ބަންޑާރަ މިސްކިތް ތަޅާލުމާ ދެކޮޅަށް ސޯޝަލް މީޑިއާގައި އަޑުއުފުލަނީ

ބަންޑާރަ މިސްކިތުގެ ވަރަށް ކުރީގެ ފޮޓޮއެއް: މިއީ ވޯރާއިން މާލޭގައި ބިނާކުރި މިސްކިތެއް --- ފޮޓޯ: ރަންޒަމާން ފޭސްބުކް ޕޭޖު

ބަންޑާރަ މިސްކިތުގެ ވަރަށް ކުރީގެ ފޮޓޮއެއް: މިއީ ވޯރާއިން މާލޭގައި ބިނާކުރި މިސްކިތެއް --- ފޮޓޯ: ރަންޒަމާން ފޭސްބުކް ޕޭޖު

ބަންޑާރަ މިސްކިތް ތަޅާލައި އެ ތަނުގައި އިތުރު މިސްކިތެއް އަޅަން ސަރުކާރުން ގެންގުޅޭ ޕްލޭނާ ދެކޮޅަށް އަޑު އުފުލައި، އެ މިސްކިތަކީ ސަގާފީ ތަރިކައެއްގެ ގޮތުގައި ކަނޑައަޅަން ގޮވާލަން ފަށައިފި އެވެ.

ބަންޑާރަ މިސްކިތް ތަޅާލުމާ ދެކޮޅަށް ސޯޝަލް މީޑިއާގައި ހިޔާލު ފާޅުކޮށްފައިވާ މީހުންގެ ތެރޭގައި ތާރީހު ދިރާސާކުރައްވާ ނާޖިހު ދީދީ އާއި ކުރީގެ ޖަސްޓިސް މިނިސްޓަރު މުހައްމަދު މުއިއްޒު އަދުނާނު އާއީ ލިޔުންތެރިޔާ އަދުނާން ހަލީމް އާއި ތާރީހު ދިރާސާކުރާ ޝަމްއޫން ޖަލީލު (ލޫކަސް ޖަލީލު) ހިމެނެ އެވެ. މި އެންމެން ވެސް ގަބޫލުކުރަނީ މިއީ ހިމާޔަތްކުރަން ޖެހޭ އާސާރީ ތަރިކައެއް ކަމަށެވެ.

ނާޖިހު އެކްސްގައި ވިދާޅުވި ގޮތުގައި ގަރުނެއް ވާން ގާތްފެފައި ހުރި ބަންޑާރަ މިސްކިތް ނައްތާލުމަކީ އެއް ގޮތަކަށް ވެސް ކޮށްގެން ވާނެ ކަމެއް ނޫން ކަމަށެވެ. އޭނާ ވަނީ، ސަރުކާރުގެ މި ނިންމުން ސަގާފީ ތަރިކަ ރައްކާތެރިކުރުމުގެ ގާނޫނާ ވެސް ހިލާފު ކަމަށް ވިދާޅުވެ މި މަސައްކަތް ހުއްޓާލަން އިސްލާމިކް މިނިސްޓްރީއަށާއި ހެރިޓޭޖު މިނިސްޓްރީއަށް ގޮވާލާފަ އެވެ.

"މިއީ އެއްގޮތަކަށް ވެސް ކޮށްގެންވާނެ ކަމެއް ނޫން! ދިވެހިރާއްޖޭގެ ހާއްސަ ތާރީހީ ކަމަކާ ގުޅުން ހުރި އަދި މިހާރު 98 އަހަރުވެފައިވާ މިފަދަ ތަނެއް ނައްތާލުމަކީ ތާރީހަށް ދެވޭނެ އިއާދަނުކުރެވޭ ފަދަ ބޮޑު ގެއްލުމެއް! އަދި އެއީ ދިވެހިރާއްޖޭގެ ސަގާފީ ތަރިކަ ރައްކާތެރިކުރުމަށް ހަދާފައިވާ ގާނޫނާ ވެސް ހިލާފުކަމެއް!،" ނާޖިހު ވިދާޅުވި އެވެ.

ނާޖިހުގެ މި ޕޯސްޓަށް ރައްދު ދެމުން އިސްލާމިކް މިނިސްޓަރު މުހައްމަދު ޝަހީމް ވިދާޅުވީ، ބަންޑާރަ މިސްކިތަކީ އާސާރީ މިސްކިތްތަކުގެ ލިސްޓުގައި ހިމެނޭ ތަރިކައެއް ނޫން ކަމަށެވެ.

އެ ގޮތުން ތަނަކަށް 100 އަހަރު ވުމަކީ އެ ތަނެއް ހުރި ގޮތަށް ބަހައްޓަން ޖެހޭ ސަބަބެއް ނޫން ކަމަށް ޝަހީމް ވިދާޅުވި އެވެ. އޭނާގެ މި ނުކުތާއަށް ބާރު ދެއްވަން އޭނާ ބޭނުންކުރެއްވީ އިބްރާހިމްގެފާނު ގެފުޅު ބިނާކުރެއްވި ދުވަސްވަރުން ފެށިގެން މި ހިނގި ދިގު މުއްދަތުގެ ތެރޭގައި ގެފުޅަށާއި ގެފުޅު ހުންނަ މަސްޖިދުލް ހަރަމްފުޅަށާއި މަސްޖިދުލް ނަބަވީއަށް ގެނެސްފައި ހުރި ބަދަލުތަކެވެ.

ބަންޑާރަ މިސްކިތް ތަޅާލުމުގެ ދިފާއުގައި ޝަހީމް ނެންގެވި އަނެއް ނުކުތާއަކީ މާލޭގެ އެންމެ ތޮއްޖެހުން ބޮޑު އެއް ސަރަހައްދުގައި ހުންނަ އެ މިސްކިތުގެ ޖާގަ ކުޑަ ވުމެވެ. މި ސަބަބުތަކަށް ޓަކައި ވެސް އެ މިސްކިތް ބޮޑުކުރަން ޖެހޭ ކަމަށް އޭނާ ވިދާޅުވެފައިވެ އެވެ.

"ބަންޑާރަ މިސްކިތް ބޮޑު ކުރަން ޖެހެނީ އެ ސަރަހައްދުގަ މީހުން ގިނަވެ ވަކިން ހާއްސަކޮށް ބާޒާރު މަތީ އާބާދީ ބޮޑުގެ އެ މިސްކިތަށް ބާރު ބޮޑުވޭ. އަމުދުން ރޯދަ މަހު،" ޝަހީމް ވިދާޅުވި އެވެ.

ޝަހީމް އާއި ނާޖިހުއާ ދެ ބޭފުޅުން ވަނީ މި މައްސަލައިގައި ސޯޝަލް މީޑީއާގައި ބޮޑު ބަހުސެއްކޮށްފަ އެވެ. ވަކި ހިސާބަކުން ޝަހީމް ވަނީ އެ މިސްކިތް ތަޅާލުމަކީ އޭނާގެ "ރައުޔު" ކަމަށް ވިދާޅުވެ އެ ނިންމުން ބަދަލު ނުވާނެ ކަމަށް ދޭހަވާ މޭރުމަކުން ގަދަ ބަސް ވިދާޅުވެފަ އެވެ.

ބަންޑާރަ މިސްކިތުގެ ތާރީހު

ބަންޑާރަ މިސްކިތަކީ ބުންބާ ބޯރާއިން ނުވަތަ ވޯރާއިން ރާއްޖޭގައި ބިނާކުރި މިސްކިތެކެވެ. މި މިސްކިތަށް ކުރިން ކިޔައި އުޅުނީ ބުންބާ މިސްކިތެވެ. ގާތްގަނޑަކަށް 40 އަހަރު ވަންދެން މި މިސްކިތް ބޭނުންކުރި ހަމައެކަނި ބުންބާ ވޯރާ މީހުން ނަމާދުކޮށް ހެދުމަށެވެ.

ތާރީހީ ލިޔުންތަކާ ހަވާލާދީ ލިޔެފައިވާ ލިޔުންތަކުގައިވާ ގޮތުގައި ބަންޑާރަ މިސްކިތް އިމާރާތްކުރިއިރު، ބުންބާ ވޯރާއިން ތަބާވާ ޝިއައީ މަޒަހުބުގެ މިސްކިތްތަކުގައި ހުންނަ ސިފަތައް ހުއްޓެވެ.

ބުންބާ މިސްކިތުގެ ގޯތި ތެރޭގައި ޓިނުން ހަދާފައި ހުރި މުއްލާ ދިރިއުޅޭނެ ތަނަކާއި މީހުން ދިރިއުޅޭނެ އެހެން އިމާރާތްތައް ހުއްޓެވެ. އަދި މިސްކިތް ޒީނަތްތެރިކުރަން، ޝިއައީން ބޭނުންކުރާ ފަރުމާތަކާއި ނިޝާންތައް ބޭނުންކޮށްފައި ހުއްޓެވެ.

ކުރީގެ ރައީސް އިބްރާހިމް ނާސިރު 1962 ގައި ވޯރާ ވިޔަފާރިތައް މަނާކުރުމާ ގުޅިގެން، އެ މީހުން މާލެ ދޫކޮށް ދިޔުމަށް ފަހު އަހަރުތަކެއް ވަންދެން މި މިސްކިތް ބޭނުން ނުކޮށް ހުއްޓެވެ.

މި މިިސްކިތް ބޭނުންނުކޮށް ހުއްޓައި އާންމުކޮށް ނަމާދުކުރާ ތަނެއްގެ ގޮތުގައި މިސްކިތް ބޭނުންކުރެވޭ ގޮތަށް ބަދަލުތައް ގެނައުމުގެ މަސައްކަތް ފެށީ ޑިސެމްބަރު، 1966 ގައި އެވެ. އޭގެ މަހެއްހާ ދުވަސް ފަހުން، ޖެހިގެން އައި އަހަރުގެ ޖެނުއަރީގައި އެ މިސްކިތުގައި ނަމާދުކުރަން ފެށި އެވެ.

މިހާރު މި ކިޔާ ގޮތަށް މި މިސްކިތަށް ބަންޑާރަ މިސްކިތުގެ ނަން ދެވުނީ ދިވެހިންނަށް ބޭނުންކުރެވޭ ގޮތަށް މިސްކިތް ހުޅުވި އިރުގަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox