މަޝްރޫއުތައް ކުރިއަށް ގެންދަން ހުއްދަ ނުދިނީ ކޮން ކައުންސިލްތަކެއްކަން ސަރުކާރަކަށް ނުބުނެވުނު

ރައީސް މުއިއްޒު އާއި އިފްރާސްޓަރަކްޗާ މިނިސްޓަރު މުއްތޮލިބް -- ފޮޓޯ: ރައީސް އޮފީސް

ރައީސް މުއިއްޒު އާއި އިފްރާސްޓަރަކްޗާ މިނިސްޓަރު މުއްތޮލިބް -- ފޮޓޯ: ރައީސް އޮފީސް

ބައެއް ރަށްރަށުގެ ކައުންސިލްތަކުން މަޝްރޫއުތަކަށް ބިން ހަވާލުނުކުރާ ކަމަށް ރައީސް މުހައްމަދު މުއިއްޒު ވިދާޅުވި ނަމަވެސް އެއީ ކޮން ރަށްތަކެއް ކަމެއް ސަރުކާރަކަށް ނުބުނެވުނެވެ.

މިދިޔަ ފެބްރުއަރީ 26، 2026 ގައި މުއިއްޒު ވިދާޅުވެފައިވަނީ ސަރުކާރުން ކުރިއަށްގެންދަން ބޭނުންވާ ބައެއް މަޝްރޫއުތައް ނުފެށި ލަސްވަނީ ކައުންސިލްތަކުން ބިން ހަވާލުނުކޮށްގެން ކަމަށެވެ. މިކަމާ ގުޅިގެން "އަދަދު" އިން ސާފުކުރަން ބޭނުންވި މައުލޫމާތުތަކުގެ ތެރޭގައި ހިމެނެނީ؛

  • ބިން ހަވާލުނުކޮށްގެން މަޝްރޫއުތައް ހުއްޓިފައިވަނީ ކޮން ރަށްތަކެއްގައިތޯ؟
  • އެއީ ކޮން ކަހަލަ މަޝްރޫއުތަކެއްތޯ؟
  • އެ މަޝްރޫއުތަކަށް ސަރުކާރުގެ ބަޖެޓުން ކަނޑައަޅާފައިވަނީ ކިހާ ފައިސާއެއްތޯ؟

މައުލޫމާތު ހޯދައި ލިބިގަތުމުގެ ހައްގުގެ ގާނޫނުގެ ދަށުން ހުށަހެޅި މި ސުވާލުތަކަށް ގާނޫނުގައި ބުނާ މުއްދަތުގެ ތެރޭގައި ޖަވާބު ދިނުމުގެ ބަދަލުގައި، ރައީސް އޮފީހުން ވަނީ 14 ދުވަހުގެ މުއްދަތެއް އިތުރުކޮށްފަ އެވެ.

Advertisement

ގާނޫނުގެ ދަށުން މައުލޫމާތު ހޯދަން ހުށަހަޅާ ސުވާލުތަކަށް 21 ދުވަސްތެރޭގައި މައުލޫމާތު ދޭންޖެހެ އެވެ. އެ މުއްދަތު 14 ދުވަހަށް އިތުރު ކުރެވިދާނެ ކަމަށް ގާނޫނުގައި އޮތަސް، ގާނޫނު ބޮޑަށް ބާރު އަޅަނީ ވީހާ ވެސް އަވަހަކަށް މައުލުމާތު ފޯރުކޮށް ދިނުމަށެވެ.

މިހާތަނަށް އަދަދު ނޫހުން ވާހަކަ ދެއްކި ކައުންސިލްތަކުން ބުނެފައި ވަނީ ސަރުކާރުގެ މަޝްރޫއުތައް ނުފެށި އޮތީ ބިން ހަވާލު ނުކޮށްގެން ނޫން ކަމަށެވެ. ރައީސް ދެއްވި އެ ވާހަކަ އައްޑޫ، ފުވައްމުލައް އަދި ތިނަދޫގެ މޭޔަރު ވެސް ދޮގުކުރެއްވި އެވެ.

ރާއްޖޭގެ ތަރައްގީގެ މަޝްރޫއުތައް ކުރިއަށް ނުދަނީ ކައުންސިލްތަކުން އެއްބާރުލުން ނުދޭތީ ކަމަށް ވިދާޅުވެ މުއިއްޒު ދެއްކެވި ވާހަކައަކީ ކައުންސިލުތަކުގެ އަގު ވައްޓައިލުމަށް މި ސަރުކާރުން ހިންގާ ސިލްސިލާގެ ތެރެއިން ބޮޅެއް ކަމަށް އައްޑޫ ސިޓީގެ މޭޔަރު، އަލީ ނިޒާރު ވިދާޅުވެފައިވެ އެވެ.

"ބަލަންވާ ވަރަށް ނުބަލައި، އަދި ހަގީގަތް ރައްޔިތުންނަށް ހާމަކޮށްދިނުމުގެ ބަދަލުގައި އަޅުގަނޑުމެންނަށް ފެނިގެން މި ދަނީ ޒިންމާދާރުކަން ކުޑަކޮށް ކައުންސިލްތަކުގެ އަގު ހަމަ ތަކުރާރުކޮށް މި ސަރުކާރު އައިއްސުރެ ކައުންސިލްތަކުގެ އަގު ވައްޓައިލުމަށް މަސައްކަތް ކުރެވޭ، އޭގެން، އެ ސިލްސިލާގެ ތެރެއިން ހިނގާދިޔަ ވާހަކަތަކެއްގެ ގޮތުގައި އަޅުގަނޑު ގަބޫލު ކުރަނީ މި ކަން ވެސް ހިނގައިދިޔައީ،" ނިޒާރު ވިދާޅުވި އެވެ.

ކުޅުދުއްފުށީ ސިޓީ ކައުންސިލުން 150 ހައުސިން ޔުނިޓުގެ މަޝްރޫއުއެއް ކުރިއަށް ގެންދިޔުމަށް ސަރުކާރުން ހުއްދަ ނުދީ، އެ ސިޓީގެ ތަރައްގީ އަށް ހުރަސް އަޅާފައިވާ ކަމަށް މޭޔަރު މުހައްމަދު އާތިފު ވިދާޅުވެފައިވެ އެވެ.

އަދަދު ނޫހުން ގެނެސްދޭ "ފެންނަނުފެންނަ" ޕްރޮގްރާމުގައި އާތިފު ވިދާޅުވީ ބައެއް ރަށްރަށުގެ ތަރައްގީގެ މަޝްރޫއުތައް ނުފެނި އޮތީ ކައުންސިލުން ހުއްދަ ނުދީގެން ކަމަށް ރައީސް މުހައްމަދު މުއިއްޒު ވިދާޅުވުމަކީ ހަމަޖެހޭ ވާހަކައެއް ނޫން ކަމަށެވެ.

"ކުޅުދުއްފުށްޓަށް އަންނަ ތަރައްގީ [ކައުންސިލުން] ހިފަހައްޓާނެ ކަމަށް ކުޅުދުއްފުށީގެ އެއްވެސް ރައްޔިތަކު ގަބޫލެއް ނުކުރާނެ މިއަދު. މާކުރީގެ ވިސްނުންފުޅަކާއިގެން އެ އުޅުއްވަނީ ރައީސުލްޖުމްހޫރިއްޔާ،" އާތިފު ވިދާޅުވި އެވެ.

ތަރައްގީގެ މަޝްރޫއުތައް ހުއްޓިފައި ވަނީ ސަރުކާރުގެ ސަބަބުން ކަމަށް އެއްބަސްނުވެ މުއިއްޒު ދާދި ފަހުން ވިދާޅުވީ 57 ރަށެއްގެ މަޝްރޫއުތައް ކުރިއަށް ނުގެންދެވި އޮތީ ކައުންސިލުން ހުއްދަ ނުދީގެން ކަމަށެވެ.

މުއިއްޒު މިހެން ވިދާޅުވިއިރު ލާމަރުކަޒީ ގާނޫނު ބަދަލުކޮށްފައިވާ ގޮތުން ކައުންސިލަކުން ހުއްދަ ނުދިނަސް ސަރުކާރުން ބޭނުންވާ މަޝްރޫއުތައް ކުރިއަށް ގެންދެވޭނެ އެވެ.

ރަށު ކައުންސިލެއް، އަތޮޅު ކައުންސިލެއް އަދި ސިޓީ ކައުންސިލެއްގެ ހުއްދަ ނުލިބެގެން ތަރައްގީގެ މަޝްރޫއުއެއް ކުރިއަށް ނުގެންދެވިގެން ރައީސް އޮފީހުން އަދި ސަރުކާރުގެ އެހެން އެއްވެސް އިދާރާތަކުން ތިޔަ އިދާރާގެ ހުއްދައަށް އެދި ހުށަހަޅާފައިވޭތޯ ސާފުކުރުމަށް ލޯކަލް ކައުންސިލް އޮތޯރިޓީ އަށް ހުށަހެޅި ސުވާލުތަކަށް ޖަވާބު ނުދީ މުއްދަތު ވަނީ އިތުރުކޮށްފަ އެވެ.

ލޯކަލް ކައުންސިލް އޮތޯރިޓީއަށް ހުށަހެޅި ސުވާލުތައް؛

  • ރަށު ކައުންސިލެއް، އަތޮޅު ކައުންސިލެއް އަދި ސިޓީ ކައުންސިލެއްގެ ހުއްދަ ނުލިބެގެން ތަރައްގީގެ މަޝްރޫއުއެއް ކުރިއަށް ނުގެންދެވިގެން ރައީސް އޮފީހުން އަދި ސަރުކާރުގެ އެހެން އެއްވެސް އިދާރާތަކުން ތިޔަ އިދާރާގެ ހުއްދައަށް އެދި ހުށަހަޅާފައިވޭތޯ؟ ހުށަހަޅާފައި ވާނަމަ އެ މަޝްރޫއުއަކީ ކޮބައިކަމާއި އަދި އެ ރަށަކީ ކޮބައިތޯ؟
  • މަޝްރޫއު ކުރިއަށް ގެންދިޔުމަށް ލޯކަލް ގަވާމެންޓުގެ ހުއްދަ ދީފައި ވަނީ ކިތައް ރަށަށްތޯ؟
  • މިފަދަ ކަމާ ގުޅިގެން އެއްވެސް ކައުންސިލަކާމެދު ފިޔަވަޅެއް އަޅާފައިވާނަމަ އެއީ ކޮން ފިޔަވަޅެއްތޯ އަދި ފިޔަވަޅު އެޅީ ކޮން ތާރީހެއްގައިތޯ؟
  • ލޯކަލް ގަވާމެންޓު އޮތޯރިޓީގެ ހުއްދަށް އެދި ސަރުކާރުގެ އޮފީސްތަކުން ފޮނުވި ސިޓީގެ ކޮޕީ؟

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox