި ކުރިއަށްގެންދިއުމަށް މަގުފަހި ކޮށްދިނުމަށް،" ފިނޭންސުން ބުންޏެވެ.

ފިނޭންސުން ވަނީ މި މަހުގެ ނިޔަލަށް އަދާކުރަން ޖެހޭ އަބޫ ދާބީ ފަންޑުގެ 100 މިލިއަން ޑޮލަރު ރޯލްއޯވާކުރުމުގެ މަސައްކަތް ނިމިފައިވާ ކަމަށް ވެސް ބަޔާނުގައި ބުނެފަ އެވެ.

ރިޒާވާއި އެސްޑީއެފްގައި ހުރި ފައިސާ ބޭނުންކޮށްގެން ސުކޫކަށް އަނބުރާ ފައިސާ ދެއްކުމަކީ ސަރުކާރުގެ ޕްލޭން ކަމަށް ރައީސް މުހައްމަދު މުއިއްޒު ހާމަކުރެއްވީ، މިދިޔަ މަހުގެ 2 ގައި، ރައީސް އޮފީހުގައި ބޭއްވެވި ނޫސްވެރިންގެ ބައްދަލުވުމުގައި އެވެ. އެ ދުވަހު ރައީސް ވިދާޅުވީ އެސްޑީއެފްގައި 320 މިލިއަން ޑޮލަރު އަދި ޔޫސަބަލް ރިޒާވުގައި ހުރި 330 މިލިއަން ޑޮލަރު އެބަހުރި ކަމަށެވެ.

މޯލްޑިވްސް މަނިޓަރީ އޮތޯރިޓީން އެންމެ ފަހުން އާންމުކޮށްފައިވާ ރިޒާވު ހިސާބުތަކުން ދައްކާ ގޮތުގައި، ފެބްރުއަރީ މަސް ނިމުނުއިރު ޖުމްލަ ރިޒާވުގައި 1.27 ބިލިއަން ޑޮލަރު އެބަހުއްޓެވެ. ބޭނުންކުރެވޭ ރިޒާވުގައި ހުރީ 337 މިލިއަން ޑޮލަރެވެ.

އެސްޑީއެފްގައި އެންމެ ފަހުން ހުރި ކަމަށް ބުނާ 350 މިލިއަން ޑޮލަރާއި ބޭނުންކުރެވޭ ރިޒާވުގައި ހުރި ފައިސާ އެއްކޮށްލުމުން ހުރި ޖުމްލަ 687 މިލިއަން ޑޮލަރަށް އަރަ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox